Hello Saigon - Day 1 : Sightseeing in Ho Chi Minh City

ဖေဖော်ဝါရီ ၂၀၁၇။
စင်ကာပူ- ဟိုချီမင်း (ဆိုင်ဂုံ)။


ချန်ဂီလေဆိပ်ရောက်ရောက်ချင်း ကြိုတင် booking လုပ်ထားတဲ့ wifi router ကို changi recommends counter က နေ အရင် ၀င်ယူပါတယ်။ ဗီယက်နမ်ကို တစ်ရက် ၈ ကျပ် ယူပြီး စစယူတဲ့နေ့ကို ထည့်မတွက်ပါဘူး။ unlimited data ဖြစ်ပြီး device 5 ခု အထိ တစ်ပြိုင်နက် ချိတ်ဆက်သုံးနိုင်ပါတယ်။ ပိုက်ဆံကိုတော့ ပြန်အပ်တဲ့အချိန်မှ ပေးရမှာဖြစ်ပြီး လောလောဆယ် အာမခံကြေးအဖြစ် ခရက်ဒစ်ကဒ်ကနေ ၁ ကျပ် (ကျပ် = စင်ကာပူဒေါ်လာ) ဖြတ်ပါတယ်။ wifi router ယူပြီးချိန်မှာ ကိုယ်တို့ရဲ့ ဟိုချီမင်း ခရီးစဉ်စပါပြီ။

checkin baggage အကြီးမပါတာနဲ့ ကောင်တာမသွားောတ့ဘဲ စက်ကနေပဲ boarding pass ထုတ်လိုက်ပါတယ်။ ဒါပေမယ့် လေဆိပ်ထဲကို ၀င်ခါနီး တိုက်ဂါးအဲ ယူနီဖောင်းဝတ်ထားတဲ့ ၀န်ထမ်းတစ်ယောက် အနားကပ်လာပြီး tiger air နဲ့ သွားမှာလား။ boarding pass လေးခဏပြပါလို့ တောင်းပါတယ်။ ပြီးတာနဲ့ hand carry က တစ်ယောက်ကို 10 kg ပဲရမှာဖြစ်လို့ ပါလာတဲ့ပစ္စည်းတွေကို ချိန်မယ်ဆိုပြီး ချိန်ပါတယ်။ ကိုယ်လွယ်ထားတဲ့ အိတ်သေးသေးလေးကအစ၊ လက်မှာ ကိုင်ထားတဲ့ ဦးထုပ်အလယ်၊ လည်ပင်းမှာလွယ်ထားတဲ့ ကင်မရာအဆုံး အကုန်ထည့်ချိန်တာပါ။ အိတ်တွေအနေနဲ့ 10 kg မရှိပေမယ့် တိုလီမုတ်စ အကုန်ထည့်ချိန်တော့ လူ ၄ ယောက်မှာ ၃ ယောက်က 10 kg ကို နဲနဲစီ ကျော်ပါတယ်။ နောက်ဆုံးတစ်ယောက်ကပဲ 9 kg ကျော်ကျော်လောက်ရှိပါတယ်။ အဲဒိဝန်ထမ်းကပဲ အရမ်းသဘောကောင်းတဲ့ လေသံနဲ့ လူ ၄ ယောက်စုစုပေါင်းမှ 2 kg လောက်ပဲ ကျော်လို့ ခွင့်ပြုလိုက်မယ်ဆိုပြီး ပြောပါသေးတယ်။ တကယ်က ကိုယ်တို့ လေးယောက်သား အပေါက်ဝမှာ စုပြီး ခဏရပ်စကားပြောနေလို့ ၀န်ထမ်းရောက်လာပြီး အဲလိုချိန်ဖို့ အချိန်ရသွားတာပါ။ သူများတကာလို အပေါက်ကို တည့်တည့်မတ်မတ် လျှောက်သွားရင် ခရီးသည် ဘယ်လေကြောင်းလိုင်း စီးမှာလဲဆိုတာတောင် သိလိုက်မှာ မဟုတ်ပါဘူး။

တော်သေးတာက လေယာဉ်က အချိန်မှန် ထွက်ပါတယ်။ ဆိုင်ဂုံ လို့ သူတို့မြို့သူ မြို့သားတွေ ချစ်စနိုးခေါ်တဲ့ ဟိုချီမင်းမြို့တော် ရဲ့ Tan Son Nhat လေဆိပ်ကို လေယာဉ်စီးချိန် တစ်နာရီခွဲခန့်အကြာမှာ ဆိုက်ရောက်ပါတယ်။ လေဆိပ်ကတော့ ရန်ကုန်လေဆိပ်အဟောင်းလောက်ပဲ ရှိတာပါ။ အဆင်ပြေပြေချောချောမောမောပဲ အရာရှိက နှစ်ပတ် တုံး ထုပေးလိုက်ပါတယ်။ ထွက်ထွက်ချင်း ဖုန်းကဒ်ဝယ်မယ်ဆိုပြီး အနီးနားက ဆိုင်လေးတွေ လိုက်ကြည့်ပေမယ့် ငါတို့ ၀ိုင်ဖိုင်ပါနေတာပဲ၊ မလိုလောက်ပါဘူးဆိုပြီး မ၀ယ်ဖြစ်ခဲ့ပါဘူး။ အဲဒိအချိန်ထိတော့ ပါလာတဲ့ ၀ိုင်ဖိုင်ကို မစမ်းရသေးပါဘူး။ လေဆိပ်ကအထွက် ညာဘက်က burger king ဆိုင်ရှေ့နားကနေ ဘတ်စ် နံပါတ် ၁၅၂ စီးပါတယ်။ လေဆိပ်က ဘက်စ်ကားရဲက ဂိတ်စဆိုတော့ လူမပြည့်မချင်း ရပ်ပြီး လူစောင့်ခေါ်နေပါတယ်။ ကိုယ်တို့သွားတော့ ကားပေါ်မှာ နိုင်ငံခြားသား တစ်ယောက်ပဲ ရှိပါသေးတယ်။ ကားမောင်းသမားရော၊ စပယ်ယာရောက အားရ၀မ်းသာ သူတို့ဘာသာစကားနဲ့ ကြိုဆိုကြပါတယ်။ ကိုယ်တို့လည်း ဘာမှတော့ နားမလည်ဘူး ခပ်တည်တည်နဲ့ ပရင့်ထုတ်လာတဲ့ ဟိုတယ်လိပ်စာကို ပြလိုက်တော့ ခေါင်းညိတ်ပြပါတယ်။ သူတို့သိတယ်၊ ဒီကားရောက်တယ်လို့ ပြောတာပဲလို့ ခပ်တည်တည် ဘာသာပြန်လိုက်ပါတယ်။ (အမှန်က ဘယ်မှတ်တိုင်မှာ ဆင်းရမလဲဆိုတာ ကြိုရှာပြီးသားပါ။ ) ကားပေါ်မှာ ဒရိုင်ဘာရယ်၊ စပါယ်ယာတစ်ယောက်ရယ် ပါပေမယ့် ဒရိုင်ဘာကပဲ ကားခကိုကောက်ပါတယ်။ လမ်းမှတ်တိုင်တွေ တက်လာတဲ့သူတွေကလည်း ဒရိုင်ဘာကို ပိုက်ဆံသွားပေးကြပါတယ်။ စပါယ်ရာလို့ထင်ရတဲ့ အကူကတော့ ကားအလယ်က ခုံမှာ ထိုင်နေပြီး တစ်ခါတစ်လေမှ ဒီကားဘယ်ရောက်တယ်ဆိုတာကို တစ်ချို့ခရီးသည်တွေကို ပြောပြနေတာလောက်ပဲ ကြားခဲ့ပါတယ်။ ထိုင်ရာကတောင် မထပါဘူး။ Tan Son Nhat လေဆိပ်ကနေ တည်းမည့် Platinum Hotel နားက မှတ်တိုင်ထိ ကားခက တစ်ယောက်ကို ဗီယက်နမ်ဒေါင် ၅၀၀၀ ပါ။ အင်တာနက်မှာ ဘတ်စ်ကား ဘယ်လိုစီးရမလဲ ရှာတုန်းက ကားခကို လူတစ်ယောက် ၅၀၀၀၀ ဒေါင်၊ ပါလာတဲ့ luggage ကိုပါ တစ်ခု ၅၀၀၀၀ ဒေါင် ယူတယ်လို့ ပြောကြပေမယ့် ကိုယ်တို့ကို မယူတာကြောင့် သူတို့ပြောတဲ့ luggage ဆိုတာ check-in baggage အကြီးကို ပြောတာလို့ ကိုယ့်ဘာသာ နားလည်လိုက်ပါတယ်။ ကားပေါ်က နေရာချပြီးမှ ပါလာတဲ့ ၀ိုင်ဖိုင်ကို စဖွင့် ပြီးစမ်းပါတယ်။ သုံးရတာ အရမ်းလွယ်ပါတယ်။ ပါဝါ ခလုတ်ကိုနှိပ် မီနူးလေးကနေ စသုံးမယ်ပြောတာနဲ့ သူ့ကို connect လုပ်ဖို့ အဆင်သင့်ဖြစ်ပါပြီ။ ပေးလိုက်တဲ့ user name နဲ့ password ကို ထည့်လိုက်တာနဲ့ ဖေ့စ်ဘုတ်မှာ ဖလန်းဖလန်းထလို့ ရပါပြီ။ ကော်နက်ရှင်က မဆိုးပါဘူး ကောင်းပါတယ်။ စစချင်းတော့ 3G ပဲ မိပြီး တစ်ချို့နေရာတွေကျ 4G မိပါတယ်။ အင်တာနက်ရပြီဆိုတာနဲ့ google map ဖွင့်ထားပြီး ဟိုတယ်နားနီးမနီး ခဏခဏ စစ်ပါတယ်။ ဆင်းရမယ့် မှတ်တိုင်မတိုင်ခင် တစ်မှတ်တိုင်အလိုက စစထွက်ချင်းမှာပဲ ကိုယ်တို့ကို အဆင်သင့်ပြင်ထားပါ၊ ရှေ့မှတ်တိုင် ဆင်းရမယ်လို့ ကားမောင်းသမားက ဗီယက်နမ်စကားနဲ့ ကြိုပြောပါတယ်။ ကားမောင်းနေရင်း လက်ဟန်ခြေဟန်နဲ့ လမ်းကူးဖို့၊ ဘယ်ဘက်ချိုးဖို့ စသည်ဖြင့်လည်း သေသေချာချာ လမ်းညွှန်ပါတယ်။ ခေါင်းကြီးနောက်ပြန်လှည့်ကြည့်ကြည့်ပြီး ညွန်းနေလို့ နားလည်ပါတယ် ကျေးဇူးပါတယ်ဆိုတာကို ကိုယ်အမူအရာရော၊ ဗြိတိသျှဘာသာစကားနဲ့ရော လူအားလုံး မြန်မြန်ဝိုင်းပြောရပါသေးတယ်။


