ဆန်းဆန်းတင့် (၁) ၊ ကြွက်ကလေးနဲ့ ကိုယ်




ကိုယ်ဟာ ဆန်းဆန်းတင့်သူတစ်ယောက်ပါ။

အဲဒိအကြောင်းနဲ့ ပတ်သတ်လို့ အရင်ကတော့ ပေါ့ပေါ့ဆဆပါပဲ။ တဖြည်းဖြည်း ပျော်ရွှင်မှုတွေ နည်းနည်းလာတာကို အသက်ကြီးလာတဲ့ လက္ခဏာလို့ ထင်ယောင်ထင်မှား ဖြစ်ခဲ့ပါသေးတယ်။ နောက် သတိထားမိတဲ့အချိန်မှာတော့ ကိုယ်ဆန်းဆန်းတင့်တဲ့ အရာတွေ တနေ့တခြား များများလာလို့ ပျော်ရွှင်မှုတွေ ပါးပါးသွားတယ်လို့ (လက်မခံချင်ဘဲ) လက်ခံလိုက်ရပါတယ်။

ဆန်းဆန်းတင့်ဆိုတာ ဘာလဲလို့ မင်း ဇဝေဇ၀ါ ဖြစ်နေရင်တော့ ရှင်းပြဖို့တာဝန်ကိုယ့်မှာ ရှိလာပြီ။အင်္ဂလိပ်လိုကွာ sensitive လို့ပေါင်းတယ်။ အသံထွက်ကို ဗမာပီပီ ဆန်းဆန်းတင့်လို့ပဲ ကိုယ်ခေါ်လိုက်တယ်။ မရယ်နဲ့လေ၊ မှတ်ရလွယ်သွားတယ်မလား။အဓိပ္ပာယ်ကတော့  အနာပေါ်တုတ်ကျသော၊ ဆတ်ဆတ်ထိမခံသော၊ စိတ်ထိခိုက်လွယ်သောလို့ အဘိဓာန်တွေက ပြန်တာတော့ ဖတ်ဖူးတာပဲ။ကိုယ်ကတော့ နဲနဲမှ အတိမ်းအစောင်းမခံတတ်ဘဲ ခံစားတတ်သောလို့ ကိုယ့်ဘာသာ ဘာသာပြန်လိုက်တယ်။ဘာလို့လဲဆိုတော့ ကိုယ့်ဆန်းဆန်းတင့် က အဲသလိုဖြစ်နေတာကိုး။ ဒီအဓိပ္ပာယ်တွေကို မကျေနပ်သေးရင်တော့ ကိုယ့်အင်္ဂလိပ်ဆရာမလေးဆီ မေးပေးမယ်နော်။သူက စကားလုံးအတိအကျ ကောင်းကောင်း ဘာသာပြန်တတ်တယ်။ ခုတော့ ကိုယ်ဘာတွေ ဆန်းဆန်းတင့်လဲ မင်းသိချင်နေမလားလို့ ဆက်ပြောမယ်လေ။

ပထမဆုံးကွာ ကိုယ် သတိထားမိတာ ကွန်ပျူတာမောက်စ်တွေ အပေါ်မှာ ဆန်းဆန်းတင့်တာပဲ။ ဟိုးအရင်က မောက်စ်တွေက ခုခေတ်လို optical တွေ မဟုတ်သေးတော့  အောက်မှာ ဘောလုံးလို အလုံးလေးနဲ့မလား။ အဲဒိ အလုံးလေးနဲ့မှ လှိမ့်ပြီး မောက်စ်က ရွှေ့လို့ရတာလေ။ မောက်စ်သုံးနေရင်း ရွှေ့ရတာ နဲနဲထစ်နေရင် အဲဒိအလုံးလေးမှာ ချေးတွေကပ်နေတယ်ဆိုပြီး အဖုံးလေးကိုဖွင့် အလုံးလေးကို တစ်ရှူးနဲ့ သုတ်တော့တာပဲ။ ပထမတော့ ချေးတွေက တကယ်ကပ်နေတာပါ။ အဲဒိတော့ သန့်ရှင်းရေးလုပ်ပြီးခါစ မောက်စ်က လျှောကနဲ လျှောကနဲ ရွေ့တော့တာပေါ့။ ကိုယ် အရမ်းပျော်တာပေါ့လေ။ အဲဒိကစ နောက်တော့ တစ်နေ့တာ ကွန်ပျူတာ မသုံးခင် မောက်စ်ကလေးကို အမြဲ သန့်ရှင်းရေးလုပ်ပြီးမှ သုံးဖြစ်တဲ့ အကျင့်ပါသွားတယ်။ မောက်စ်ကို ရွှေ့ရင် အမြဲချောမွတ်နေတာကို သဘောကျတဲ့သူ တစ်ယောက် ဖြစ်မှန်းမသိ ဖြစ်သွားတော့ပါပဲ။

