ဝက်နံရိုးကြော်

ကိုရီးယားခရီးစဉ်ကို ရေးရမှာ ပျင်းနေတာနဲ့ လွယ်လွယ်ကူကူ ဟင်းချက်နည်းနဲ့ပဲ ဂဠုန် ဆားချက်လိုက်ပါတယ်။

ပါဝင်သောပစ္စည်းများ
ဝက်နံရိုး
ပဲငံပြာရည် အကြည် အနည်းငယ်
ပဲငံပြာရည် အနောက် အနည်းငယ်
ခရုဆီ အနည်းငယ်
ကြက်ဥ ၃ လုံး
ရွှေကြည်မှုန့် လက်ဖက်ရည်ဇွန်း ၂ ဇွန်း



ဝက်နံရိုးကို ခရုဆီ၊ ပဲငံပြာရည် အကြည်၊ အနောက်တို့နဲ့ နယ်ထားပါ။ 

ကြက်ဥ နဲ့ ရွှေကြည်မှုန့်တို့ကို ပန်းကန်တစ်ခုထဲ ထည့်ပါ။

ကြက်ဥနှင့် ရွှေကြည်မှုန့် သေချာရောသွားသည်အထိ ဇွန်းနဲ့ခေါက်ပါ။

ဒယ်အိုးထဲကို ဆီထည့်ပြီး ပူအောင်တည်ပါ။
ဆီပူလာသောအခါ ခေါက်ထားသော ကြက်ဥအရည်ထဲသို့ ၀က်နံရိုးကို တစ်ခုချင်းစီ နှစ်ပြီး ဆီပူထဲ ထည့်ကြော်ပါ။ တစ်ဖက်ကျက်လျှင် နောက်တစ်ဖက်သို့လှန်ပေးပါ။

ဝက်နံရိုးကြော်ပူပူကြွပ်ကြွပ်လေး ရပါပြီ။
အမြင်မလှပေမယ့် အရမ်းအရသာရှိပါတယ်။


ပဲသီးသုပ် (ပဲတောင့်ရှည်)

ငယ်ငယ်တုန်းက ခဏခဏစားရတဲ့ ဟင်းလျာပါ။ အမေက အသုပ်နဲ့ ဟင်းချို ကြိုက်တဲ့သူမို့ သူချက်ရင် အသုပ်တစ်မျိုးမျိုး ဒါမှမဟုတ် ဟင်းချို အမြဲပါပါတယ်။ ပဲတောင့်ရှည်သီးကို ပြုတ် ထောင်းပြီးမှသုတ်ပါတယ်။

ပါဝင်သောပစ္စည်းများ
ပဲတောင့်ရှည် တစ်စည်း
ကြက်သွန်နီဆီချက်
မြေပဲလှော်ထောင်း (သို့) ပဲမှုန့်အကျက်မှုန့်
ဆားအနည်းငယ်
ငံပြာရည်အနည်းငယ်
သံပုရာသီး တစ်စိတ်
ကြက်သွန်နီ ဥကြီးတစ်လုံး
ငရုတ်သီး အကျက်မှုန့်



ရေနွေးပွက်ပွက်ဆူထဲကို ပဲတောင့်ရှည်သီး ထည့်ပြုတ်ပါ။ ပုံမှန် လှီးပြီးသုပ်စားရင် ခပ်စိမ်းစိမ်း မာမာအနေအထားမှာ ပြန်ဆယ်တာ ကောင်းပေမယ့် အခုက ထောင်းပြီးသုပ်မှာမို့ နဲနဲ ပျော့တဲ့အထိထားပြီးမှ ဆယ်ပါတယ်။ ဆယ်ထားတဲ့ ပဲတောင့်ရှည်တွေကို ရေစစ်၊ ပြီး ငရုတ်ဆုံနဲ့ ထောင်းထားပါတယ်။ 


ဆီချက်ချက်ဖို့ ကြက်သွန်နီခွာပါတယ်။ အသေးနှစ်လုံးက ဆီချက်ချက်ဖို့ ဖြစ်ပြီး၊ အကြီးတစ်လုံးက အသုပ်ထဲ လှီးထည့်ဖို့ ဖြစ်ပါတယ်။