ဟိုတယ်ကတော့ ကားမှတ်တိုင်ကနေ ၅ မိနစ်လောက်ပဲ လျှောက်ရတာပါ။ မှတ်တိုင်က ဆင်းဆင်းချင်း ဆိုင်ဂုံရဲ့ နာမည်ကျော် ဆိုင်ကယ်တွေနဲ့ စတွေ့တော့တာပါပဲ။ လမ်းပေါ်မှာ ကားထက် ဆိုင်ကယ် က ပိုများပါတယ်။ လမ်းကူးတဲ့အခါ လူကူးမျဉ်းကျားရှိပေမယ့် ကိုယ်တို့နိုင်ငံလိုပါပဲ၊ ရပ်ပေးတဲ့ ကား၊ ဆိုင်ကယ် တစ်စီးမှမရှိပါဘူး။ ဒါပေမယ့် တို့တွေက မြန်မာပြည်ကလာသည်တွေလေ။ ဆိုင်ကယ်တွေ တစ်အုပ်ကြီးကြားက နေ အေးအေးဆေးဆေးပဲ လမ်းကူးခဲ့တာပေါ့။ ကူးပုံကူးနည်းကတော့ ဆိုင်ကယ်တွေဘက်ကို မျက်နှာမူပြီး ခပ်မှန်မှန်လျှောက်တာပါ။ လာနေတဲ့ ဆိုင်ကယ်တွေကလည်း ကိုယ့်အနားရောက်ရင် ဘေးကနေ ကွေ့သွားတာပါပဲ။

ဟိုတယ်ရောက်တော့ စောနေသေးတာကြောင့် ချက်အင် ၀င်လို့မရသေးပါဘူး။ ပါလာတဲ့ အိတ်တွေကို အပ်ခဲ့ပြီး နေ့လည်စာကိုတော့ ဟိုတယ်နားက တွေ့တဲ့ လမ်းဘေးက ပင်လယ်စာ ရောင်းတဲ့ဆိုင်မှာ စားကြပါတယ်။လူလေးယောက်စားချင်တာတွေ လက်ညှိုးထိုးပြီး မှာပြီးချိန်မှာတော့ များသွားပြီဆိုတာ သိလိုက်ပါတယ်။ ကိုယ်တွေက စလုံးက ဆိုင်တွေ၊ ပင်နီစူးလားက ဆိုင်တွေလို ဟင်းတွေကို ပန်းကန်သေးသေးလေးနဲ့ တစ်ပွဲစာထည့်ပေးမယ်မှတ်တာကိုး၊ အဲဒိတော့ တစ်ယောက် ၂ မျိုးစီလောက်မှာကြတာပေါ့။ တကယ်တန်းကျ မှာတဲ့ တစ်ပွဲကို လူအရေအတွက်အတိုင်း ထည့်ပေးတာပါ။ အရွက်ဆိုလည်းပန်းကန်ပြားကြီးနဲ့ တစ်ပွဲ၊ အသားဆိုလည်း ပန်းကန်ကြီးနဲ့ တစ်ပွဲဆိုတော့ လမ်းဘေးက ဆိုင်မှာစားပြီး ဆိုင်ကြီးစာလောက် ကျသွားတော့တာပါပဲ။

စားပြီးပြီဆိုတော့ Independence Palace ကို အေးအေးဆေးဆေးပဲ လမ်းလျှောက်ကြပါတယ်။ ဒါပေမယ့် ရောက်သွားတဲ့အချိန်က ထမင်းစားပိတ်နေတဲ့အတွက် War Remnants Museum ကိုအရင်သွားပါတယ်။ ကိုယ်တို့အနေနဲ့ဆိုရင် စစ်သမိုင်းပြတိုက်ပေါ့။ အမေရိကန်နဲ့ ဗီယက်နမ်စစ်ပွဲမှာ အမေရိကန်တွေ သုံးခဲ့တဲ့ တင့်ကားတွေ၊ ရဟတ်ယာဉ်တွေ ၊ လက်နက်ခဲယမ်းတွေ နဲ့အတူ စစ်အနိဌာရုံ ဓာတ်ပုံတွေ ကို ပြသထားပါတယ်။ အနှစ် ၃၀ တိတိ ဆင်နွဲခဲ့တဲ့ တိုက်ပွဲရဲ့ သားကောင်ဖြစ်ခဲ့ရတဲ့ ဗီယက်နမ် ပြည်သူတစ်ချို့တွေရဲ့ ပုံတွေကို ပြသထားတာ မကြည့်ရဲ၊ မကြည့်ရက်စရာပါပဲ။

စစ်သမိုင်း ပြတိုက် ကနေ Saigon Notre Dame Cathedral ကို လမ်းဆက်လျှောက်ပါတယ်။ လှပတဲ့ အနောက်တိုင်းလက်ရာနဲ့ church ကျောင်းကြီးကို အပြင်ကပဲ ဓာတ်ပုံရိုက်ခဲ့ရပြီး အထဲဝင်လို့မရလို့ မ၀င်ခဲ့ရပါဘူး။ နေပူပူမှာ ရသလောက် ဓာတ်ပုံရိုက်ပြီး ကပ်ရပ်မှာ ရှိတဲ့ စာတိုက်ကြီးကို သွားခဲ့ပါတယ်။



 ပြင်သစ်လက်ရာ ဒီဇိုင်းနဲ့ ၁၈၉၁မှာ ဆောက်လုပ်ထားတဲ့ ဒီစာတိုက်ကြီးက အခုလက်ရှိအထိ အသက်ဝင်နေဆဲ ရုံးကြီးပါ။ စာ၊ ပို့စကတ်တွေ ပို့ပေးတဲ့ကောင်တာတွေနဲ့အတူ ပို့စကတ်များ၊ တခြား လက်ဆောင်ပစ္စည်းရောင်းတဲ့ဆိုင်လေးတွေလည်း ရှိပါတယ်။ ပြင်သစ်နိုင်ငံက အီဖယ် တာဝါကို ဒီဇိုင်းဆွဲခဲ့သူနဲ့ ဒီစာတိုက်ကြီးကို ဒီဇိုင်းဆွဲပေးသူက တစ်ယောက်တည်းဖြစ်တယ်လို့ သိရပါတယ်။


