Penang 4D3N Free & Easy - Intro

ပီနန်ကျွန်း၊  မလေးရှားနိုင်ငံ။
အောက်တိုဘာ ၆ ရက်မှ ၉ ရက်။
စနေ၊ တနင်္ဂနွေ၊ တင်္နလာ၊ အင်္ဂါ။

ဒီလိုတွေ စီစဉ်ကြတာ။
ဒီခရီးကတော့ သွားခါနီး ၂ ရက်အလိုမှ စိတ်ကူးရပြီး ထွက်ဖြစ်ခဲ့တဲ့ ခရီးပါ။ ဒီ weekend အမျိုးသားနဲ့ တစ်နေရာ သွားလည်ကြမလား စဉ်းစားကြတော့ သွားချင်တဲ့နေရာတွေက များပြီး ရက်က ကပ်ကပ်လာပါတယ်။ နောက်ဆုံး  ကြာသပတေးနေ့ရောက်မှပဲ ပီနန်သွားကြမယ်လို့ ဆုံးဖြတ်ချက် ကျကြပါတယ်။ ဘယ်လိုသွားမယ်၊ ဘယ်တွေလည်မယ်ဆိုတာ မစီစဉ်ရသေးတော့ အချိန်နဲနဲ ပိုပေးရမယ်ဆိုပြီး တနင်္လာ၊ အင်္ဂါနှစ်ရက်ခွင့်တင်လိုက်ပါတယ်။ ကြာသပတေးနေ့ ညနေဘက်မျာ ကားလက်မှတ်၊ လေယာဉ်လက်မှတ်တွေ စကြည့် ချက်ချင်းဆုံးဖြတ် ၀ယ်ကြပါတယ်။ အသွားကို သောကြာညထွက်မယ့် express bus နဲ့ ၊ အပြန်ကို အင်္ဂါညနေထွက်မယ့် လေယာဉ်ဆိုပြီး ၀ယ်ဖြစ်သွားတယ်။ လေယာဉ်နဲ့သွားရင် အချိန်သက်သာပေမယ့် စနေကို နေ့လည်မှ ထွက်မယ့်အချိန်တွေချည်းပဲဆိုတော့ မနက်တစ်ပိုင်းလည်ချိန်လျော့သွားမှာလည်းစိုးသေးတယ်လေ။ သောကြာညကားစီးရင် ဟိုကို စနေ မနက်အစောကြီးရောက်မယ်ဆို စလည်လို့ရပြီပေါ့။ တွက်ရေးကတော့ အဲလို စက်သေူဌေးပေါ့လေ။ ကြာသပတေးနေ့ ညမှာ အ၀တ်တွေ ကျောပိုးအိတ်ထဲ ကောက်ထည့်ထားလိုက်တယ်။ သောကြာနေ့ နေ့လည်မှ ဟိုတယ် booking ကို ရုံးကနေပဲ လုပ်ဖြစ်ပါတယ်။ သောကြာနေ့ရုံးအပြန် အိမ်ရောက်ရောက်ချင်း အိမ်မှာ ရှိတာလေးနဲ့ ညစာစား ၊ ပြင်ထားတဲ့ ကျောပိုးအိတ်ကောက်လွယ်ပြီး နှစ်ယောက်သား တက်စီငှား၊ ကားဂိတ်ကို ပြေးရပါတယ်။ ကားစီးရမယ့်နေရာကလည်း စင်ကာပူမှာသာ ဆယ်နှစ်ကျော်နေတာ တစ်ခါမှ မကြားဖူးတဲ့ Our Tampines Hub  တဲ့။ ဟိုရောက်တော့ တော်တော်ကြီးတဲ့ ရှောပင်းမောလ်ကြီးဖြစ်နေတာကိုး။

ဒီကားနဲ့သွားတာ

မောလ်ကို ပတ်ချာလည်လှည့်ပြီး ရှာတော့ မောလ်အပြင်တစ်နေရာမှာ coach pickup ဆိုတဲ့ နေရာတွေ့တယ်။ အဝေးပြေးကားတစ်စီးရပ်ထားတယ်။ ကားသမားကို လက်မှတ်ပြ သွားမေးတော့ လား လား.. ဘိုးတော်က အင်္ဂလိပ်လို မတတ်ဘူးဗျ။ ၂ ယောက် ရှိတယ် လူလတ်ပိုင်းတစ်ယောက်၊ လူငယ်တစ်ယောက်။ လူလတ်ပိုင်းကတော့ ရက်စ် နိုး ပြောတတ်တယ်။ လက်မှတ်ကို မကြည့်ဘဲ ခေါင်းပဲ ညိမ့်ပြတယ်။ ကားကို လက်ညှိုးထိုးပြတယ်။ မိုက်ပြီလေ။ ဘာမှ ပြောမရတဲ့အတူတူ ကားပေါ်တက် ကိုယ့် ခုံနံပါတ်နေရာ ၀င်ထိုင်လိုက်တယ်။ အနီးအနားတစ်ဝိုက်မှာ စောင့်နေတဲ့ ၄၊ ၅ ယောက်လည်း ကားပေါ်တက်လာကြတယ်။ ကိုယ်တို့လည်းတက်ပြီးရော ကားက စထွက်တော့တာပဲ။ ည ၉ နာရီခွဲ။