 အိမ်မှာ ရှိတဲ့ မြေပဲကို လှော်ပါတယ်။ ဒီအဆင့်ကတော့ တော်တော်များများအနေနဲ့ လှော်ပြီးသားမြေပဲဝယ်လိုက်ရင် လုပ်စရာ မလိုတော့ပါဘူး။ ကိုယ်ကတော့ မြေပဲကို အစိမ်းဝယ်ထားပြီး စားချင်တဲ့အချိန်လှော်စားတာ များပါတယ်။ မြေပဲလှော်ရင် အညာမှာတော့ သဲထည့်လှော်ပြီး၊ ရန်ကုန်မှာတော့ ဆားထည့်လှော်ပါတယ်။ မြေပဲကို တိုက်ရိုက် အပူသက်သာအောင်လို့ ထင်ပါတယ်။ မြေပဲလှော်ရင် ဖျစ်ဖျစ် အသံပျောက်တာနဲ့ မီးပိတ်လိုက်ရင် အတော်ပါပဲ။

ပြီးဆီချက်ချက်ပါတယ်။

 ကဲထည့်စရာ အမယ်တွေ စုံပြီဆိုတော့ စသုပ်ပါတော့မယ်။


ထောင်းထားတဲ့ ပဲတောင့်ရှည်ထဲကို ကြက်သွန်နီပါးပါးလှီးထည့်၊ မြေပဲလှော်ထောင်းထည့်၊ ဆီချက်၊ ဆားအနည်းငယ်၊ ငံပြာရည်အနည်းငယ်၊ ငရုတ်သီးအကျက်မှုန့်၊ သံပုရာသီးတစ်စိတ် ညှစ်ထည့်ပြီး နယ်လိုက်ရုံပါပဲ။

ကိုရီးယား ခရီးစဉ် Day 5

ယောင်ပြုံးမြို့။ Yongpyong Ski Resort ၂၅ ဖေဖော်ဝါရီ ၂၀၁၄။

မနက်စာကို ဟိုတယ်ရှေ့က စားသောက်ဆိုင်လေးမှာ ကျွေးပါတယ်။ အဲဒိဆိုင်က နာမည်ကျော်ကိုရီးယားကား winter sonata ရိုက်ကွင်းမှာ ပါတဲ့ဆိုင်လို့ တိုးဂိုက်က ပြောပါတယ်။ ဆိုင်ရှေ့မှာရော ဆိုင်ထဲမှာပါ အဲဒိကားမှာပါတဲ့ မင်းသား မင်းသမီးတွေပုံကို နေရာတကာ တွေ့ရပါတယ်။
မနက်စာက ပုံမှန် ဥရောပဘူဖေးပါပဲ။
မနေ့ညက ဟိုတယ်ရောက်ရောက်ချင်း ဆိုင်ကို လှမ်းရိုက်ထားတာပါ။

ဒါကတော့ မနက်စာစားဖို့ ဆိုင်ထဲမ၀င်ခင် အတူသွားတဲ့ ခရီးသွားအုပ်စုအမှတ်တရပါ။

ဆိုင်ထဲ နံရံအားလုံးမှာ winter sonata ထဲက မင်းသားမင်းသမီးပုံတွေ ကပ်ထားပါတယ်။

ဒါကတော့ ကိုယ့်မင်းသားပေါ့။ (အဟက်)

မနက်စာစားပြီးတာနဲ့ ကေဘယ်ကားစီးဖို့ ယောင်ပြုံးတောင်ခြေကို ၁၀ မိနစ်လောက် လမ်းလျှောက်ရပါတယ်။ ကေဘယ်ကားနဲ့ တောင်ပေါ်ကို တက်တဲ့ လမ်းတစ်လျှောက်အောက်မှာ  စကီးစီးနေတဲ့သူတွေကိုတွေ့နေရတော့ ငါတို့အဲဒိတောင်ပေါ်ကနေ ဆင်းလာရင်တော့ သေချာပေါက် မှောက်ရက်လဲမှာပဲလို့ အချင်းချင်းပြောပြီးတွေးကြောက်နေကြပါတယ်။