အဲဒိထိတော့ ကိစ္စမရှိသေးဘူး ထင်ရတာပေါ့လေ၊ ဒါပေမယ့် ပြသနာက သူများ ကွန်ပျူတာကို အကြောင်းတစ်ခုခုနဲ့ ကိုင်ဖြစ်လို့ မောက်စ်ပေါ်လက်တင်လိုက်တာနဲ့ ကိုယ့်မောက်စ်လောက် ချောမွေ့မှုမရှိဘူးဆိုတဲ့ အသိက ရပြီးပြီ။ စိတ်က မသိလိုက်ခင်မှာပဲ မောက်စ်ရဲ့နောက်ကျောက အဖုံးကိုဖွင့်၊ အထဲက အလုံးလေးကို ပါလာတဲ့ တစ်ရှူးနဲ့ သုတ်လိုက်ပြီးသွားပြီ။ တစ်ချို့တွေက သန့်ရှင်းရေးလုပ်ဖို့ မသိတာလား၊ စေးကပ်ကပ် ရွှေ့ရတာကိုပဲ ဘယ်လိုမှ မခံစားရတာလား မသိ။ သူတို့ သုံးနေတဲ့ မောက်စ်ကို ဖွင့်လိုက်ရင် အလုံးလေးမှာ ချေးတွေ အထပ်ထပ် ထူနေတာများ မြင်မကောင်းဘူး။ အဲလို ချေးအထူကြီးကို တစ်ရှူးလေးနဲ့ သန့်ရှင်းရေး လုပ်လိုက်ရရင် ကိုယ့်ပီတိက အရမ်းကို ချိုမြိန်သွားတာကလား။ သူများမောက်စ်တွေ၊ ကိုယ့်မောက်စ်တွေ ခွဲခြားမနေပါဘူးလေ။ ကိုယ့်မျက်နှာလည်း အရမ်းကို ပြုံးနေမယ်ထင်ရဲ့။ အဖုံးလေးကို  အံကျအောင် ခွက်ကနဲ ပြန်ပိတ်ပြီး နဲနဲလောက် ရွှေ့ပြရင်း တွေ့လား မောက်စ်ကလေး အရမ်းချောမွတ်သွားပြီ ဒီမှာ ရွှေ့ကြည့်ပါဦးလို့ မောက်စ်ပိုင်ရှင်မျက်နှာကို မော့မကြည့်ဘဲ စမ်းခိုင်းသေးတာ။

တစ်ချို့တွေကလည်း အားတုံ့အားနာနဲ့ ဟုတ်ပါ့၊ သန်ရှင်းရေးမလုပ်ဖြစ်တာ တော်တော်ကြာပြီလို့ ရှက်ကိုးရှက်ကန်းသံဝဲ၀ဲနဲ့ ပြောကြတာပေါ့လေ။ တစ်ချို့တွေကကျ သိပ်တော့လည်း ထူးမသွားပါဘူး လို့ အင်တင်တင် အသံနဲ့ ပြန်ပြောကြတာပေါ့။ ဒါပေမယ့် ကိုယ်ကတော့ အဲဒိအသံတွေ မကြားတော့ပါဘူး။ ရှောကနဲ ရှောကနဲ ပြေးနေတဲ့ မောက်စ်ကလေးဆီမှာ ကိုယ့်အာရုံတွေ ကိုယ်ပီတိတွေ က နစ်ဝင်နေပြီလေ။