ကားက အားသွင်းစရာ ပလက်ပေါက်တွေ ဘာတွေ မပါဘူး။ ခြေထောက်ဆန့်စရာလည်း ရှေ့ကို အများကြီးမကျယ်ဘူး။ ပုံမှန် express ကားပေါ့လေ။ အကောင်းကြီးမဟုတ်ဘူး။ ကားပေါ် ၇ ယောက်လောက်ပဲ ရှိတော့ ချောင်တယ်ပေါ့။ ဘယ်ဟုတ်မလဲ Jurong East, Big Box မှာ ရပ်ပြီး လူတွေ ထပ်တင်တယ်။ သူတို့တွေကတော့ ပီနန်သွားမယ့်သူတွေ မဟုတ်ဘူး။ KL တို့၊ Ipoh တို့ သွားမယ့်သူတွေ ပေါ့။ ကားလူပြည့်ပြီဆိုမှ ကားက ဆက်ထွက်တယ်။

second link လို့ခေါ်တဲ့ Tuas ဘက်က သွားပေမယ့် သောကြာညမလို့လား မသိ။ စလုံး အင်မီဂေ၇းရှင်းမှာ ကားတွေ ကြပ်နေလို့ ကားက နာရီဝက်လောက် တန်းစီလိုက်ရတယ်။ မထူးပါဘူး။ မလေးရှား အင်မီဂရေးရှင်းမှာလည်း နောက်ထပ်နာရီဝက်လောက် တန်းစီလိုက်ရတာပါပဲ။ မလေးရှား အင်မီဂရေးရှင်းဖြတ်ပြီးချိန်မှာ ည ၁၁း၃၀ ရှိပါပြီ။ ဘာမှ လုပ်စရာ မရှိတော့ ခုံကို နောက်လှန်ချ စအိပ်တော့တာပေါ့။

ဒါက iPoh မ၀င်ခင်

တိုးဂိတ်

ipoh မြို့နားက အဖြတ်

Yong Peng မှာတစ်ခါ၊ KL မှာ တစ်ခါ၊ iPoh မှာ တစ်ခါ၊ နောက်(နေရာမမှတ်မိ) တစ်နေရာ မှာ တစ်ခါ ရပ်ပေးပါတယ်။ အိပ်ပျော်နေလိုက်၊ နိုးလာလိုက်၊ ရှခင်းလေး ကြည့်လိုက်၊ ပြန်အိပ်ပျော်နေလိုက်နဲ့ butterworth ကနေ ပီနန်ကျွန်းကို တံတားကြီးဖြတ်တာကိုတောင် မသိလိုက်ပါဘူး။ အမျိုးသားက အတင်းနှိုးပြီး ပြလို့တံတား တစ်ဝက်လောက်မှ နိုးပြီး ရှည်လျားလှတဲ့ တံတားကြီးကို တအံ့တသြ ကြည့်ရပါတယ်။

ပီနန်တံတား

ပီနန်တံတား

ပီနန်ကျွန်းကို မြင်ရပြီ

ကဲ နောက်တစ်ပိုင်းကျမှ  ကားဂိတ်ရောက်တဲ့နေရာက ဆက်ရေးတော့မယ်နော်။

ဒီခရီးအတွက် ဒီလောက် သုံးခဲ့တယ်။
ခုတော့ ဒီခရီးစဉ်အတွက် ကုန်ကျစရိတ်လေးတွေ တွက်ပြချင်ပါတယ်။
ကိုယ်ကိုယ်တိုင်က ခရီးတစ်ခု သွားပြီဆို အနည်းဆုံး ဘယ်လောက်ကုန်တယ်ဆိုတာ အသေးစိတ်သိချင်တဲ့သူဆိုတော့ တခြားကိုယ့်လိုလူတွေ အတွက်လည်း သိပါစေဆိုပြီး တွက်ပြတာပါ။

Exchange Rate 1 SGD = 3 RM 

ကိုယ်ရေးကိုယ်တာ အသုံးစရိတ်မပါ တစ်ယောက်ကို စင်ကာပူဒေါ်လာ ၂၆၆.၅၀ ကျပါတယ်။
လက်ဆောင် ၀ယ်တာ၊ အိမ်အပြန်မုန့်ဝယ်တာ၊ လှူတာ တန်းတာနဲ့ ဆိုတော့ စုစုပေါင်း စင်ကာပူဒေါ်လာ ၃၀၀ ခန့် ကုန်ခဲ့ပါတယ်။

(အကျယ်ချဲ့ရန် နှိပ်ပါ)

ဒီနေရာတွေ လည်ခဲ့တယ်။
သေချာ မစီစဉ်ဘဲ သွားတဲ့ ခရီးဆိုတော့ ဟိုရောက်မှ တစ်နေ့စာ တစ်နေ့၊ တခါတလေ နေ့တစ်ပိုင်းစာလောက် နေ့တွင်းချင်း စီစဉ်ပြီး လည်ပတ်ကြတာပါ။ စင်ကာပူပြန်မယ့်နေ့ဆို ဘယ်သွားရမှန်းမသိလို့ check-out ထွက်ပြီး ဟိုတယ် မှာ ထိုင်စဉ်းစားတာ အကြာကြီးရယ်။ ပြီးတော့ ဘယ်မှ မသွားဖြစ်ဘဲ ပြန်လာကြတာ။

Weekend Escape to Berjaya Hills, Colmar Tropicale Resort - Day 2

Berjaya Hills (Colmar Tropicale)

နေအထွက်ကို ပြတင်းပေါက်ကနေစောင့်

မနက် စောစောထ၊ ရေချိုးပြီးတာနဲ့ ပြတင်းပေါက်ဖွင့်ပြီး နေထွက်တာကို စောင့်ကြည့်ပါတယ်။ ပြတင်းပေါက်ဖွင့်ဖွင့်ချင်း လေအေးအေးလေးတွေ အလုအယက် ၀င်လာကြပါတယ်။ ဘယ်ကမှန်းမသိတဲ့ ငှက်သံလေးတွေ ကြိုကြား ကြိုကြား ကြားနေရတာက အပ တလောကလုံး တိတ်ဆိတ်နေတာပါပဲ။ တိမ်တွေ အရမ်းထူနေတာမို့ နေက တောက်တောက်ပပ လင်းလင်းထင်းထင်း ထွက်မလာပါဘူး။ တစ်ချို့ အလင်းရောင်လေးတွေတောင် တိမ်တွေ ကွယ်လို့ ပြန်မှိန်သွားရပါတယ်။ မနက် ၇ နာရီလောက်ကြာတဲ့အထိ နေမင်းကြီးက မထွက်ရဲသေးဘဲ တုံ့ဆိုင်းနေပါတယ်။