ဒါကတော့ ကေဘယ်ကားအဆီအသွား လမ်းမှာပါ။

ကေဘယ်ကားပေါ်က လှမ်းရိုက်ထားတာပါ။ 

တောင်ပေါ်ရောက်တော့ ဂိုက်က စကီးစီးရမှာ တောင်အောက်မှာပါ။ ဒီအပေါ်ခေါ်လာတာ ရှုခင်းကြည့်ဖို့ပါဆိုမှ ပေါ့ပေါ့ပါးပါ့း ရယ်နိုင်ပါတော့တယ်။ ပထမဆုံးအကြီမ် ရေခဲတောင်ပေါ် နင်းဖူးတာဆိုတော့ စိတ်ရှိလက်ရှိဆော့ကြတာ ကလေးတွေထက်တောင် ဆိုးပါတယ်။ ရေခဲတွေ လုံးပြီး တစ်ယောက်နဲ့တစ်ယောက်ပေါက်ကြ။ ပေါက်ကရပုံစံတွေနဲ့ ဓာတ်ပုံရိုက်ကြနဲ့။ တောင်ပေါ်မှာ နေက ခြစ်ခြစ်တောက်ပူတာပါ။ ဒါပေမယ့် အနွေးထည်ချွတ်ဖို့ စိတ်ကူးလို့ကို မရပါဘူး။ နေပူထဲမှာ ရာသီဥတုက အေးစိမ့်နေပါတယ်။

တောင်ပေါ်မှာပါ။ နေပူနေတော့ မျက်လုံးကို မဖွင့်နိုင်ကြပါဘူး။ 

ရေခဲဆုပ်နဲ့ ကစားစို့။

တောင်ခြေကိုကေဘယ်ကားနဲ့ပဲ ပြန်ဆင်းလာပြီး စကီးသွားငှားကြပါတယ်။ ကိုယ့်ပစည်းတွေကို လော့ကာ (locker) ထဲထည့်ပြီးထားခဲ့ရပါတယ်။ ဖြစ်ချင်တော့ လော့ကာရှေ့က ခုံတန်းရှည်လေးမှာ စကီးဖိနပ်စီးနေတုန်း ဘေးမှာ ခဏချထားတဲ့ စကီးစီးမျက်မှန် ပျောက်သွားပါတယ်။ လူတွေကလည်း တစ်ယောက်ပြီးတစ်ယောက် ထိုင်ခုံမှာထိုင်ပြီး ဖိနပ်စီးကြ၊ ပစည်းတွေခဏချကြဆိုတော့ တစ်ယောက်ယောက်မှားယူသွားတာ ဖြစ်နိုင်ပါတယ်။ အဲဒိစကီးမျက်မှန်ကလည်း resort ဆိုင်က ငှားလာတာဆိုတော့ လျော်ရတော့မယ်ဆိုပြီး လူလည်းတော်တော်မပျော်မရွှင်ဖြစ်သွားပါတယ်။
(လျော်တဲ့တန်ဖိုးကလည်း မနည်းပါ။ စင်ကာပူဒေါ်လာ ၃၀ လောက်ပေးလိုက်ရပါတယ်။ )