အဲဒိနောက် စောစောက မ၀င်ခဲ့ရတဲ့ Independence Palace (လွတ်လပ်ရေးနန်းတော်)ကို ပြန်လျှောက်ကြပါတယ်။ Independence Palace ကတော့ ၁၈၆၈ ခုနှစ်မှာ ပြင်သစ်တွေ ဗီယက်နမ်ကို နယ်ချဲ့အပြီး ကိုလိုနီရုံးစိုက်ရန် နေရာအနေနဲ့ နဂို သစ်သား နန်းတော်ကို ဖျက်ပြီး ပြင်သစ် စတိုင် ပြန်ဆောက်ခဲ့တာပါ။ ပြင်သစ်လူမျိုး Charles Hermite က ဒီဇီုင်းဆွဲပေးပြီး တည်ဆောက်ရာတွင် လိုအပ်သည့် ပစ္စည်းများကို ပြင်သစ်နိုင်ငံမှ သယ်ယူတည်ဆောက်ခဲ့တယ်လို့ သိရပါတယ်။ ၁၉၆၂ ခုနှစ်မှာတော့ ဗီယက်နမ်ပြည်တွင်းစစ်အတွင်း ဗုံးပေါက်ကွဲမှုကြောင့် တော်တော်များများပျက်စီးသွားခဲ့ပါတယ်။ ပြန်ပြင်ဖို့ မဖြစ်နိုင်တာကြောင့် ဖြိုချပြီး အသစ်ပြန်ဆောက်ခဲ့ပါတယ်။ အဆောက်အုံအသစ် ဒီဇိုင်းကိုတော့ ဗီယက်နမ်လူမျိုး Ngô Viết Thụ က ဆွဲပေးခဲ့ပါတယ်။ အခုလက်ရှိဒီဇိုင်း ဖြစ်ပါတယ်။ ၁၉၇၅ နိုဝင်ဘာမှာ တောင်ပိုင်းနဲ့ မြောက်ပိုင်း ပြန်လည်ပေါင်းစည်းရေး အစည်းအဝေးကို ဒီအဆောက်အအုံမှာ အောင်အောင်မြင်မြင် ကျင်းပပြီးနောက်မှာ အဆောက်အဦးနာမည်ကို Reunification Hall လို့ နာမည်ပြောင်းခဲ့ပါတယ်။


အဲဒိကနေပဲ ဟိုတယ်ကို လမ်းလျှောက်အပြန်လမ်းမှာ အအေးဆိုင်ခဏထိုင်ပါတယ်။ ဟိုတယ်မှာ ရောက်တော့ ကြိုတင် ဘွတ်ကင်လုပ်ထားတဲ့အခန်းနှစ်ခန်းထဲကမှ တစ်ခန်းကို family room ကို free upgrade လုပ်ပေးမယ်ဆိုတဲ့အတွက် လက်ခံလိုက်ပါတယ်။ တကယ်တန်းကျတော့ family room က အခန်းပိုကျယ်ပေမယ့် queen size ကုတင်နှစ်လုံး အပြည့်နေရာယူထားတာကြောင့် ဘာမှ ပိုထူးမသွားပါဘူး။ နစ်နာတဲ့အချက်က နဂို ယူထားတဲ့အခန်းက လမ်းကို ကြည့်လို့ရတဲ့ view ပါပြီး family room ကတော့ မြေညီထပ်မှာ ရှိတဲ့တွက် ပြတင်းပေါက်ဖွင့်လို့ အဆင်မပြေပါဘူး။ ကျန်တာတွေ အားလုံးအဆင်ပြေပြီး တစ်ညပဲ တည်းမှာမို့ ကွန်ပလိန်းမတက်ဘဲ နေခဲ့ပါတယ်။ အခန်းထဲ ပြန်နားပြီး ညနေ ၆ နာရီခန့်မှ ညစာစားဖို့ ပြန်ထွက်ကြပါတယ်။ ညစာကိုတော့ ဟိုတယ်ဘေးကပ်ရပ်က ဗီယက်နမ်ခေါက်ဆွဲဆိုင်မှာပဲ စားခဲ့ပါတယ်။


ညစာစားအပြီးမှာ လိပ်ကန်ကို လမ်းလျှောက်ကြပါတယ်။ လမ်းလျှောက်တယ်ဆိုပေမယ့် မနီးပါဘူး၊ နာရီဝက်လောက် လျှောက်ရပါတယ်။ လိပ်ကန်မှာ ဘာရှိလို့လဲ၊ ဘာထူးခြားလို့လဲလို့မေးရင် ဘာမှ ထူးထူးခြားခြား မရှိလှပါဘူး။ ကားလမ်းတွေ ပတ်လည်ဝိုင်းနေတဲ့ ကျွန်းကို ပန်းခြံအသေးလေး ဆောက်ပြီး အလယ်မှာ ကန်လေး ရှိနေတာပါ။ နိုင်ငံခြားသားတွေထက် ဒေသခံတွေ အလာများတဲ့နေရာ တစ်ခု ဖြစ်ပါတယ်။ စုံတွဲတွေ ၊ သူငယ်ချင်းတွေ၊ မိသားစုတွေ လာထိုင်ကြ မုန့်စားကြ စကားပြောကြတဲ့ နေရာလေးတစ်ခုပါ။ ညနေ ၇ နာရီခွဲခန့်ထိ လူအနည်းငယ်သာ ရှိပေမယ့် ည ၈ နာရီကျော်လာတဲ့အချိန်မှာတော့ လူတော်တော်စည်နေပါပြီ။ ထိုင်ရောင်းနေတဲ့ လမ်းဘေးဈေးသည်လေးတွေဆီကနေ မုန့်တစ်ချို့ဝယ်မြည်းခဲ့ပါတယ်။ စားခဲ့သမျှတော့ တစ်ခုမှတော့ မကြိုက်လှပါဘူး။ မုန့်ကိုမြင်အပြီး ကိုယ်မျှော်လင့်ထားတဲ့ အရသာ နဲ့ တကယ်ရလိုက်တဲ့ အရသာ လွဲနေလို့လားပဲ။

အပြန်မှာ Ben Thanh ညဈေးကို ၀င်ကြပါတယ်။ နိုင်ငံတကာက ဘရန်းအစုံကို ဒီညဈေးမှာ ဈေးသက်သက်သာသာနဲ့ ၀ယ်လို့ရပါတယ်။ အစစ်တွေတော့လည်း မဟုတ်ဘူးပေါ့လေ။ သွားဖူးတဲ့သူတွေကတော့ ညဈေးမှာ ဈေးဝယ်ရင် အနည်းဆုံးခေါက်ချိုးစစ်ဖို့ အကြံပေးကြတဲ့သူချည်းပါပဲ။ ဈေးသည်တွေကတော့ ဈေးမေးပြီးရင် မ၀ယ်ဘဲ ပြန်ထွက်လို့မရအောင် ဆွဲကြ၊ ဈေးလျှော့ပေးကြပါပဲ။ဝယ်ဖို့ မစဉ်းစားထားရင် ဈေးမေးပြီး ခပ်မြန်မြန် ပြန်ထွက်ပါ။ ပါလာတဲ့သူငယ်ချင်း ဈေးသွားမေးမိတာ အတင်းရောင်းပါတော့တယ်။ ဆိုဈေးထက် တစ်ဝက်ကို အတင်းလျှော့ရောင်းပြီး မ၀ယ်ဘဲ ပြန်အထွက်မှာ သူငယ်ချင်းကို ညှစ်ပြီးဆွဲထားတာများ သူ့ခမျာလက်မောင်းတောင် တော်တော်အောင့်သွားပါတယ်။ နောက်ညတွေ ထပ်လာဖို့ အစီအစဉ်ရှိသေးတာကြောင့် ဒီည ဈေးမ၀ယ်သေးဘဲ ဈေးနဲနဲ စုံစမ်းပြီး ဟိုတယ်ကို ပြန်ကြပါတယ်။ နောက်နေ့ကျ မွေ့နဲကမ်းခြေသွားဖို့ အတူတူ လိုက်ခဲ့ကြပါဦးနော်။ ။

Hello Saigon - Introduction
Hello Saigon - Day 1 : Sightseeing in Ho Chi Minh City

Hello Saigon - Introduction

ဖေဖော်ဝါရီ ၂၀၁၇။


သွားမယ်လို့ စဉ်းစားထားတဲ့ထဲမှာ မပါဘဲ Tigerair က ဈေးချတုန်း ၀ယ်လိုက်မိတဲ့ ဟိုချီမင်း လေယာဉ်လက်မှတ်က ဒီခရီးရဲ့ အစ ဖြစ်ပါတယ်။ မသွားဖြစ်လည်း လက်မှတ်ဖိုး အဆုံး ဆိုပြီး ၀ယ်လိုက်တာပါ။ လက်မှတ်ဝယ်ပြီးခါမှ ဘယ်တွေ သွားမလဲ၊ ဘာတွေ လုပ်မလဲ လိုက်ရှာရပါတယ်။ အရင်ဆုံး ဟိုချီမင်း tour package တွေ လိုက်ကြည့်ပါတယ်။ သူတို့တွေ ဘယ်တွေ သွားကြလဲ ဘာတွေ လုပ်ကြလဲပေါ့။ ပြီးမှ အနီးစပ်ဆုံး ကိုယ့်ဘာသာ စီစဉ်ပါတယ်။ ၄ ည အိပ် ၅ ရက်ခရီးဖြစ်တာကြောင့် ဟိုချီမင်းမြို့အနီးအနားတစ်နေရာ သွားကြမယ်စဉ်းစားတဲ့အခါ ဒါလတ် (dalat) နဲ့ မွေ့နဲ (mui ne)ကမ်းခြေကို သွားတွေ့ပါတယ်။ တစ်နေရာလောက်ပဲ သွားဖို့ အချိန်ရမှာနဲ့ ဘယ်သွားရင်ကောင်းမလဲ အကြာကြီးစဉ်းစားပြီးမှ မွေ့နဲကို ရွေးလိုက်ပါတယ်။