တော်တော်လေး ထွက်လာပြီ

၇ နာရီ ကျော်ကျော်လောက်မှာ ဟိုတယ်က မနက်စာ ဘူဖေးကိုစားဖို့ အောက်ဆင်းကြပါတယ်။ ပြောဖို့မေ့နေတာ ကိုယ်တို့ နေတဲ့အခန်းက ၅ ထပ်၊ အပေါ်ဆုံးထပ်မှာပါ။ ဟိုတယ် စားသောက်ဆိုင်က မြေညီထပ်မှာ ရှိတာပါ။ အပြင်မှာလည်း လေအေးအေးလေးတိုက်နေပါတယ်။ စားသောက်ဆိုင်အတွင်းထဲ မထိုင်တော့ဘဲ အပြင်က ခုံတွေမှာပဲ စားခဲ့ကြပါတယ်။ ဟိုတယ်က ၀န်ထမ်းတွေဟာ အရမ်းကို သဘောကောင်းကြပြီး ဧည့်သည်တွေအပေါ် တော်တော်လေး ရိုရိုကျိုးကျိုးဆက်ဆံကြပါတယ်။ စားသောက်စရာတွေကတော့ အစုံပါပဲ၊ ခေါက်ဆွဲကြော် ထမင်းကြော်နဲ့ တွဲ့စားလို့ရတာလေးတွေ၊ လက်ဖက်ရည်၊ ကော်ဖီနဲ့ စားဖို့ ပတ်ဖ် မုန့် အစုံ၊ ခေါက်ဆွဲပြုတ်၊ အအေး၊ ဒိန်ချဉ်၊ ပေါင်မုန့်မီးကင်၊ စသည်ဖြင့် တော်တော်စုံပါတယ်။

ဘယ်လိုဖြစ်သွားလဲမသိ ကြက်ဥကြော်နှစ်မျိုး၊ ကြက်အူချောင်း၊ ကြက်သားပြား ထည့်လာမိတာ

ဓာတ်ပုံရိုက်ပေးနေတဲ့ သူငယ်ချင်းတော့ ဒီပုံထဲ မပါဘူး၊ 

ပုံထဲပါတဲ့ သူငယ်ချင်းတွေလည်း သူတို့ပုံဒီမှာတင်လို့ စိတ်မဆိုးလောက်ဘူး ထင်ပါရဲ့

အဲဒိပန်းလေးတွေ သိပ်လှတာ

ကန်ထဲမှာ ငန်းဖြူ ၂ ကောင်၊ ငန်းမဲ ၁ ကောင်ရှိတယ်

ဟိုဟိုဒီဒီ လျှောက်သွားရင်း ရိုက်ဖြစ်တယ်ပေါ့လေ

ညောင်းလို့ခဏထိုင်တုန်း

အခန်းထဲမှာ အထုတ်တွေလည်း သိမ်းဆည်းပြီးဖြစ်တော့ မနက်စာစားပြီးတာနဲ့ ဟိုတယ်ဝင်းထဲ လမ်းလျှောက် ဓာတ်ပုံ ရိုက်ကြပါတယ်။ ဟိုတယ်က ကားက မနက် ၁၀း၃၀ မှာ ထွက်မှာဆိုတော့ ၁၀ နာရီဝန်းကျင်လောက်မှာ ဟိုတယ်ကနေ check-out ထွက်ပါတယ်။ shuttle ticket ကို ပြန်ပြခိုင်းပြီး အဲဒိအတွက်ဆိုပြီး တစ်စောင်ကို ရင်းဂစ် ၁၀ ပြန်အမ်းပါတယ်။ ဟိုတယ်မှာတည်းလို့ သွား၇မယ့်နေရာတွေရဲ့ဝင်ကြေး ပြန်ပေးတာ ထင်တာပါပဲ။ ဘာပဲဖြစ်ဖြစ် ပိုက်ဆံရတော့ ပြုံးပြုံး ပြုံးပြုံးနဲ့ ဘာမှ မမေးဘဲ ယူလာကြတာပေါ့လေ။

ဒါက သူငယ်ချင်းတစ်ယောက် အမှတ်မထင် ရိုက်ချက်လေး

ဝတဲ့သူတစ်ယောက်အနေနဲ့ ခု လို တစ်ခြမ်းလေးပဲ မြင်ရတာ သိပ်စိတ်ချမ်းသာတာပဲ

ဒါကတော့ အဒေါ်ကြီးတစ်ယောက်ရဲ့ ပဲပေးခြင်းပေါ့လေ

မပြန်မချင်းကို ရိုက်တော့တာပဲ

ဓာတ်ပုံရိုက်ဖို့ ဆက်တင်တွေ လား မှတ်ရတယ် 

လှတယ်နော်

 Berjaya Hills (Colmar Tropicale) => KL (Berjaya Times Square) 

check out ထွက်ပြီး ဟိုတယ်က အထွက်တံတားမှာ

ဟိုတယ်ရှေ့ ကားဝင်းထဲရောက်တော့ အလာတုန်းက ဒရိုင်ဘာကို တွေ့တာနဲ့ သွားနုတ်ဆက်တော့ သူက ဒီကားပေါ်တက်ဆိုပြီး တက်ခိုင်းပါတယ်။ ကိုယ်တို့ အုပ်စုတက်ပြီးတာနဲ့ ကားက ထွက်တော့တာပါပဲ။ တစ်ကားလုံး ကိုယ်တို့ လေးယောက် တစ်ယောက်တစ်ခုံ ထိုင်ပြီး လိုက်လာကြတာပေါ့။ အသွားတုန်းက မသိသာပေမယ့် အပြန်တောင်ပေါ်က အဆင်းလမ်း အကွေ့အကောက်တွေ အရမ်းများလွန်းလို့
တော်တော်များများ ခေါင်းမူးကုန်ကြပါတယ်။ လူလည်းနည်းတော့ ဆီးဖြူသီး စကောထဲ ထည့် လှိမ့်နေသလိုပါပဲ။

Berjaya Times Square shopping mall

ဒီလိုနဲ့ Berjaya Times Square ကို ပြန်ရောက်လာကြတာပေါ့လေ။  နေ့လည်စာစားကြမယ်ဆိုပြီး shopping mall ထဲဝင်တာ LOL ဆိုတဲ့ ဆိုင်တစ်ဆိုင်ထဲဝင်မိပြီး အဲဒိမှာတင် ၁ နာရီကျော်ကျော်လောက် အချိန်ကြာသွားတယ်။ နေ့လည်စာကိုတော့ Basement 1 က food court မှာ စားဖြစ်ခဲ့တယ်။