စကီးဆိုင်က စကီးတွေ။

အဖွဲ့လိုက်ကို စကီးစီးနည်း ၁၀ မိနစ်ခန့်ပြပါတယ်။ တစ်ခါ နှစ်ခါလောက်ချော်လဲပြီး ကာင်းကောင်းစီးတတ်သွားပါတယ်။ တောင်ခြေမှာပဲ ပိုမြင့်တဲ့ဘက်ကို စကီးတွေသယ်ပြီးသွား၊ အဲဒိနေရာရောက်တော့မှ စကီးကိုစီးပြီး ဆင်းကြတာပါ။ ဒါပေမယ့် အောက်ခြေကို စကီးနဲ့ လျှောစီးရတာ ပျော်ဖို့ ကောင်းသလောက် စကီးကိုသယ်ပြီး ပြန်အတက်ကတော့ တော်တော်ကို ပင်ပန်းပါတယ်။ နေပူပူမှာ မျက်မှန်မပါဘဲစီးရတော့ တော်တော်ကို ပူအိုက်နေတာပါ။ ပူအိုက်နေလို့ ဂျာကင်ချွတ်မယ်ဆိုပြန်တော့လည်း တော်တော်ကို အေးပါတယ်။ ကဲမခက်ပေဘူးလား။


ကိုရီးယားခရီးစဉ် နိဒါန်း
ကိုရီးယား ဗီဇာ
ကိုရီးယားခရီးစဉ် Day 1
ကိုရီးယားခရီးစဉ် Day 2
ကိုရီးယားခရီးစဉ် Day 3
ကိုရီးယားခရီးစဉ် Day 4
ကိုရီးယားခရီးစဉ် Day 5
ကိုရီးယားခရီးစဉ် Day 6 
ကိုရီးယား အလှကုန်များ

ပုစွန်ကင်

အိမ်မှာ လုပ်စားဖြစ်တဲ့ ပုစွန်ကင်လေး ရှယ်ချင်ပါတယ်။

ဒီပစ္စည်းတွေထည့်ထားတယ်
ပုစွန် - 500 g ( ၄ - ၅ ယောက်စာ)
ကြက်သွန်ဖြူ - ၄ တက်
ငရုတ်သီးခြောက် - ၈ တောင့်
ဆားအနည်းငယ်

ဒီလိုပြင်ဆင်ထားတယ်
ကြက်သွန်ဖြူကို မညက်တညက် ကြိတ်ပါ (သို့) ထောင်းပါ။
ငရုတ်သီးခြောက်ကို နုတ်နုတ်စင်းပါ။  (အိမ်မှာ ငရုတ်သီးခြောက်ကုန်နေလို့ အစိမ်းမှုန့်သုံးလိုက်ပါတယ်)
ပုစွန်ကို အမြီးနေရာ ချန်ပြီး ကျန်တာ အခွံခွာပါ။
ပြီး ကြက်သွန်ဖြူ ထောင်း ၊ ငရုတ်သီး၊ ဆားနဲ့ ပုစွန်ကို ရောနယ်ပြီး ရေခဲသေတ္တာထဲမှာ ၃ နာရီခန့်နှပ်ထားပါ။




ဒီလိုကင်တယ်
ပုစွန်ကို သီတံမှာ သီပါ။ (၀ါးချွန်သီတံ သို့ စတီးသီတံ)


oven မှာ အပူချိန် ၂၅၀ ဒီဂရီ စင်တီဂရိတ်လောက်နဲ့ ၃၀ မိနစ်ကင်ပါ။
(သို့မဟုတ်) မီးသွေးဖိုမှာ ၁၀ မိနစ်လောက်ကင်ပါ။



စားကြမယ်ဗျို့
သံပုရာသီးလေးညှစ်ပြီး ပူတုန်းလေး စားကြရအောင်။


ကိုရီးယားခရီးစဉ် Day 4

ဒယ်ဂူးမြို့။ ၂၄ ဖေဖော်ဝါရီ ၂၀၁၄။

Daegu Cheese School - ပီဇာကိုယ်တိုင်လုပ်ကြမယ်

ဟိုတယ်မှာ မနက်စာစားပြီး Daegu Cheese School ကို သွားကြပါတယ်။ သင်တန်းဆရာက ပီဇာလုပ်နည်းပြပေးပြီး နှစ်ယောက်တစ်ခု လုပ်ရပါတယ်။ ပြီးနေ့လည်စာကို အဲဒိပီဇာပဲစားရမယ်ဆိုတော့ လူတိုင်းက အားကြိုးမာန်တက် ကောင်းအောင် လုပ်ကြရပါတယ်။ အမှန်တော့ ဂျုံကလည်းနည်ပြီးသား၊ အထဲမှာထည့်မယ့်အဆာပလာတွေကလည်း ပြင်ဆင်ပြီးသားပါ။ ကိုယ်တွေက ဂျုံကိုပြားပြီး အဆာလေးတွေ ပုံပေးရုံပါပဲ။ ဒါကိုပဲ သင်တန်းဆိုပြီး အကျယ်ချဲ့ရှင်းပါတယ်။