ဒါကတော့ သွားခဲ့တဲ့ ခရီးစဉ် ရက် အလိုက်ပါ။

5D4N Ho Chi Minh City + Mui Ne Itinerary
Morning Afternoon
Day 1
Breakfast at Changi Airport
Arrival Tan Son Nhat International Airport
To Platinum Hotel ( bus 152)
Lunch at street food stall
War Remnants Museum (walk)
The Reunification Palace (walk)
Notre Dame Cathedral (walk)
Central Post Office (walk)
Check in Platinum Hotel
Pho dinner at restaurant

Turtle Lake
Ben Thanh night market (walk)
Day 2
Hotel check out
Leave for Mui Ne (sleeping bus)
Check in Mui Ne Resort
Lunch at Mui Ne resort
Fishermen's Village (tour mini bus)
White Sand Dune (tour mini bus)
Yellow Sand Dune (tour mini bus)
Dinner at Mui Ne resort
Day 3
Breakfast at Mui Ne resort
Mount Tacu (Jeep)
Po Shanu Cham Towers (Jeep)
Check out Mui Ne Resort
Lunch at Mui Ne resort
Back to Ho Chi Minh city (sleeping bus)
Check in Elios Hotel
Seafood dinner at restaurant
Bitexco Financial Tower (Skydeck) (walk)
Day 4
Breakfast at Elios hotel
Cu Chi Tunnel (tour bus)
MyTho (tour bus)
Phoenix Island (motor boat)
Lunch at Phoenix Island restaurant
Coconut candy workshop (motor boat)
Boat jetty (horse cart)
Mekong creek (hand rowing boat)
Back to Ho Chi Minh City (tour bus)
Dinner at Pho restaurant
Ben Thanh night market (walk)
Day 5

Breakfast at Elios hotel
Ben Thanh Market (grabcar)
Skyhub for Ao Dai photo taking (grabcar)
Back to Elios hotel (uber)
Check out Elios Hotel
Lunch at Pho restaurant
Leave for Tan Son Nhat International Airport (uber)
Home Sweet Home , Singapore (tigerair)


ကုန်ကျငွေ တစ်ယောက်စာ (စင်ကာပူ ဒေါ်လာဖြင့်)

မှတ်ချက်။   ။
  • ဟိုတယ်၊ ကားခ၊ tour package၊ လေယာဉ်စရိတ်၊ စားစရိတ် များသာ။
  • လက်ဆောင်ပစ္စည်း ၀ယ်ခများ မပါဝင်ပါ။
  • မြန်မာနိုင်ငံသားများ ဗီယက်နမ်ကို နှစ်ပတ် ဗီဇာ ဖရီးပါ။ 

1 SGD ~ = 15,000 vnd
Description  SGD  Remark
Airticket (round trip)  $   90.00 TigerAir with hand carry 10kg
Hotel (HCMC) 1 night  $   24.00 Platinum Hotel ($96 / 4 pax)
Hotel (HCMC) 2 nights  $   60.00 Elios Hotel ($60 x 2N) / 2 pax
2D1N Muine Tour  $   85.00 1 N stay at Mui Ne resort
1 Breakfast, 2 Lunch, 1 Dinner
Half day tour
1 Day Cu Chi Tunnel and Mekong Delta tour   $   20.00 Inluding lunch
Half day Jeep Tour to Mount Tacu  $   15.00 900,000 VND / 4 pax
War Remnants Museum ၀င်ခ  $    1.00 15,000 vnd / 1 pax
The Reunification Palace ၀င်ခ  $    2.00 30,000 vnd / 1 pax
Mount Tacu ၀င်ခ  $   12.00 180,000 vnd / 1 pax
Po Shanu Cham Towers ၀င်ခ  $    1.00 15,000 vnd / 1 pax
Bitexco Financial Tower (Skydeck) ၀င်ခ  $   13.00 200,000 vnd / 1 pax
Cu Chi Tunnel ၀င်ခ  $    7.00 110,000 vnd / 1 pax
Ao Dai ဗီယက်နမ်ဝတ်စုံ ငှားခ  $   22.00 350,000 vnd / 1 pax / day
အစားအသောက်   $   70.00 Estimated
မြို့တွင်းခရီးစရိတ် (ဘက်စ်ကား +  တက်စီ)  $    4.00 240,000 vnd/ 4 pax
wifi rental  $    8.00 $ 32 / 4 pax
 $ 434.00

ကျိုက်ထီးရိုး ဘုရားဖူး


နိုဝင်ဘာ ၇ ရက်၊ ၂၀၁၆။
တနင်္လာနေ့။

ရန်ကုန် မန္တလေး အမြန်လမ်း - ရန်ကုန် မော်လမြိုင်လမ်း - ကျိုက်ထီးရိုး ဘုရားလမ်း

ဒီတစ်ခေါက်မြန်မာပြည် အပြန်မှာတော့ မရောက်တာ ကြာတဲ့ ကျိုက်ထီးရိုး ဆံတော်ရှင် စေတီတော်မြတ်ကြီးကို သွားရောက်ဖူးမျှော်ခဲ့ပါတယ်။ ကျိုက်ထီးရိုးဘုရားက မွန်ပြည်နယ် ကျိုက်ထိုမြို့နယ်ထဲက ပေါင်းလောင်းတောင်ကြောပေါ်မှာ ရှိပါတယ်။ ကားမောင်းချိန် ၄ နာရီခန့်သာ ကြာလို့ ရန်ကုန်ကနေ နေ့ချင်းပြန်ခရီးအနေနဲ့တောင် သွားကြပါတယ်။

ကိုယ်တို့ကတော့ ရန်ကုန်ကနေ မနက် ၄ နာရီမှာ စထွက်ပါတယ်။ မြောက်ဥက္ကလာမှတဆင့် ရန်ကုန် မန္တလေး အမြန်လမ်းပေါ်တက်ခဲ့ပြီး ၃၉ မိုင်လမ်းခွဲကနေ ဘုရားကြီးဘက်ကို ခွဲတဲ့လမ်းက သွားခဲ့ပါတယ်။ ၃၉ မိုင်လမ်းခွဲမှာ စားသောက်ဆိုင်တွေ အများကြီးရှိပေမယ့် အနည်းငယ်စောနေသေးတာကြောင့် ဆက်မောင်းခဲ့ပြီး မနက်စာကို ရန်ကုန် မော်လမြိုင် အဝေးပြေးလမ်းပေါ်က ကျိုက်ထို feel မှာ ခဏနားရင်း ၀င်စားခဲ့ပါတယ်။ အဲဒိအချိန် မနက် ၇ နာရီခန့်ရှိပါပြီ။


ထိုမှတဆင့် ကျိုက်ထိုမြို့ထဲ ဖြတ်လာပြီး မြို့အထွက်နားလောက်မှာ ကျိုက်ထီးရိုးသို့ဆိုတဲ့ ဆိုင်းဘုတ်ပြတဲ့ ဗယ်ဘက်ကိုချိုးပြီး မော်လမြိုင်လမ်းပေါ်က ဆင်းလာခဲ့ပါတယ်။ ကားလမ်းဘးတစ်ဘက်တစ်ချက်မှာ စီစီရီရီ စိုက်ထားတဲ့ ရာဘာခင်းတွေရှိပါတယ်။


ကျိုက်ထီးရိုးတောင်ခြေ ကင်ပွန်းစခန်း ရောက်ပြီ



ကင်ပွန်းတောင်ခြေစခန်းဝင်ဝင်ချင်း မှာပဲ တောင်ပေါ်တက်မယ့် မော်တော်ယာဉ်စခန်း ရှိပါတယ်။ အနီးအနားမှာလည်း ကားအပ်လို့ရတဲ့ နေရာ အများအပြားရှိပြီး တစ်ရက်ကို ကျပ် ၃၀၀၀ ပါ။ တောင်ပေါ်တက်မယ့်ကားဂိတ်က အမိုးနဲ့သပ်သပ်ရပ်ရပ် ရှိပါတယ်။ အင်မတန်ကောင်းတဲ့ စက်အင်ဂျင်တပ် မော်တော်ယာဉ်များကိုသာ အသုံးပြုထားပြီး ကားမောင်းကျွမ်းကျင်တဲ့သူတွေသာ ဒီတောင်တက်လမ်းကို မောင်းကြတာပါ။ မော်တော်ယာဉ်မောင်းသူတိုင်း အကျီင်္အဖြူ ၀တ်ဆင်ကြပြီး တစ်ချို့ဆို သနပ်ခါး ပါးကွက်နဲ့ နှစ်လိုဖွယ် သန့်သန့်ရှင်းရှင်း ရှိကြပါတယ်။ တောင်ပေါ်ကားဂိတ်စခန်းကို ၄၅ မိနစ်ခန့် မောင်းရပါတယ်။