KL (Berjaya Times Square) => Singapore

ကိုယ်သောက်တာ ဘာဖြစ်နိုင်လဲ 

KKKL ကားကလည်း starbucks ဆိုင်ရှေ့မှာ လာခေါ်မယ်ဆိုတော့ အဲဒိမှာ ထိုင်ရင်း ကားစောင့်ကြတယ်။ သူတို့ကားတွေ အချိန်အရမ်းမှန်တယ်၊ ၃း၃၀ အတိမှာ ကားရောက်လာတယ်။ ကားက အလာတုန်းကလိုပဲ ကောင်းတယ်၊ တစ်တန်းမှာ ၃ ခုံပါပဲ။  လူတင်ပြီးတာနဲ့ ချက်ချင်းထွက်တယ်။ ဒါပေမယ့် KL Sentral မှာ လူထပ်တင်ရင်း အချိန်နဲနဲ ထပ်စောင့်ရတယ်။ ညနေ ၄ နာရီလောက်ကျ တော့ KL က ထွက်လာပါပြီ။

ပုံမှန် KL ကနေ SG ကို ၅ နာရီကျော်ကျော်လောက်ပဲ မောင်းရတဲ့ခရီးက  အခု အပြန်ကျတော့ စင်ကာပူကို ပြန်တဲ့ကားတွေ အရမ်းများနေလို့  ၇ နာရီခွဲလောက် ကြာသွားတယ်။ စင်ကာပူ bugis mrt နားရောက်တော့ ၁၁ နာရီ ကျော်ပါပြီ။

သွားချင်တာတွေ သွားပြီး ပင်ပန်းလာတာတွေ ပြေသွားရင်တော့ နောက်ခရီးတစ်ခု စဉ်းစားပါဦးမယ်။

Weekend Escape to Berjaya Hills, Colmar Tropicale Resort - Day 1
Weekend Escape to Berjaya Hills, Colmar Tropicale Resort - Day 2

Weekend Escape to Berjaya Hills, Colmar Tropicale Resort - Day 1

၂၀၁၈ စက်တင်ဘာ ၁၄၊ ၁၅၊ ၁၆။

ဒီတစ်ခါတော့ ရုံးက သူငယ်ချင်းတွေနဲ့ အတူ ဒီခရီး လေး သွားဖြစ်ခဲ့ပါတယ်။

မလေးရှားနိုင်ငံ Berjaya Hills က Colmar Tropicale Resort ကို တစ်ညအိပ် နှစ်ရက်ခရီးပါ။

Singapore => KL (Berjaya Times Square)
လူတစ်ယောက် ၁ ည အိပ် ၂ ရက်ခရီးကို စုစုပေါင်း ၁၅၉ ဒေါ်လာ ကျပါတယ်။ ဟိုမှာ အချိန်ပိုရအောင်ဆိုပြီး သောကြာညထွက်မယ့် ကားကို စီးကြပါတယ်။ ကားက ည ၁၁း၃၀ မှ ထွက်မှာမို့ ရုံးက နေ အိမ်ပြန် ရေချိုး၊ ထမင်းစားချိန် ကောင်းကောင်းရပါတယ်။ ကားထွက်မယ့်နေရာက kovan hub မှာပါ။  စုရပ်မှာ သူငယ်ချင်းတွေ ဆုံကြပြီး ကားလာတော့ ကားသမားက ဟိုတယ် အတွက် booking voucher နဲ့ invoice တွေကို ပေးပါတယ်။ ကားက တစ်တန်းကို ၃ ခုံပဲပါတော့ နေရာကျယ်ကျယ်ဝန်းဝန်း ထိုင်ရပါတယ်။ ထိုင်ခုံတစ်ခုံတိုင်းမှာ usb port ပါပါတယ်။ wifi ရတယ်လို့ရေးထားပြီး ဘာမှ မတွေ့လို့ ကားသမားကို မေးကြည့်တော့မှမလေးရှားဘက်အခြမ်းကျမှ စရမယ်ပြောပါတယ်။ မနက် ၁၂း၃၀ မှာ စင်ကာပူ အင်မီဂရေးရှင်းကို ဖြတ်ရပါတယ်။ ကားပေါ်မှာ အထုတ်တွေ ထားခဲ့လို့ရပါတယ်။ ပတ်စပို့ပဲ ယူသွားရင် လုံလောက်ပါတယ်။ စောင့်ရမယ့်နေရမှာ ကားက မလာသေးတာနဲ့ အိမ်သာ အပြေးအလွားဝင်ကြပါတယ်။ မလေးရှား အင်မီဂရေးရှင်းဝင်တော့ အထုတ်တွေပါ ယူသွားရပါတယ်။ check-in လုပ်ရမှာမို့ပါ။ မလေးရှား အင်မီဂရေးရှင်း ၀င်အပြီးမှာ မနက်  ၁ နာရီခွဲ ၀န်းကျင်ရှိပါပြီ။ အင်မီဂရေးရှင်းက အထွက်မှာ  mini mart နဲ့ အိမ်သာ ရှိပါတယ်။ကားပေါ်အရောက်မှာ ၀ိုင်ဖိုင် ချိတ်ကြည့်တော့ ရသွားပါပြီ။ ၀ိုင်ဖိုင်ကော်နက်ရှင် အရမ်းကောင်းပေမယ့် မနက် လည်ရပတ်ရဦးမှာမို့ အိပ်ကြပါတယ်။