ဂျုံကို ပေးထားတဲ့ ဒလိမ့်တုံးနဲ့ အ၀ိုင်းပုံစံရအောင်လှိမ့်၊ အနားလေးတွေကို လိပ်ပြီး အပေါ်က ဗန်းထဲက အနှစ်ကို သုပ်ပြီး ကျန်တာတွေ တစ်ခုချင်းစီ ဖြူးပါတယ်။ ပြီးတာနဲ့ oven ထဲထည့်ပြီး ဖုတ်ရအောင် ဆရာကိုပေးလိုက်ရပြီး ဆရာက ကိုယ့်ပီဇာအတွက် oven အကန့်နံပါတ်တစ်ခု ပြန်ပေးပါတယ်။ 


Daegu Cheese School - ဆန်ပေါက်ပေါက်ဖောက်ကြည့်ကြစို့

 ပီဇာ ကျက်အောင် စောင့်နေချိန်မှာ ကျောင်းဝင်းထဲ လျှောက်ကြည့်ကြပါတယ်။ ဆန်ပေါက်ပေါက်လုပ်တဲ့ စက်မှာ ဆန်လှော်တစ်ထုပ်ထည်ပြီး လက်လှည့်စက်နဲ့ ပေါက်ပေါက်ဖောက်ကြပါတယ်။ တိုးအဖွဲ့မှာ ပါလာသမျှယောက်ျားတွေအကုန်လုံး တစ်ယောက်တစ်လှည့် ၀ိုင်းလျှည့်ကြတာ ပျော်စရာတောင် ကောင်းပါသေးတယ်။ ဓာတ်ပုံရိုက်ဖို့ မေ့သွားလို့ ဓာတ်ပုံမတင်နိုင်ပါဘူး၊ ဗွီဒီယိုတော့ ရိုက်ထားလိုက်တယ်။ နောက်ကြုံရင် ရှယ်ပါမယ်။


Daegu Cheese School - လျှောစီးကြစို့
နောက် ကျောင်းဝင်းထဲက ဘာခေါ်လဲတော့ မသိ၊ အောက်က ပုံမှာ ပါတဲ့ လျှောလေး စီးကြပါတယ်။ သူက ဘရိတ်တွေဘာတွေလဲ ပါတာမဟုတ်။ ကိုယ်တို့ငယ်ငယ်က အုန်းလက်ကို စီးသလို အမြင့်ကနေ လျှောစီးချရတာဆိုတော့ တစ်ခေါက်နဲ့တင် ကိုယ်က တော်လိုက်ပါတယ်။ သူကတော့ ထပ်ခါတလဲလဲစီးပါတယ်။


Daegu Cheese School - နွားကို နို့တိုက်ကြမယ် 
ပြီး ခြံထဲမှာ နွားကလေး ၃ ကောင်မွေးထားတာကို နို့သွားတိုက်ကြပါတယ်။ ကြံကြံဖန်ဖန်နော်၊ ကိုယ်တွေက သူ့နို့ကို အရင် မသောက်ရဘူး။ သူ့ကို အရင် နို့တိုက်နေရတယ်။ ဘာမှတော့မဆိုင် အညာကနွားတွေကိုသတိရလိုက်ပါဘိ။


ဒယ်ဂူးရဲ့ နေ့လည်စာ
အဲဒိနောက်တော့ နေ့လည်စာ စားဖို့အချိ်န်ရောက်ပါပြီ။ ကိုယ်လုပ်ထားတဲ့ ပီဇာနဲ့ စပါကတီခေါက်ဆွဲပါ။ ကိုရီးယားသွားပြီး စပါကတီစားရတာ တော်တော်ရင်နာဖို့ ကောင်းပါတယ်။ 