ခြေလျင်တက်မယ့်လမ်းကြောင်းရှိသေးပေမယ့် တစ်ချို့ အသင်းအဖွဲ့၊ တောင်တက်အတွေ့အကြုံလိုချင်သူတွေ၊ နိုင်ငံခြားသားတွေက လွဲရင် မော်တော်ယာဉ်နဲ့ပဲ တက်ကြတာ များပါတယ်။နောက်နှစ် ဧပြီမှာတော့ ကေဘယ်ကားနဲ့ တောင်ပေါ်ကို တက်လို့ရမယ်လို့ ဆိုပါတယ်။ လမ်းမှာ မိုးဖွဲဖွဲကျထားတဲ့ အရှိန်နဲ့ တောင်ခြေက အနည်းငယ် အေးအေး မှိုင်းမှိုင်းရှိနေပါတယ်။ မိုးကာ အပါးလေးတွေ လိုက်ရောင်းနေသူတွေက တောင်ပေါ်မှာ မိုးတွေရွာနေတယ်။ မိုးကာ လေးတွေ ၀ယ်သွားပါ။ အပေါ်မှာ ဈေးကြီးတယ်ဆိုပေမယ့် မ၀ယ်ဖြစ်ခဲ့ပါဘူး။ ဘုရားဖူးတွေ တော်တော်များများရှိပြီး အရမ်းအကျပ်ကြီးတော့လည်း မဟုတ်ပါဘူး။

တောင်ပေါ်တက်မယ့်ကားပေါ်ကိုတော့ အလုအယက်တက်ရပါတယ်။တန်းစီစနစ်မရှိဘဲ ဦးရာလူ ကြိုက်တဲ့နေရာထိုင်ဖြစ်ပါတယ်။ ကားပေါ်ရောက်မှ ပိုက်ဆံ ပေးရမှာ ဖြစ်ပြီး နောက်ခန်းက တစ်ယောက်ကို ၂၀၀၀ ကျပ်ပါ။ အရင်က ၂၅၀၀ ကျပ်ဖြစ်ပြီး အစိုးရသစ်လက်ထက်မှာ လျှော့ချပေးထားတာဖြစ်ပါတယ်။ ခုံတန်းတစ်တန်းကို လူ ၇ ယောက်ထိုင်ရပြီး လူဦးရေ အတိအကျသာ တက်ခွင့်ပြုပါတယ်။ ကားခေါင်းခန်းကတော့ တစ်ယောက်ကို ကျပ် ၃၀၀၀ ဖြစ်ပြီး စုစုပေါင်း ခရီးသည် ၅ ဦး စီးနင်းခွင့်ပြုပါတယ်။ ဒရိုင်ဘာဘေးမှာ ၂ ယောက်ထိုင်ရပြီး ဒရိုင်ဘာနောက်မှာ ခုံတန်းရှည်တစ်တန်းထားထားပြီး လူ၃ ယောက်စီးနင်းစေတာပါ။အဲဒိ အနောက် ခုံတန်းရှည်ပေါ်မှာ ခြေထောက်တော့ ချထိုင်လို့မရပါဘူး။ တင်ပြင်ခွေထိုင်မှ အဆင်ပြေပါတယ်။ ခေါင်းခန်းစီးမယ်ဆိုရင်တော့ ကားဝင်းထဲက တစ်နေရာမှာ အရင် စာရင်းပေးရပါတယ်။ သူတို့က စာရင်းပေးထားတဲ့သူနာမည်ကို မိုက်ခရိုဖုန်းနဲ့ ခေါ်ပြီး ဘယ်ကားနံပါတ်ကို သွားပါလို့ပြောပါတယ်။ ခေါင်းခန်းစီးတဲ့သူကတော့ လုတက်စရာ မလိုပါဘူး။ ပိုက်ဆံကတော့ နောက်ခန်းလိုပဲ ကားပေါ်ရောက်မှ ကားနောက်လိုက်ကို ပေးရတာပါ။ ကားတစ်စီးတစ်စီးဟာ ခဏနဲ့ ပြည့်သွားတာပါ။

ကင်ပွန်းစခန်းက ထွက်ပြီးမကြာခင် စစ်ဆေးရေးဂိတ်ကို ရောက်ပါတယ်။ လူအရေအတွက်ကို ရှေ့ခန်းနောက်ခန်း အကုန်စစ်ပြီးမှ ဆက်ထွက်ခွင့်ပြုပါတယ်။ အဲဒိနောက်တော့ တောင်ပေါ်အတက်လမ်း ကတော့ တကယ့်ကို ရင်တဖိုဖိုနဲ့ တက်ရတာပါ။

တောင်ပေါ်စခန်း ရောက်ပြီ



တောင်ပေါ်စခန်းကားဂိတ်ရောက်တော့ ဘုရားရင်ပြင်တော်ပေါ်ကို အနည်းငယ်လမ်းလျှောက်ရပါသေးတယ်။ ၁၀ မိနစ် လောက်ကြာမလားပဲ။ ပစ္စည်းတွေ သယ်လို့မနိုင်ရင် အထမ်းသမားငှားလို့ရပါတယ်။ တစ်ခြင်းအပြည့်မှ ၃၀၀၀ ကျပ်ကနေ ၄၅၀၀ ကျပ်လောက်ပါပဲ။ ကိုယ်တွေက အထုပ်ကြီးကြီးမားမားမပါတော့ အထမ်းသမား မငှားဖြစ်ခဲ့ပါဘူး။ မငှားတော့ပါဘူး ပြောတာတောင်မှ အထမ်းသမားတစ်ယောက် လိုက်လာတာ ရင်ပြင်တော်အထိပါပဲ။



တောင်ပေါ်စခန်းကနေ ရင်ပြင်တော်ပေါ်တောက်လျှာက် လမ်းမှာ ဆိုင်ခန်းတွေ ရှိပါတယ်။ နေကာမျက်မှန်၊ ဦးထုပ်၊ ၀ါးသေနတ်၊ စားစရာဆိုင်တွေ၊ လက်ဆောင်ပစ္စည်းဆိုင်တွေ ရှိပါတယ်။ လမ်းအလယ်မှာ ဖြည်းဖြည်းလမ်းလျှောက်ရင်း ဆွမ်းခံနေတဲ့ ရသေ့ ရဟန်းတွေလည်း တွေ့ရပါတယ်။ ဟိုငေး ဒီငေးနဲ့ပဲ ရင်ပြင်တော် မုဒ်ဦးပေါက်ဝကို ရောက်လာတော့တာပေါ့။


ရင်ပြင်တော်ပေါ်မှာ ဟိုးအရင်တုန်းက ပျားပန်းခပ်မျှ တွေ့ရတဲ့ အလှူခံတွေ ဓာတ်ပုံဆရာတွေ မတွေ့ရတော့ဘဲ တော်တော်များများ တွေ့ရတာက ဖုန်းအားသွင်းပေးတဲ့ ဆိုင်တွေပါပဲ။ ကြိုးပေါင်းစုံ ရှုပ်ရှက်ခပ်နေတဲ့ ဆိုင်သေးသေးလေးတွေက ဘယ်အမျိုးအစား ဖုန်းကိုမဆို အားသွင်းပေးပြီး အားအပြည့်ကို ၅၀၀ ကျပ်ယူတယ်လို့ သိရပါတယ်။ ခေတ်ရဲ့ တောင်းဆိုမှုတွေကြောင့် ရှိလာရတဲ့ စီးပွားရေး လုပ်ငန်းတွေပေါ့လေ။


တည်းခိုမယ့်နေရာ ရှာကြစို့

ရင်ပြင်တော်ပေါ်မှာ မိုးမရွာပေမယ့် မိုးငွေ့ တိမ်ငွေ့တွေနဲ့ အုပ်ဆိုင်းပြီး ရှေ့ကိုတောင် ပီပီပြင်ပြင်မမြင်ရပါဘူး။ ကျောက်ပြားတွေ ရေငွေ့တွေနဲ့ စိုနေတာကြောင့် ချော်မလဲအောင် မနည်းထိန်းပြီး တည်းမယ့် တည်းခိုဆောင် ရှာရပါတယ်။ နောက်ဆုံးတော့ ဘုရားနဲ့ အနီးဆုံး ရင်ပြင်တော်ပေါ်က တိဿဆောင်မှာပဲ တည်းဖြစ်ပါတယ်။ တိဿဆောင်ဆိုပေမယ့် ကြူကြူဝင်းက ကန်ထရိုက်ယူထားပုံရပါတယ်။ တည်းခိုဆောင်အောက်ထဲ ဆင်းသွားတဲ့အခါ သူတို့နာမည်နဲ့ ဖြစ်သွားပါတယ်။ ဆက်ဆံရေး တော့ တော်တော်ကောင်းပါတယ်။ ရေချိုးခန်း အိမ်သာ တွဲလျက်အခန်း ပြည့်သွားလို့ ရိုးရိုးအခန်း နှစ်ယောက်အိပ်ကို တစ်ည ၂၀၀၀၀ ကျပ် ပေးရပါတယ်။ အခန်းထဲမှာ နှစ်ယောက်အိပ်ကုတင်တစ်လုံး မှန်တင်ခုံ တစ်ခု နဲ့ စားပွဲအသေးတစ်ခု ရှိပါတယ်။ အခန်းအနေအထားက မဆိုးပေမယ့် ခေါင်းအုံး၊ အိပ်ရာခင်းကတော့ တော်တော်ကို နွမ်းပါတယ်။ အနံ့အရမ်း ဆန်းဆန်းတင့်တဲ့ကိုယ်က ခေါင်းအုံးကအနံ့တစ်ခုရတယ်ဆိုပြီး ပါလာတဲ့ မျက်နှာသုတ်ပုဝါ ကို ခေါင်းအုံးပေါ်ခင်းအိပ်ပါတယ်။ သူငယ်ချင်းများက ရိုးရိုးလေး ဟိုတယ် ၃  ကို ညွှန်းကြပေမယ့် လူကြီးတွေပါလာတော့ ရင်ပြင်တော်နဲ့ အနီးဆုံး၊ ဘုရားဖူးဖို့ ပင်ပင်ပန်းပန်းမတက်ရတဲ့ နေရာကို ရွေးလိုက်တာပါ။ အပြင်က ရေချိုးခန်း အိမ်သာကတော့ ၅ ခန်းလောက်ရှိပြီး သန့်ပါတယ်။ ရေလည်း ပေါပေါများများပါပဲ။ ဒါပေမယ့် အိပ်ခန်းတွေက အသံမလုံတော့ ည၁၂ နာရီလောက်ထိ အိပ်မရပါဘူး။ အပြင်က စကားပြောသံတွေ အခန်းထဲကနေ အတိုင်းသား ကြားနေရတာပါ။  မနက်လည်း ၅ နာရီဆို စဆူညံနေပါပြီ။