အဝေးပြေးလမ်းဆိုတော့ လမ်းမီးမရှိပါဘူး။ ဒါပေမယ့် တိုးဂိတ်တစ်ခု ရောက်ခါနီးတိုင်း လမ်းမီးတိုင်တွေ လင်းနေအောင် ထွန်းထားပါတယ်။ အိပ်နေပေမယ့် တိုးဂိတ် ၄ ခု လောက်ဖြတ်တော့ ဖြတ်တိုင်း နိုးနိုးလာပါတယ်။ ကားက ဖြည်းဖြည်းပဲ သွားပါတယ်၊ စိတ်အထင် ကီလို ၈၀ လောက် အများဆုံးဖြစ်မယ်ထင်ပါတယ်။ မနက် ၃ နာရီခန့်မှာ Yong Peng ကိုရောက်ပြီး  မိနစ် ၂၀ နားပါတယ်။ စားသောက်ဆိုင်များ၊ စူပါမာ့တ် အသေးစားလေးနဲ့ အိမ်သာတို့ ရှိပါတယ်။ ၃ နာရီခွဲခန့်မှာ ပြန်ထွက်ပြီး KL ကို မနက် ၅း၄၅ မိနစ်မှာ ရောက်ပါတယ်။ Berjaya Times Square ရှေ့က ဘတ်စကားမှတ်တိုင်မှာ ဆင်းရတာပါ။  ကားပေါ်မှာ ပါလာတဲ့ သူတော်တော်များများ ဆင်းကြပါတယ်။ မိုးမလင်းသေးတာကြောင့် မှတ်တိုင်မှာပဲ ထိုင်နေဖြစ်ပါတယ်။ တက်စီသမားတွေ ရောက်လာပြီး ခပ်ဝေးဝေးကနေပဲ လူခေါ်ပါတယ်။ တဖြည်းဖြည်းနဲ့ ကားပေါ်ကဆင်းလာတဲ့ အုပ်စုတွေ တစ်စုပြီး တစ်စု ကားငှားသွားတဲ့သူသွား၊ လမ်းလျှောက်သွားတဲ့သူသွားနဲ့ ကိုယ်တို့ အုပ်စုပဲ ကျန်ခဲ့ပါတယ်။ ကြောက်စရာတော့ မကောင်းပါဘူး၊ ဟိုနားဒီနား မနက်စားစားလို့ရမလား ရှာကြည့်ပေမယ့် နီးနီးနားနားမှာ မလေးဆိုင်ကြီးတစ်ဆိုင် တွေ့ပါတယ်၊ ခေါက်ဆွဲကြော်၊ ကြာဇံကြော်လောက်ပဲ ရှိပြီး ပလာတာတို့ တိုရှည်တို့ မနက် ၇ နာရီမှ ရမယ်ဆိုတော့ ကားမှတ်တိုင် ပြန်ထိုင်ကြပါတယ်။

KL (Berjaya Times Square) => KL (Twin Towers)
မနက် ၇ နာရီလောက်ကျတော့ တော်တော်လင်းလာပါပြီ။ တက်စီတစ်စီးကို ဈေးမေးကြည့်တော့ KLCC ကို ရင်းဂစ် ၂၀ တောင်းပါတယ်။ ဈေးများနေမှန်းသိပေမယ့် ဆက်မထိုင်ချင်တာကြောင့်ရယ်၊  မျှခံရင် သိပ်မကျတာရယ်ကြောင့် စီးဖြစ်ပါတယ်။ ကားသမားက အတော်ကို စကားပြောတဲ့သူပါ။ ဟိုမေးဒီမေး လည်း မေးပါသေးတယ်၊ ဟိုတယ် ရပြီလား ၊ ဘယ်မှာရလဲ ဘာညာပေါ့။ ကိုယ်တို့က မဖြေဘဲ ဝေ့နေပြီး KLCC နားမှာ မနက်စာ ကောင်းကောင်း စားလို့ရမယ့်နေရာကို မေးပါတယ်။ သူက KLCC ကိုကျော်ပြီး ၅ မိနစ်လောက် လမ်းလျှောက်ရမယ့် နေရာက စားသောက်ဆိုင် ကောင်းတယ်ဆိုပြီး စားသောက်ဆိုင်မှာ ချပေးသွားပါတယ်။

စားသောက်ဆိုင်က တော်တော်ကျယ်ပါတယ်၊ ပလာတာ၊ တိုရှည် ၊ လက်ဘက်ရည် စသည်ဖြင့် အစားအသောက်စုံစုံရှိပါတယ်။  ကိုယ်တို့ဆီက lucky 7 လို ဆိုင်မျိုးပေါ့။  ဆိုင်နာမည်က Malaysia's Favourite ပါ။ plain thosai တစ်ချပ်ကို ရင်းဂစ် ၂.၂၀ ပါ။ ဈေးက မဆိုးဘူး ပြောရမယ်။ ဆိုင်တင် သန့်သန့်ရှင်းရှင်း မဟုတ်ပါဘူး။ အိမ်သာလည်း သန့်ပါတယ်။ မှာထားတာတွေ စောင့်ရင်း ခပ်တည်တည်နဲ့ အိမ်သာထဲဝင် မျက်နှာသစ် အလှပြင်ကြပါတယ်။ အမယ်၊ အကျီင်္လဲတဲ့သူတောင် ပါသေး။ မိန်းကလေးတွေ လေ သိတယ်မလား။

Petronas Twin Towers နဲ့ အမှတ်တရ

စားသောက်ပြီး မြင်နေရတဲ့ Twin Towers ကို လမ်းလျှောက်ကြပါတယ်။ ဆိုင်ကနေ တကယ့်ကိုနီးနီးလေးပါ။ KLCC က တော့ မဖွင့်သေးပါဘူး။ ကိုယ်တွေကလည်း twin towers နဲ့ ဓာတ်ပုံရိုက်ဖို့လာတာဆိုတော့ မဖွင့်လည်း ကိစ္စမရှိဆိုပြီး ဓာတ်ပုံရိုက်ကြပါတယ်။ ပြီးတော့ ခုန လမ်းလျှောက်ရင်း တွေ့ခဲ့တဲ့ မှတ်တိုင်ကို ပြန်သွားပြီး GO KL အစိမ်းလိုင်း ကားစီးကြပါတယ်။ အဲဒိကားအကြောင်း အရင်တစ်ခေါက်တုန်းက ဒီမှာ ရေးဖူးပါတယ်။

KL (Twin Towers) => KL (Pavilion Mall)