Daegu to Yongpyong Resort


 နေ့လည်စာစားပြီးတော့ စကီးစခန်းဖြစ်တဲ့ ယောင်ပြုံး (yongpyong ski resort) ကို ခရီးဆက်ကြပါတယ်။ လမ်းခရီးမှာ တဖြည်းဖြည်း နဲ့ ရေခဲနေတဲ့ မြင်ကွင်းတွေကို စမြင်လာရပါပြီ။ ရန်ကုန်ကနေမြင်းခြံအသွား၊ လမ်းမှာ ဖုန်ထူထူလမ်းတွေ၊ မန်ကျည်းပင်တွေ၊ ထနောင်းပင်တွေ၊ ကန္တာရပင်တွေ စတွေ့လာရင် ရင်ခုန်ခဲ့ဖူးသလိုပဲ လမ်းတစ်လျှောက်ရေခဲဖုံးနေတဲ့ မြေနီနီတွေကို စမြင်လာရတာ ရင်ခုန်ဖို့ ကောင်းပါတယ်။ ဒါပေမယ့် တူတော့ မတူပါဘူး။ ဒီရင်ခုန်တာက ကိုယ်မမြင်ဖူးတဲ့ အသစ်အဆန်းအတွက် ပျော်ရွှင်တဲ့ ရင်ခုန်မှုပါ။ လွမ်းဆွတ်မှုတွေ မပါပါဘူး။



ယောင်ပြုံးရဲ့ ညစာ

ယောင်ပြုံးတောင်ပေါ်မြို့အ၀င်က ကိုရီးယားရိုးရာ စားသောက်ဆိုင်တစ်ခုမှာ ညစာကျွေးပါတယ်။ ဒီညစာကတော့ တော်ေ်တ်ာလေးကို စားကောင်းပါတယ်။ စားပွဲထိုးက အသက်ကြီးကြီး အဒေါ်ကြီးတွေပါ။ ကိုရီးယားရိုးရာဝတ်စုံလေးတွေ ၀တ်ထားပြီး၊ စားစရာကို တစ်ပွဲပြီးတစ်ပွဲ အခန်းထဲကို လာပို့ပေးပါတယ်။ ဟင်းပွဲပေါင်းများစွာထဲမှာ ငါးအရေခွံကိုကြော်ပြီး သုပ်ထားတာတော်တော်ကောင်းပါတယ်။ 


ဟိုတယ်မှာ ချက်ကင်ဝင်တော့ မိုးချုပ်နေပါပြီ။ ကားပေါ်ကနေ ရေခဲတွေမြင်ထားတော့ အခန်းထဲ ပစ္စည်း တွေထားပြီး ဓာတ်ပုံရိုက်ဖို့ ချက်ချင်းအပြင်ပြန်ထွက်ကြပါတယ်။ တကယ်တန်းကျ ကြာကြာမနေနိုင်ပါဘူး၊အပြင်မှာ တော်တော်လေး အေးပါတယ်။ ကဲ ဂွတ်နိုက် ယောင်ပြုံးရေ။

ကိုရီးယားခရီးစဉ် နိဒါန်း
ကိုရီးယား ဗီဇာ
ကိုရီးယားခရီးစဉ် Day 1
ကိုရီးယားခရီးစဉ် Day 2
ကိုရီးယားခရီးစဉ် Day 3
ကိုရီးယားခရီးစဉ် Day 4
ကိုရီးယားခရီးစဉ် Day 5
ကိုရီးယားခရီးစဉ် Day 6 
ကိုရီးယား အလှကုန်များ

