ကင်းပုံသီး ကြော်ချက်

ပါဝင်သော ပစ္စည်းများ
ကင်းပုံသီး
ကြက်သွန်ဖြူ
ကြက်သွန်နီ
ပုစွန်ခြောက်မှုန့်
ငရုတ်သီးအစိမ်းမှုန့်
ဆားအနည်းငယ်
အချိုမှုန့်အနည်းငယ်

မူဆာဖာ(mustafa) ရောက်ရင် မ၀ယ်ရမနေနိုင် အမြဲဝယ်ဖြစ်တာက ကင်းပုံသီးပါ။ ရန်ကုန်တုန်းကတော့ အချို၊ အခါး၊ အချဉ် သုံးမျိုးလုံးစားခဲ့ရပေမယ့် ဒီမှာ ၀ယ်လို့ရတာက အချိုတစ်မျိုးတည်းရှိပါတယ်။ 

ကင်းပုံသီးကို ရေသေချာဆေးပြီး ဘေးနှစ်ဘက်အနည်းငယ်ကိုလှီးပါ။ ပုံပါအတိုင်း ထက်ခြမ်းခြမ်းပါ။ထို့နောက် လှီးထားသော အခြမ်းကိုမှောက်ပြီး ငရုတ်ကျည်ပွေ့နှင့် တစ်ချက်နှစ်ချက် ထုလိုက်ပါ။ 

အကုန်ထုပြီးပါပြီ။

ကြက်သွန်အဖြူ  နဲ့ အနီကို ထောင်းထားပါ။

အိုးထဲ ဆီအနည်းငယ်ထည့်၊ ဆီပူလာလျှင် ထောင်းထားသော ကြက်သွန်ဖြူ၊ နီကိုထည့်ဆီသတ်၊ ကျက်ခါနီးတွင် ငရုတ်သီးအစိမ်းမှုန့်ထည့်။ ထို့နောက် ပုစွန်ခြောက်မှုန့်ထည့်ပြီး ဆီသတ်ပါ။ 

ဆီသတ်ပြီးသောအခါ ထုထားသော ကင်းပုံသီးများကိုပါ ထည့်ပြီး စက္ကန့်အနည်းငယ်မွှေပေးပါ။ ထို့နောက် ရေမြုပ်ရုံထည့်၊ ဆားသင့်ရုံ၊ အချိုမှုန့်သုံးလျှင် အနည်းငယ်ထည့်မွှေပြီး အဖုံးခဏဖုံးထားပါ။ 

ဆီပြန်လာပြီ၊ ကင်းပုံသီးနူးလာပြီးဆိုလျှင် ကင်းပုံသီးကြော်ချက်တစ်ခွက် အဆင်သင့်ဖြစ်ပါပြီ။




No comments:

Post a Comment

ဆန်းဆန်းတင့် (၁) ၊ ကြွက်ကလေးနဲ့ ကိုယ်

ကိုယ်ဟာ ဆန်းဆန်းတင့်သူတစ်ယောက်ပါ။ အဲဒိအကြောင်းနဲ့ ပတ်သတ်လို့ အရင်ကတော့ ပေါ့ပေါ့ဆဆပါပဲ။ တဖြည်းဖြည်း ပျော်ရွှင်မှုတွေ နည်းနည်းလာတာက...