Pavilion Shopping Mall

Pavilion Shopping Mall ရှေ့ .. မဖွင့်သေးလို့ ဓာတ်ပုံရိုက်

Pavilion မောလ်က ၁၀ နာရီမထိုး သေးလို့ မဖွင့်သေးပါဘူး။ ၁၀ မိနစ်လောက် လိုသေးတယ်ဆိုတော့ ဟိုဟိုဒီဒီ ဓာတ်ပုံလျှောက်ရိုက်ရင်း အချိန်ဖြုန်းပါတယ်။ မောလ်ဖွင့်တော့ အထဲဝင်ကြည့်ပေမယ့် သူ့ဆိုင်တွေက ချန်ဂီလေဆိပ်က ဆိုင်တွေလိုပါပဲ၊ ဘရန်းတွေဖြစ်ပြီး လူကမရှိတော့  ကြောင်တောင်တောင်နဲ့ ဟိုကြည့်ဒီကြည့် ခဏကြည့်ကြပြီး ပြန်ထွက်ပါတယ်။ Berjaya Hills ကိုသွားမယ့် shuttle bus ကို Berjaya Time Square က နေ စီးရမှာဆိုတော့ အဲဒိကို ပြန်သွားရမှာပါ။

fahienheit 88 shopping mall က Pavilion ရဲ့ ရှေ့မျက်စောင်းထိုးတင်ပါ

Luxury brand တွေပဲရောင်းတဲ့ Starhill Gallery 

သူကလည်း Pavilion ရဲ့ ရှေ့တည့်တည့်မှာပါပဲ

KL (Pavilion Mall) => KL (Berjaya Times Square)

Berjaya Times Square

အဲဒိမှာ ဇာတ်လမ်းက စတော့တာပါပဲ။ Go KL web site က မြေပုံမှာ Berjaya Times Square ဆိုတာ မပါပေမယ့် ကိုယ် google ခေါက်ရင်း ပုံတစ်ပုံမှာ ပါတော့ ရောက်တယ်ဆိုပြီး GoKL bus အစိမ်းကို တက်စီးကြပါတယ်။ စီးနေရင်း twin towers ဂိတ်ရင်းဆီ နောက်တစ်ခေါက်ထပ်ရောက်သွားတော့ ဆင်းပြီး အဲဒိဂိတ်က ကားသမားကို ထပ်မေးပါတယ်။ ကားသမားက ဒီကား အခုထွက်မှာ တက်ဆိုတာနဲ့ တက်ကြပြန်ပါတယ်။ စီးရင်း Pavilion ကို ပြန်ရောက်လာတော့ မဖြစ်ဘူးဆိုပြီး ကားမောင်းသမားကို ထပ်မေးပါတယ်။ မရောက်ဖူးဆိုတာနဲ့ အဲဒိမှာ ဆင်းကြပါတယ်။ အမှန်က Pavilion က နေ BTS ကို နီးနေတော့ သူတို့က ရောက်တယ်ပဲ အလွယ်ပြောလိုက်ကြတာပါ။ နောက်ဆုံးတော့ အဲဒိနားက security တစ်ယောက်ရဲ့ အကူအညီနဲ့ လမ်းလျှောက်သွားကြပါတယ်။ ၁၀ မိနစ်က နေ ၁၅ မိနစ်လောက်တော့ လျှောက်လိုက်ရတယ်။ နေ့လည်စားစားပြီးမှ shuttle bus စောင့်မယ်ဆိုတဲ့ အစီအစဉ် လက်လွှတ်လိုက်ရတယ်။  shuttle bus က ၁၂ နာရီ လာမှာလို့ ရေးထားပေမယ့် ဘယ်နေရမှာ ရပ်မယ်ဆိုတာ မပါတော့ ဟိုပြေး ဒီပြေး မေးရမြန်းရပါသေးတယ်။ နေ့လည်စာ ထိုင်စားဖို့ အချိန်မရတော့လို့ အဲဒိနားက မုန့်ကလေးတွေ ၀ယ်ပြီး 7-11 ဆိုင်ရှေ့မှာ ကားစောင့်ကြပါတယ်။ ၁၂ အတိမှာ Colmar Tropicale ဟိုတယ် တံဆိပ်ကပ်ထားတဲ့ မီနီ ဘက်စ်လေး ရောက်လာပြီး ကားသမားက အဲဒိကျမှ လက်မှတ် ပေးပါတယ်။ အဲဒိ လက်မှတ်က ဟိုတယ်ကို အသွားအပြန် ရယ်၊ Japanease Village, Animal Park နဲ့ Botanical Garden ၀င်ခွင့် လက်မှတ် ပါ ပါတယ်။

 KL (Berjaya Times Square) => Berjaya Hills (Colmar Tropicale)

ဒါက Shuttle Bus.. ကိုယ်တို့ကို လာကြိုတဲ့ကားမှာတော့ ဟိုတယ်လိုဂိုပါတယ်

ကိုယ်တို့ ကားပေါ်ရောက်ပြီး ချိန်မှာ တခြား ခရီးသည်အုပ်စုတစ်စု ရောက်လာပြီး shuttle ပေါ် မစီးရလို့ ကားသမားနဲ့ စကားများနေကြပါတယ်။ မလေးလို ပြောတာကြောင့် အကြောင်းရင်းတော့ သေချာ မသိပါဘူး။ မှန်းရသလောက်တော့ သူတို့က မနက် ၉ နာရီ ထွက်မယ့် shuttle ကို book လုပ်ထားပြီး မလိုက်ဖြစ်လို့ အခု ၁၂ နာရီကားနဲ့ လိုက်ဖို့ လာကြတာပါ။ ကားသမားက သူ မသိဘူး၊ သူ့စာရင်းမှာပါတာက ဒီလူတွေပဲဆိုပြီး စာရင်းကို ပြပေမယ့် အဲဒိအဖွဲ့က ပေးမထွက်ပါဘူး။ အဲလိုနဲ့ နာရီဝက်လောက်ကြာသွားပါတယ်။ အဲဒိ အုပ်စုလည်း တစ်နေရာ ထွက်သွားပါတယ်။  ဘယ်လိုရှင်းပေးလိုက်လဲတော့ မသိပါဘူး။ ၁၂ နာရီခွဲလောက်မှ ထွက်လာရတော့ ဟိုတယ်ကို ၁ နာရီခွဲလောက်မှ ရောက်ပါတယ်။