ကြက်သားရှမ်းချဉ်

လွယ်တာတွေချည်း ချက်စားနေတယ်လို့ ပြောတဲ့သူရှိရင်တော့ သူ့အလွန်မဟုတ်ပါဘူး။ ဟင်းချက်မယ် စိတ်ကူးရင် ဘယ်ဟာအလွယ်ဆုံးလဲက စပြီး စဉ်းစားပါတယ်။ တကယ်တော့ ဒီဟင်းကို ရုံးက သူငယ်ချင်းတစ်ယောက်ချက်ပြီး ရုံးယူလာကတည်းက စားချင်နေတာပါ။ချက်စားဖြစ်တဲ့ ရက်ရောက်တော့ ဖုန်းဆက်ပြီး ထပ်မေးလိုက်ပါသေးတယ်။

ပါဝင်ပစ္စည်းများ
ကြက်သား
ရှမ်းချဉ်
ဆား
အချိုမှုန့်
ဆီ
သကြား



ပထမဆုံး ကြက်သားကို အနေတော်လေးတွေ တုံး၊ ဆား၊ အချိုမှုန့်၊ ပဲငံပြာရည် အကြည်နဲ့ နယ်ထားပါတယ်။

ဒယ်အိုးထဲ ဆီအနည်းငယ်ထည့်၊ ဆီပူရင် နယ်ထားတဲ့ ကြက်သားထည့်လုံး၊ ကြက်သားအပေါ်ယံလေးတင်းပြီး ညှီနံ့ပျောက်ပြီထင်တဲ့အချိန်ကျ ကြက်သားနူးအောင် ရေနဲနဲထည့်ပါတယ်။

ကြက်သားမနူးတနူးအချိန်လောက်မှာ ရှမ်းချဉ်ထည့်ပါတယ်။ ပြီး သကြားနဲနဲထည့်ပါတယ်။ အဖုံးပြန်အုပ်ပြီး ကြက်သားနူးတဲ့အထိတည်ပါ။

ရှမ်းချဉ်ရဲ့အချဉ်နဲ့ သကြားရဲ့ အချိုဓာတ်တွေ ကြက်သားထဲဝင်ပြီး ချိုချိုချဉ်ချဉ် အသားတစ်ပွဲကိုရမှာဖြစ်ပါတယ်။

ဆူးပုပ်ရှောက်ရွက်ဟင်းချို

ဒီဟင်းချိုကို ပထမဆုံးစစားဖူးတာက ရွှေတိဂုံဘုရား မြောက်ဘက်ကဆင်းရင် ရောက်တဲ့ အောင်သုခ ထမင်းဆိုင်မှာ။
နေပူပူမှာ ခံတွင်းကိုရှင်းသွားစေတဲ့ ခပ်ရိုးရိုး ဟင်းချိုတစ်ခွက်ကပဲ ဘုရားသွားတိုင်း အဲဒိဆိုင်မှာ စားချင်လောက်အောင် ဆွဲဆောင်ခဲ့ပါတယ်။

ချက်နည်းကတော့ တော်တော်လွယ်ပါတယ်။

ဆူးပုပ်ရွက်ကို သင်ထား၊ ဂေါ်ဖီကို ခပ်ကြမ်းကြမ်းလှီး၊ ရှောက်ရွက်ကို အနေတော် လှီးဖြတ်ထားပါ။


ရေကိုပွက်ပွက်ဆူအောင်တည်၊ ပွက်ရင် ဆူးပုပ်၊ ဂေါ်ဖီ၊ ဆား၊ အချိုမှုန့် ခပ်ပါ။
ဂေါ်ဖီခပ်စိမ်းစိမ်းအနေအထားမှာပဲ မီးပိတ်လိုက်ပါ။

စားခါနီးရင် တစ်ပွက်ဆူပြန်တည်၊ ပန်းကန်ထဲထည့်ပြီးမှ ရှောက်ရွက်ခပ်ပါ။
ရှောက်ရွက်က ခပ်ထားတာကြာရင် ခါးတတ်ပါတယ်။ ကဲ ပူတုန်းလေး သောက်ကြည့်ပါဦး။





ရဲယိုရွက်ငါးပေါင်းထုပ်

ဒီနေ့တော့ ရဲယိုရွက်ငါးပေါင်းထုပ်နည်းရှယ်ပါမယ်။ အမှန်တော့ သူငယ်ချင်းချက်တာပါ။ ကိုယ်ကဘေးက၀င်ရှုပ်ထားတာပါ။