ကျိုက်ထီးရိုး ဆံတော်ရှင် စေတီတော်မြတ်ကြီး ဖူးကြရအောင်

အိပ်မယ့်နေရာ အဆင်ပြေပြီဆိုတော့ ပစ္စည်းတွေထားပြီး ဘုရားဖူးကြတာပေါ့။ မနက် ၉  နာရီ နီးပါးဆိုပေမယ့် နေမင်းရဲ့ အရိပ်အရောင် တစွန်းတစ မမြင်ရဘဲ ဝေမှိုင်းနေတာ စေတီကို အနားရောက်မှ မြင်ရတဲ့ အထိပါပဲ။ တောင်အောက်ကို ကြည့်တော့လည်း ကောင်းကောင်းဘာမှ မမြင်ရဘဲ တောင်ခိုးတွေ ဝေနေတာပါ။ ဘုရားကို ရွှေသင်္ကန်းကပ်၊ အေးအေးဆေးဆေးဖူးပြီး ဈေးဆိုင်တန်းတွေဘက် ဆင်းခဲ့ပါတယ်။





ဈေးဆိုင်တန်းတွေဘက် ဆင်းဆင်းချင်း တွေ့ရမှာက ဆီထမင်းသည်များ ဖြစ်ပြီး အဲဒိနောက်မှာတော့ လက်ဘက်ရည်ဆိုင်၊ ထမင်းဆိုင်၊ ရန်ကုန် မုန့်ဟင်းခါးဆိုင်၊ လက်ဆောင်ပစ္စည်းဆိုင်တို့ကို သပ်သပ်ရပ်ရပ်တွေ့ရပါတယ်။ ဆီထမင်းသည်က ဆီထမင်း ပူပူလေးလို့ အော်မရောင်းဘဲ ကြွပ်ကြွပ်လေးလို့ ပြောရောင်းပါတယ်။ ဟုတ်တာပေါ့ ဒီလောက်အေးနေတဲ့ လေတွေတိုက်နေတဲ့ တောင်ပေါ်မှာ ဒီအတိုင်းဗန်းထဲထည့်ထားတဲ့ ဆီထမင်းက ဘယ်ပူနိုင်ပါတော့မလဲ။ အပြင်သားတွေက အနည်းငယ် မာနေပေမယ့် အထဲက တော်တော်အိပါတယ်။ လက်ဆောင်ပစ္စည်းဆိုင်တွေ အများကြီးရှိပေမယ့် ငယ်ငယ်ကလို ကျိုက်ထီးရိုး သေနတ်တွေ၊ ဓားတွေ ရောင်းတဲ့ဆိုင် တော်တော် နည်းသွားပါပြီ။ တစ်ဆိုင်စ နှစ်ဆိုင်စ တွေ့ပေမယ့် ပစ္စည်းက ဟိုးအရင်ကလို တောင်ပုံရာပုံ မရှိပါဘူး..ကျိုက်ထီးရိုးဘုရားကြီးရဲ့ မဖြစ်မနေ လက်ဆောင် ၀ါးသေနတ်၊ ၀ါးဓားလေးတွေကို အခုထက်ထိ ၀ယ်နေကြတဲ့သူတွေကတော့ ဟိုး အထက်အညာကနေ ဘုရားလာဖူးကြတဲ့ အညာသူ အညာသား ဦးကြီး ဒေါ်ကြီးတွေပါပဲ။  သူတို့ဝယ်သွားတဲ့ သေနတ်တွေကို သူတို့ တူလေး မြေးလေးတွေ မက်မက်မောမော ဆော့ကြပါ့မလားလို့ တွေးပူမိပါသေးတယ်။





နိုဝင်ဘာအစဆိုတော့ ရာသီဥတုက အများကြီး မအေးသေးပါဘူး။ မိုးကလည်း ရွာချင်ချင်ဖြစ်နေတော့ မိုးရွာရင် အေးတဲ့ အအေးလောက်ပဲ စိမ့်စိမ့်လေး အေးတာပါ။ ဟိုးအရင်တုန်းက ကျိုက်ထီးရိုးလာရင် ရသေ့တောင်၊ ကျီးကန်းပါးစပ်၊ ကျောက်ထပ်ကြီး၊ ရေတံခွန်စသည်တွေကို သွားလေ့ရှိပေမယ့် အသက်အရွယ်အရ မသွားနိုင်တော့မှန်း ကိုယ့်ကိုယ်ကို သိတော့ ကျီးကန်းပါးစပ်လှိုဏ်ဂူလောက်ပဲ သွားဖို့ စီစဉ်ပါတယ်။

တကယ်လို့ ရေတံခွန်သွားချင်သူများအတွက် တောင်ပေါ်စခန်းမှာ ရေတံခွန်သွားတဲ့ ကားတွေရှိပါတယ်။ ကားနဲ့သွားရင် ရေတံခွန်ထိ တောက်လျှောက် ရောက်သွားပြီး တစ်ယောက်ကို ၄၀၀၀ ကျပ်လို့ အသိတစ်ယောက်က ပြောပါတယ်။

ကျီးကန်းပါးစပ်ဂူ သို့




တိဿဆောင်ဘေးနားက လမ်းကပဲ ကျီးကန်းပါးစပ်ဂူကို ဆင်းပါတယ်။ လှေကားတွေက မတ်ပြီး တစ်ချို့နေရာတွေမှာ လက်ရန်းကောင်းကောင်း မရှိတဲ့အတွက် အသက် အရွယ်ကြီးသူတွေအဖို့ တော်တော်ဂရုစိုက်ရပါမယ်။ ဂူသို့ဆင်းတဲ့ လမ်းတောက်လျှောက် ဘေးနှစ်ဘက်လုံးမှာ ဆိုင်တွေ ရှိတဲ့အတွက် ဖြည်းဖြည်းအေးအေးဆေးဆေး နားရင်း ဆင်းပါတယ်။ လမ်းမှာ စားသောက်ဆိုင် တစ်ချို့ရှိပြီး ကျားသား၊ ယုန်သား၊ ဂျီသား စသည်ဖြင့် သားကောင်ပေါင်းစုံ ရောင်းပါတယ်။ ကျပ်တင်ထားတဲ့ အကောင်မပျက် အသားတွေကို ဆိုင်ရှေ့မှာ ပြထားပြီး စားမယ်ဆိုမှ ကြော်ပေးတာပါ။ ဆိုင်တစ်ဆိုင်မှာ ရေနွေးသောက်ရင်း ယုန်သားကြော် စားခဲ့ပါတယ်။ အသားအရမ်းနူးညံ့ပြီး ချိုနေပေမယ့် မျက်စိထဲမှာ ယုန်အကောင်လိုက်လေးပဲမြင်ယောင်နေတော့ မြည်းရုံပဲ မြည်းခဲ့လိုက်ပါတယ်။ ဈေးက တစ်ပွဲကို ကျပ် ၆၀၀၀ ပါ။ အသားက တော်တော်များများ ပါပါတယ်။
ရေနွေးပူပူလေး မှုတ်သောက်ရင်း တစ်မျှော်တစ်ခေါ်မြင်နေရတဲ့ တောင်တန်းတွေကို ငေးရင်း ဗူးသီးကြော်စားခဲ့ပါတယ်။