Colmar Tropicale အ၀င်ဝလမ်း

ဒါက Colmar Tropicale ဟိုတယ်ရှေ့ ကားဝင်းထဲကနေ လှမ်းရိုက်ထားတာ

ဟိုတယ်မှာ လွယ်လွယ်ကူကူ check-in ၀င်လို့ရပေမယ့် ကိုယ့်အထုတ်ကို သယ်ပြီး ကိုယ့်အခန်းကို ရှာရတာပါ။ လိုက်ပို့ပေးမယ့် bellboy ဘာညာ မရှိပါဘူး။ ကိုယ်တို့ ရတဲ့အခန်းက 2 bedroom suite ပါ။ ၀င်ဝင်ချင်း ဧည့်ခန်း၊ ထမင်းစားပွဲ၊ ပြီးတော့ နှစ်ယောက်အိပ် ကုတင်၊ မှန်တင်ခုံ၊ ရေချိုးခန်း အိမ်သာရှိပါတယ်။ အပေါ်ထပ်မှာ အိပ်ခန်းတစ်ခန်းရယ် ရေချိုးခန်း အိမ်သာရယ်ရှိပါတယ်။ ပြတင်းပေါက်က နေ ကြည့်ရတဲ့ မြင်ကွင်းကတော့ ဒီခရီးအတွက် ပင်ပန်းရကျိုးနပ်စေပါတယ်။ မြင်ကွင်းတစ်ဆုံး စိမ်းစိုနေတဲ့ တောင်တန်းကြီးတွေရယ် ငှက်သံလေးတွေရယ် လေအေးအေးလေးတွေရယ်က အခန်းထဲမှာ ထိုင်ပြီး အပန်းဖြေချင်စရာကောင်းပါတယ်။ အပေါ်ထပ်ရော အောက်ထပ်ရော အခန်းတွေက ကျယ်ကျယ်ဝန်းဝန်း သန့်သန့်ရှင်းရှင်းနဲ့ ပြင်သစ်စတိုင် ပြင်ဆင်ထားတာပါ။ ဗိုက်ဆာနေကြတော့ ၀ယ်လာတဲ့ မုန့်တွေစားပြီးတာနဲ့ အချိန်မဆိုင်းဘဲ ရေချိုး၊ ပြန်ထွက်ကြပါတယ်။

အောက်ထပ်က ကုတင်နဲ့ ဧည့်ခန်း

အပေါ်ထပ်က အိပ်ခန်း

Berjaya Hills (Colmar Tropicale) => Berjaya Hills (Japanese Village)

ဟိုတယ်ရှေ့ ကားစောင့်ရာနေရာ

Japanese Village ကိုသွားတဲ့ အလုံပိတ် tram 

ဟိုတယ်ရှေ့ လူစုစု ရပ်နေတဲ့ shuttle bus ရပ်နေတဲ့ နေရာကိုပဲ ပြန်သွားပြီး ဘာကား ဘယ်အချိန် လာမယ်မှန်းမသိကို စောင့်ကြပါတယ်။ Japanese Village ကို အရင်သွားမယ်ပေါ့။ ဒါပေမယ့် ဘယ်သူ့ကိုမှ မေးမရပါဘူး။ အလုံပိတ် tram လေး တစ်စီး လာတော့ ခပ်တည်တည်နဲ့ တက်ကြပါတယ်။ ခုန စုရပ်မှာ ကျန်နေတဲ့သူတွေလည်း အများကြီးတွေ့တော့ ကိုယ်စီးလာတာ အမှန်ဟုတ်မဟုတ်လည်း မသိပါဘူး။ ကဲရောက်ချင်ရာရောက်ဆိုပြီး စီးကြတာ တောင်ပေါ် အကွေ့အကောက် အတက်လမ်းတွေ ၁၅ မိနစ်လောက် မောင်းပြီး ဂိတ်တစ်ခုကို ရောက်ပါတယ်။ လူတွေ အကုန်ဆင်းတေ့ာ ကိုယ်တွေလည်း လိုက်ဆင်းတယ်။ အဲဒိကျမှ Japanese Village သို့လို့ ဆိုင်းဘုတ်ပြထားတဲ့နေရာကို တွေ့ပါတော့တယ်။

မလေးရှားရောက် ဂျပန်မ

ဒါက ဓာတ်ပုံရိုက်ဖို့ တဲကလေး

တဲထဲ ၀င်ရိုက်

ပြထားတဲ့ လမ်းအတိုင်း၊ သူများသွားတဲ့ လမ်းအတိုင်း တက်ကြတာ ခပ်မတ်မတ် လမ်းတွေ နဲနဲ တက်လိုက်ရပါတယ်။ Botanical Garden ဆိုတာ အရင်တွေ့ပေမယ့် မ၀င်သေးဘဲ Japanese Village ရှိရာကို ဆက်သွားကြပါတယ်။ တော်တော်လေး ဆက်လျှောက်ပြီးမှ အဲဒိကို ရောက်ပါတယ်။ ဂျပန်ရိုးရာ အိမ်လေး ၂ လုံးရှိပြီး တစ်လုံးက ဓာတ်ပုံရိုက်ဖို့ သက်သက်ပါ။ တစ်လုံးကတော့ ဂျပန် ၀တ်စုံဝတ်ပြီး ဓာတ်ပုံရိုက်ချင်တဲ့သူတွေ အတွက် ၀တ်စုံငှားပေးတဲ့နေရာပါ။ တစ်စုံကို ရင်းဂစ် ၂၀ ပေးရပါတယ်။ ကိုယ်တို့အဖွဲ့ရဲ့ ရည်ရွယ်ချက်က ဒါဆိုတော့ ၀တ်စုံတွေ ရွေးကြပါတယ်။  လာတဲ့သူတွေ အရမ်းများတော့ ရှေ့က ရွေးကျ နဲနဲပဲကျန်တဲ့ထဲက လှနိုးရာရာကို ရွေးကြပါတယ်။ တကယ်တမ်းက သူတို့ ၀တ်စုံတွေက ဂျပန် ၀တ်စုံထက် ၊ မလေး ၀တ်စုံနဲ့ ပိုတူပါတယ်။ အဆင်တွေကလည်း မလေးဆင်တွေလိုပါပဲ။ ပိုက်ဆံ ပေးပြီးပြီဆိုတော့ မရရတာ ပဲ ယူဝတ်ကြရတာပါပဲ။ ၀တ်စုံရွေးပြီရင် သူတို့ ၀တ်ပေးပါတယ်။ ကိုယ်ဝတ်ထားတဲ့ အ၀တ်အစားပေါ်ကပဲ ထပ်ဝတ်ကြတာပါ။ အဲဒိနားလေးတင် လှည့်ပတ် ဓာတ်ပုံရိုက်ကြရင်း ညနေ ၅ နာရီဝန်းကျင်ဖြစ်လာတော့ ၀တ်စုံပြန်အပ်ပြီး ပြန်ဆင်းကြပါတယ်။