ငါးခူနဲ့ဆိုပိုကောင်းမှာ ဖြစ်ပေမယ့် ရရာငါးနဲ့ (ငါးသလောက်ယောက်ဖ) ချက်ထားပါတယ်။ ငါးကို နှစ်သက်သလို အတုံးလေးတွေတုံး၊ နနွင်းမှုန့်၊ ဆား၊ အချိုမှုန့်အနည်းငယ်နဲ့ နယ်ထားပါတယ်။

ထိုင်းဆိုင်က ၀ယ်လာတဲ့ မျှစ်ကို ဒီလိုလေးတွေ ပိုင်းထားပါတယ်။




ဒါကတော့ ရဲယိုရွက်ပါ။ ရန်ကုန်က ရဲယိုရွက်က ပိုဝိုင်းပြီး ပိုကြီးပါတယ်။
အခုဟာက စီးတီးဟော ပင်နီစူးလား ပလာဇာက ၀ယ်လာတာပါ။ စင်ကာပူမှာလည်း အပင်တွေ ရှိတော့ ဒီကပဲ ခူးရောင်းတယ်လို့ ခံစားရပါတယ်။


ကြက်သွန်နီဥကြီးတစ်ဥ၊ ကြက်သွန်ဖြူ ငါးမွှာကို ထောင်းပါတယ်။ (အမှန်တော့ ကြိတ်စက်နဲ့ ကြိတ်လိုက်တာပါ)


ပြီး ခုနနယ်ထားတဲ့ ငါးထဲကို ထောင်းပြီးသားကြက်သွန်ဖြူနီ၊ ငရုတ်သီးအရောင်တင်မှုန့်၊ ဆီအနည်းငယ်ထည့်ပါတယ်။


ပိုင်းထားတဲ့ မျှစ်တွေပါ ထည့်နယ်လိုက်ပါတယ်။


ရဲယိုရွက်နောက်က အကြောလေးတွေကို ကပ်ကြေးနဲ့ ညှပ်ပါတယ်။ ထုပ်တဲ့အခါ အရွက်မပေါက်အောင်လို့ပါ။


ပြီးတာနဲ့ရဲယိုရွက်ထဲကို ငါးနဲ့ မျှစ်သမအောင်ထည့်ပြီး ထုပ်ပါတယ်။ အရွက်ကို သွားကြားထိုးတံ နဲ့ သီထားပါတယ်။ ၀ါးသွားကြားထိုးတံနဲ့ သီရမှာပါ။
အိမ်မှာတော့ ကုန်နေတာနဲ့ ရှိတဲ့ ကျောက်ကျောစားတဲ့ ပလတ်စတစ် အချောင်းလေးတွေနဲ့ပဲ သီဖြစ်ပါတယ်။

ပြီးတာနဲ့ နှစ်ထပ်ပေါင်းအိုးမှာ အောက်မှာ ရေထည့် အပေါ်မှာ ငါးပေါင်းထုပ်တွေထည့်ပြီး ပေါင်းပါတယ်။


ငါးနူးလောက်တဲ့အချိန်မှာ ချလို့ရပါပြီ။


အရမ်းလွယ်ပါတယ်။ ဆီလည်းအများကြီးမပါ၊ ခံတွင်းလည်းမြိန်စေတဲ့ လွယ်လွယ်ကူကူ ဟင်းတစ်မည်ပါ။ (ရဲယိုရွက်ရှာရတာ ခက်တဲ့နေရာက လွဲရင်ပေါ့လေ)




Penang 4D3N Free & Easy - Intro

ပီနန်ကျွန်း၊  မလေးရှားနိုင်ငံ။ အောက်တိုဘာ ၆ ရက်မှ ၉ ရက်။ စနေ၊ တနင်္ဂနွေ၊ တင်္နလာ၊ အင်္ဂါ။ ဒီလိုတွေ စီစဉ်ကြတာ။ ဒီခရီးကတော့ သွားခါနီး ၂ ရက်အ...