ကျီးကန်းပါးစပ်ဂူရောက်တော့ ၀တ်စုံဆင်တူလေးတွေနဲ့လူငယ်တွေ အများကြီးတွေ့ရပါတယ်။ ကျောင်းတစ်ခုခုက စုပြီးခရီးထွက်လာပုံရပါတယ်။ ဂူရဲ့အပေါ် ကျောက်တုံးနှစ်ခုကြားက အပေါက်ထဲကို အကြွေစေ့တွေပစ်ရင်း ပျော်နေ ဆူညံနေကြတာ ဟိုးတုန်းက ကိုယ့်ကိုယ့်ကို ပြန်မြင်နေရသလိုပါပဲ။ အကြွေစေ့လဲလို့ရတဲ့ နေရာလည်း ဂူရှေ့မှာတင်ရှိပါတယ်။ ဂူဘုရားထဲကို ၀င်ဖူးဖို့ ဂူအ၀င်ပေါက်ကို ကြည့်ပြီး ကိုယ်တို့တွေ တွန့်သွားပါတယ်။ သူကတော့ မ၀င်တော့ဘူး.. သူမဆံ့ဘူး ပြောပေမယ့်.. ကျိုက်ထီးရိုးလာတိုင်း ဂူထဲဝင် ပြီး ဘုရားဖူးလေ့ရှိတဲ့ကိုယ်ကတော့ ၀င်ကြည့်ဦးမယ်ဆိုပြီး အပေါက်ဝ ကို တိုးခဲ့လိုက်ပါသေးတယ်။ ၀င်လို့မရတဲ့အဆုံး ရှက်ရှက်နဲ့ပဲ ပြန်လှည့်လာခဲ့ရပါတယ်။ ၀မ်းလျားမှောက်ဝင်မှပဲ ရတော့မယ့် အနေအထား ဖြစ်နေတော့ ကိုယ့်အခြေအနေ ကိုယ်မသိဘဲ ကြိုးစားမိခဲ့လေခြင်းလို့ ရှက်နောင်တ ဖြစ်ခဲ့ရတာပေါ့။ကဲ ကီလို ၆၀ ၀န်းကျင်တွေ ၀င်မရဘူးဆိုတဲ့အကြောင်း ဒီကနေသတိပေးလိုက်ပါတယ်နော်.. ဟီး။


ကျီးကန်းပါးစပ်ဂူသွားတဲ့ လမ်းမှာ စိတ်အချမ်းသာဆုံးကတာ့ ဟိုးအရင်ကလို အလှူခံတွေ မရှိတော့တာပါပဲ။ အတင်းကာရော အလှူခံနေကြတဲ့၊ မလှူချင်လို့ မျက်နှာလွှဲမိရင် ငရဲကို အခုပဲကျတော့မယ့်အတိုင်း ပြောနေတဲ့၊ မလှူဘဲနေလို့မရအောင် လမ်းပိတ်ထားတဲ့ အလှူခံတွေ လုံးဝ မရှိတော့တာပါ။



အပြန်ခရီးကိုတော့ နောက်တစ်လမ်းက ပြန်ပါတယ်။ အလာလမ်းထက် ပိုနီးပါတယ်။ နဲနဲတော့ ပိုမတ်ပါတယ်။ ထုံးစံအတိုင်း ဖြည်းဖြည်းချင်း နားလိုက် ပြန်တက်လိုက်လုပ်ပြီး နောက်ဆုံးကျ ရင်ပြင်တော်နား ပြန်ရောက်လာပါတယ်။ နေ့လည်စာစားပြီး တည်းခိုခန်းခဏပြန်နား၊ ရေချိုးပြီး ညနေဘက်ကျ ဘုရားသေချာဖူးဖြစ်ပါတယ်။ ရောက်ခါစထက် ဘုရားဖူးတွေ  ပိုများလာပြီး နေကလည်း ကောင်းကောင်းမထွက်ပါဘူး။ ဘုရားအနီးမှာ ထိုင်နေတုန်း ကလေးတွေ တစ်ယောက်ပြီးတစ်ယောက် ရောက်လာပြီး အနှိပ်ခံမလား ဆေးမြစ်စုံနဲ့ နှိပ်ပေးတယ်လို့ လာလာမေးကြပါတယ်။ အသက် ၈ နှစ် ၁၀ နှစ် အရွယ်လေးတွေပါ။ မညောင်းပါဘူးကလေးရယ် အနှိပ်မခံတော့ပါဘူးဆိုတော့ အနီးမှာ တခြားကလေးတွေနဲ့ ဆော့နေကြပါတယ်။ အနားကို လူအသစ်လာထိုင်ရင် လာမေးလိုက်..ပြန်ဆော့လိုက်နဲ့ တကယ့်ကို ချစ်စရာကောင်းတဲ့ ကလေးလေးတွေပါ။


ရင်ပြင်တော်ပေါ်မှာလည်း အလှူခံ ဌာန တစ်ခုပဲ ရှိပါတယ်။ ကျန်တဲ့ ဘယ်နေရာမှာမှ အလှူမခံပါဘူး။ အလှူခံလို့ရတဲ့ ပိုက်ဆံကိုလည်း နေ့စဉ်နေ့တိုင်း ဘယ်လောက်ရပြီလဲဆိုတာ သေသေချာချာ ပြထားပါတယ်။ ဘုရားရှေ့က အလှူခံပုံးတွကိုလည်း ဟိုးအရင်ကလို တခြားနေရာတွေအတွက် သုံးတာမျိုး မရှိတော့ဘဲ ဘုရားကြီးအတွက်ပဲ သုံးမယ့် အလှူခံပုံးတွေပဲ ထားတယ်လို့ သိရပါတယ်။ လမ်းတွေက အလှူခံပုံးတွေလည်း မရှိတော့ပါဘူး။ ဟိုးအရင်က ကန်ထရိုက်ပေးထားတဲ့ အလှူခံဌာနတွေ အရမ်းဆိုးတယ်လို့ လူပြောများနေတဲ့ ကျိုက်ထီးရိုးဘုရားရဲ့ နာမည်ဆိုးကြီးက အခုတော့ အတိတ်တစ်ခု ဖြစ်သွားပါပြီ။

နောက်နေ့မနက်စောစော တောင်အောက်ဆင်းမယ်ဆိုတော့ တည်းခိုတဲ့နေရာမှာပဲ ဆွမ်းတော်ပွဲမှာလိုက်ပါတယ်။ ၃၀၀၀ ကျပ်တန်က စပြီး ၅၀၀၀ ကျပ်၊ ၈၀၀၀ ကျပ် တစ်သောင်းကျပ်တန် ဆွမ်းတော်ပွဲတွေ က ပါဝင်တဲ့ ပစ္စည်းပေါ်မူတည်ပြီး ခွဲထားတာပါ။ ဒါကတော့ ခုထိ ကန်ထရိုက်စနစ်နဲ့လို့ ထင်ပါတယ်။


နောက်တစ်နေ့မနက် ၅ နာရီမှာတော့ မှာထားတဲ့ ဆွမ်းတော်ပွဲ ကို ဆိုင်မှာသွားယူရပါတယ်။ ဆွမ်းတော်ကပ်တဲ့အခါ ဟိုးတုန်းကလို ကိုယ်က ကပ်နေတုန်း ဆိုင်က ဆွမ်းတော်ပွဲသိမ်းသွားတာတို့ ဘာတို့တို့ မတွေ့ခဲ့ရပါဘူး။ ဆွမ်းတော်ပွဲရောင်းတဲ့ဆိုင်ကလည်း တစ်ဆိုင်တည်းပဲ တွေ့ပါတယ်။ အဲဒါကြောင့်လားတော့ မသိပါဘူး။ ဆွမ်းတော်ပွဲတွေကို ကပ်တဲ့သူ ထွက်သွားမှ လိုက်သိမ်းပေးတဲ့ အဖွဲ့သပ်သပ်ရှိပါတယ်။ အနားက တစ်ချို့သီလရှင်တွေကို သူတို့လိုမယ်ထင်တဲ့ ပစ္စည်းတွေ စွန့်ပေးပါတယ်။


နံနက် ၆ နာရီမှာတော့ တောင်ပေါ်ကနေ ဆင်းပါတယ်။ တောင်အောက်ရောက်လို့ ကားပေါ်က ဆင်းတယ်ဆိုရင်ပဲ ရန်ကုန်သွားမလား၊ မော်လမြိုင်သွားမလား၊ ပဲခူးသွားမလားနဲ့ ခရီးသွားကား တွေရဲ့ ခေါ်သံတွေက ဆီးကြိုနေပါလိမ့်မယ်။ အနားတစ်ဝိုက်မှာလည်း ကျိုက်ထီးရိုးပြန် လက်ဆောင် ယိုပေါင်းစုံနဲ့ ကဒတ်ခြောက် ရောင်းနေတဲ့ ဆိုင်တွေ အများကြီးရှိပါတယ်။


ကဲ .. လက်ဆောင်ပစ္စည်းတွေ ၀ယ်ပြီးသွားရင်တော့ ကျိုက်ထီးရိုးကနေ ပြန်ကြစို့ရဲ့။

( တကယ်က ရန်ကုန် မပြန်သေးပါဘူး... မော်လမြိုင် ဆက်သွားဖြစ်ပါတယ်.. နောက်တစ်ပို့စ်မှာ မော်လမြိုင်ခရီးစဉ်အကြောင်း ရေးပါရစေ..)