လမ်းဘေးတွေမှာ တွေ့ရတဲ့ ပန်းလေးတွေ.. မြန်မာလို စိန်နားကပ် ပန်းလို့ခေါ်တယ်

လမ်းတစ်လျှောက် ဒီအပင်လေးတွေလည်း အများကြီးပဲ

ဘာပင်လဲတော့ မသိ.. အသီးလား ပန်းလား လည်း မသိ

Berjaya Hills (Japanese Village) => Berjaya Hills (Colmar Tropicale) 

Botanic gardens ဆိုတာလည်း မ၀င်နိုင်ကြတော့ပါဘူး။ မနက် ၅ နာရီကနေ တောက်လျှောက် ဆိုတော့ တော်တော်ပင်ပန်းနေကြပါပြီ။ ခုန ကားရပ်တဲ့ ၀င်းထဲ ပြန်ထိုင်စောင့်နေပေမယ့် ဘာသတင်းမှ မသိရပါဘူး။ ကားဘယ်အချိန်လာမယ်၊ လာမယ်မလာဘူးဆိုတာတောင် မသိကြပါဘူး။ ခရီးသည် အချင်းချင်း စုံစမ်းနေကြပေမယ့် ဘယ်သူမှ မသိဘဲ၊ တခြား မေးရမယ့်သူလည်း မရှိဘဲ စောင့်ကြရတာပါ။ ၁၅ မိနစ်လောက် အကြာမှာ အလာတုန်းက စီးခဲ့တဲ့ အလုံပိတ် tram လေး ပြန်ရောက်လာတာနဲ့ အဲဒါနဲ့ ပြန်တက်ပြီး ဟိုတယ် ပြန်ရောက်ပါတယ်။

La Flamme က Hawaiian Pizza (RM 37)

Prawn Arrabiata (RM 40)

Orange, Guava, Pineapple, Apple

နေ့လည်စာလည်း ကောင်းကောင်းမစားကြရတော့ ညစာ ကောင်းကောင်းစားမယ်ဆိုပြီး ဆိုင်တွေ လိုက်ကြည့်ပါတယ်။ ပီဇာနဲ့ ပါစတာဆိုင်၊ ပေါင်မုန့်ဆိုင်၊ စတားဘတ်၊ ဥရောပစာ တစ်ဆိုင်နဲ့ ဟိုတယ်က ဖွင့်ထားတဲ့ စားသောက်ဆိုင် အဲဒါ အကုန်ပါပဲ။ ညစာစားလို့ရတာ ၃ ဆိုင်လောက်ပဲ ရှိတော့ လူများတဲ့ ပီဇာနဲ့ ပါစတာဆိုင် La Flamme Italian ဆိုင်မှာပဲ ထိုင်ကြပါတယ်။ ပီဇာ တစ်ချပ် ၃၅ မှ ၃၈ ရင်းဂစ်၊ ပါစတာာ တစ်ပွဲ ၃၀ ကနေ ၃၈ ရင်းဂစ်အထိ ရှိပါတယ်။ အအေးက ၇ ရင်းဂစ်ပါ။ တခြား ဘီယာ၊ ၀ိုင်နဲ့ သောက်စရာတွေလည်း ရပါတယ်။ အရသာက မဆိုးပါဘူး။ စားကောင်းပါတယ်။ Seafood Aglio Olio ကတော့ အရမ်းကို စပ်ပါတယ်။ စားကောင်းပေမယ့် အစပ်မစားနိုင်သူတွေ ဒုက္ခရောက်ပါလိမ့်မယ်။

ဟိုတယ် အဆောက်အအုံနှစ်ခုကြားက လမ်းကြားလေး

Wishing Well

ဒီလိုမြင်းရုပ်တွေ အများကြီးပဲ

ညစာစားပြီးချိန်မှာ ခဏတဖြုတ်လမ်းလျှောက်မယ်လုပ်တော့ မိုးဖွဲဖွဲလေးကျလာလို့ ဟိုတယ်အခန်းကို ပြန်ကြပါတယ်။ ဟိုတယ်ဝိုင်ဖိုင်က အောက်ထပ် ဧည့်ခန်းမှာပဲ ကောင်းပြီး အခန်းထဲပြန်ရောက်တာနဲ့ လုံးဝ သုံးလို့မရတော့ပါဘူး။ ၇ နာရီလောက်ပဲ ရှိသေးတော့ မအိပ်ချင်တာနဲ့ ကော်ဖီဖျောက်သောက်ရင်း မိုးတိတ်အောင် စောင့်ကြပါတယ်။ နောက် အောက်ပြန်ဆင်းပြီး လမ်းလျှောက်ကြပါတယ်။ မိုးကတော့မဆိုသလောက်လေး ကျတုန်းပါပဲ။ ဟိုတယ်ဝန်းထဲမှာ ခေါက်တုံ့ခေါက်ပြန် ခဏလျှောက်ပြီးတာနဲ့ လည်စရာက ကုန်သွားပါပြီ။ ကုန်သွားပြီဆိုတာ သေချာတော့မှ အခန်းပြန် အိပ်ကြပါတော့တယ်။

ခဏတော့ ရပ်ငေးခဲ့တယ်

starbucks

Weekend Escape to Berjaya Hills, Colmar Tropicale Resort - Day 1
Weekend Escape to Berjaya Hills, Colmar Tropicale Resort - Day 2