Weekend getaway to Kuala Lumpur - Day 2

စက်တင်ဘာ ၄ ရက် ၂၀၁၆
တနင်္ဂနွေနေ့

မာဒေးကားစကွဲမှ မလေးရှား နိုင်ငံအလံ

Merdeka Square

မနက် နိုးနိုးချင်းပဲ Merdeka Square (Dataran Merdeka) ကို သွားဖို့ထွက်လာကြပါတယ်။ ဟိုတယ်နဲ့ တော်တော်နီးတာကြောင့် လမ်းလျှောက်ပြီးပဲ သွားကြပါတယ်။ မာဒေးကား စကွဲ ကို Independance Square လို့လည်းခေါ်ကြပါသေးတယ်။ဒီနေရာမှာ မလေးရှားဟာ ဗြိတိသျှတွေရဲ့ ယူနီယံဂျက်အလံကို ချပြီး ကိုယ်ပိုင်နိုင်ငံအလံကို ၁၉၅၇ သြဂုတ် ၃၁ ရက်နေ့မှာ လွှင့်တင်နိုင်ခဲ့ပြီး နှစ်စဉ်နှစ်တိုင်း လွတ်လပ်ရေး အခမ်းအနားကို မာဒေးကားစကွဲမှာ ကျင်းပပါတယ်။

Sultan Abdul Samad Building

Sultan Abdul Samad Building

မာဒေးကားစကွဲရဲ့ဘေးကပ်လျက်မှာတော့ ခရီးသွားတွေ စိတ်ဝင်စားတဲ့ Sultan Abdul Samad Building ရှိပါတယ်။ ကိုလိုနီသက်တမ်းတစ်လျှောက် အင်္ဂလိပ်တွေ ရုံးစိုက်ရာနေရာဖြစ်တဲ့ အဲဒိအဆောက်အဦးကို ၁၈၉၄ စက်တင်ဘာမှာ စတင်ဆောက်လုပ်ခဲ့ပြီး ၁၈၉၇ မှာ လုံးဝပြီးဆုံးခဲ့တာဖြစ်ပါတယ်။ ၁၉ ရာစုရဲ့ ဗိသုကာလက်ရာအဖြစ် ခရီးသွားတွေရဲ့ စိတ်ဝင်စားမှုခံရပြီး အခုလောလောဆယ်တော့ မလေးရှားနိုင်ငံ သတင်းအချက်အလက်၊ ဆက်သွယ်ရေးနဲ့ ယဉ်ကျေးမှု ၀န်ကြီးဌာန ရုံးစိုက်ရာ နေရာဖြစ်ပါတယ်။

မာဒေးကားစကွဲနဲ့ ဆူလ်တန် အက်ဘ်ဒူ ဆာမက် အဆောက်အအုံကြားမှာ ရှိတဲ့ကားလမ်းကို တစ်ဖက်ပိတ်ထားပြီး လူငယ်တွေ စကိတ်စီး၊ စက်ဘီးစီးနေကြတာ တွေ့ရပါတယ်။

လမ်းဘေး မုန့်ဆိုင်တန်း

လမ်းလေးရဲ့အဆုံးမှာ မုန့်ဆိုင်တန်းရှိပါတယ်။ လမ်းပေါ်မှာ စားပွဲ၊ ထိုင်ခံချထားပြီး လမ်း ဘေးနှစ်ဘက်မှာ မီနီဘက်စ် လို ကားလေးတွေနဲ့ ကားနောက်ခန်းမှာ စားစရာတွေ ရောင်းနေတာပါ။ မနက်စာကို အဲဒိမှာပဲ ၀ယ်စားခဲ့ပါတယ်။


Sin Sze Si Ya ဘုံကျောင်းရှေ့

Sin Sze Si Ya ဘုံကျောင်း

အဲဒိနောက် Sin Sze Si Ya ဘုံကျောင်း ကို လမ်းဆက်လျှောက်ပါတယ်။ အဲဒိ ဘုံကျောင်းကို ၁၈၆၄ ခုနှစ်မှာ ဆောက်လုပ်ခဲ့တယ်လို့ သိရပြီး ကိုယ့်အတွက်တော့ ထူးထူးခြားခြားမရှိပါဘူး။ ရှေးဟောင်းဘုံကျောင်းတစ်ခုကို သွားလည်ခဲ့တယ်ပေါ့။

ဟိုတယ်က ရေကူးကန်

ဒီလို စုံတွဲပုံ ရိုက်ခဲ့ကြတယ်

ဘုံကျောင်းကနေ ဟိုတယ်ကို လမ်းလျှောက်ပြန်တဲ့လမ်းမှာ မြန်မာဆိုင်တော်တေ်ာများများ တွေ့ရပါတယ်။ ဟိုတယ်ရောက်တော့ အပေါ်ဆုံးထပ်မှာရှိတဲ့ ရေကူးကန်ကို ခဏ တက်ကြည့်ကြပါတယ်။ ရေကူးကန်က ခပ်သေးသေးပါ။ ဒါပေမယ့် သန့်သန့်ရှင်းရှင်း ရှိပါတယ်။

Rapid KL ရထားလက်မှတ် Masjid Jamek ကနေ Hang Tuah ကို တစ်ယောက် ရင်းဂစ် ၁.၃၀ ပါ

Masjid Jamek ဘူတာနဲ့ အမှတ်တရ

Masjid Jamek ဘူတာနဲ့ အမှတ်တရ

နေ့လည် ၁၁ နာရီလောက်မှာ ဟိုတယ်ကနေ ချက်အောက် ထွက်ခဲ့ကြပါတယ်။ စင်ကာပူအပြန်ကားကို Berjaya Times Square က စီးမယ့်ကားကို ရွေးဝယ်ထားတာမို့ အဲဒိကို သွားရမှာပါ။ ရထားနဲ့သွားဖို့ ဆုံးဖြတ်ပြီး ဟိုတယ် အနားမှာရှိတဲ့ Masjid Jamek ဘူတာကနေ Hang Tuah ဘူတာ၊ အဲဒိကမှ Imbi ဘူတာကို စီးကြပါတယ်။ စုစုပေါင်း ၃ ဘူတာပဲ စီးရပါတယ်။

ပန်းကန်ထဲ ကြိုက်တဲ့ထမင်းဟင်း ကြိုက်သလောက်ထည့်ပြီး ကောင်တာမှာ ရှင်းရတာပါ

ဘယ်လောက်ထည့်သလဲဆို ဘောင်ချာသာကြည့်ပါတော့

Berjaya Times Square က အရမ်းစည်တဲ့ ရှော့ပင်မောလ်ပါ။ နေ့လည်စာကို အဲဒိထဲက Taste of Asia food court က မလေးစာ ၀ယ်စားပါတယ်။ အရင်ဆုံး ရှေ့ကောင်တာကနေ ကဒ်ဝယ်ပြီး ပိုက်ဆံ အရင်ဖြည့်ရပါတယ်။ အပြန် ကဒ်ပြန်ပေးတော့ ကဒ်ထဲက ပိုတဲ့ပိုက်ဆံ ပြန်အမ်းပါတယ်။


Berjaya Times Square

Star Mart Express ကားဂိတ်

Imbi ဘူတာအနီး

စားသောက်ပြီး ရှော့ပင်းမောလ်ထဲ ကားစီးချိန်မရောက်မချင်း လည်ကြပါတယ်။  ကားဂိတ်က မောလ်ရှေ့အပြင်မှာ ရုံလေးတွေနဲ့ပါ။ ကားလက်မှတ်ဖြတ်ကတည်းက ခုံနံပါတ် ပါပြီးသားမို့ စိတ်မပူရပေမယ့် ကားဂိတ်ကို ကိုယ်ရောက်ပြီဆိုတဲ့အကြောင်း စောစောစီးစီး အကြောင်းကြားဖြစ်ပါတယ်။ အဲဒိအချိန်ကျမှ သူတို့က စီးရမယ့်ကားရဲ့ နံပါတ်ကို ပြောတာပါ။ ကားပေါ်ရောက်တာနဲ့ နှစ်ယောက်သား ခရီးစဉ် တစ်ခု အောင်အောင်မြင်မြင် ပျော်ပျော်ရွှင်ရွှင် ပြီးဆုံးသွားတဲ့ အထိမ်းအမှတ်နဲ့ စိတ်ချလက်ချ စအိပ်ပါတော့တယ်။


Weekend getaway to Kuala Lumpur - Intro
Weekend getaway to Kuala Lumpur - Day 1
Weekend getaway to Kuala Lumpur - Day 2

Hello Saigon - Day 1 : Sightseeing in Ho Chi Minh City

ဖေဖော်ဝါရီ ၂၀၁၇။ စင်ကာပူ- ဟိုချီမင်း (ဆိုင်ဂုံ)။ ချန်ဂီလေဆိပ်ရောက်ရောက်ချင်း ကြိုတင် booking လုပ်ထားတဲ့ wifi router ကို changi recommend...