အဲဒိအကျင့်က ကိုယ့်ပတ်ဝန်းကျင်က လူတွေ အားလုံးသိတဲ့အထိ ကျယ်ပြန့်လာတယ်။ တစ်ချို့တွေကျလည်း  ငါ့မောက်စ်ကလေး ရွှေ့တာ သိပ်မသွားဘူး၊ နင်လုပ်သလို လုပ်ဖို့လည်း အဖုံးက မဖွင့်တတ်ဘူး ဆိုပြီး လက်ထဲအရောက် သန့်ရှင်းရေး လုပ်ခိုင်းသူတွေလည်း ရှိလာတာပေါ့။ သူတို့မျက်နှာတွေ ပြုံးနေတာကိုတော့ ကိုယ် မမြင်ချင်ယောင်ဆောင်လိုက်ပါတယ်လေ။ ရွှေ့ရတာ တုံ့ဆိုင်းနေဟန် ရှိတဲ့ မောက်စ်ကလေးတွေကို ကိုယ်မမြင်ရက်၊ မမြင်နိုင်ဘူးမလား။

ကိုယ်နဲ့ လုံးဝမသက်ဆိုင်တဲ့ နေရာက မောက်စ်တွေကိုတော့ သန့်ရှင်းရေး လုပ်ပေးဖို့ မတတ်နိုင်ဘူးပေါ့။ ထစ်နေပုံရတဲ့ မောက်စ်ကို  တစ်ယောက်ယောက်ကများ ပင်ပင်ပန်းပန်း ရွှေ့နေတာ မြင်ရရင် အနားသွားပြီး မောက်စ်ရဲ့ ဘောလုံးလေးကို သန့်ရှင်းရေး လုပ်ပေးချင်စိတ်တွေ၊ ဒီလိုသန့်ရှင်းရေးလုပ်လိုက်ရင် ရွှေ့လို့အရမ်းကောင်းသွားမှာလို့ ပြောပြချင်စိတ်တွေ မထိန်းနိုင် မသိမ်းနိုင် တဖွားဖွားပေါ်လာတော့တာပါပဲ။ လုပ်ချင်တာ မလုပ်ရလို့ အတင်းထိန်းချုပ်ထားရတဲ့စိတ်ဟာ ဘယ်လောက်ပင်ပန်းလဲ မင်းသိတယ်မလား။ အဲဒါပဲလေ မောက်စ်တစ်လုံးအပေါ်မှာ ဆန်းဆန်းတင့်ရာက စတဲ့ စိတ်တွေ၊ ပျော်ရွှင်မှုအချို့ကို ပါးလျားစေတယ်ဆိုတာ မင်းတွေ့ပြီနော်။

အခု မောက်စ်တွေက optical တွေ၊ laser တွေ ဖြစ်ကုန်ပြီ၊ ဘောလုံးလေးလည်းမရှိတော့ သန့်ရှင်းစရာလည်း မလိုတော့ ဘူးမလား၊ ဒါဆို  ကိုယ့်ဆန်းဆန်းတင့်ကြီး မရှိတော့ဘူးမလားလို့ မင်းမေးလိုက်တာလား။ မင်းပြောတာ တစ်ဝက်တော့မှန်တယ်၊ ဘောလုံးလေးတော့ မရှိဘူး၊ ဒါပေမယ့် မောက်စ်တစ်ခုရဲ့ အောက်ခြေမှာ ကြမ်းပြင်နဲ့ အနည်းငယ်လွတ်အောင် ခုထားတဲ့ အခုလေးတွေ ရှိသေးတယ်လေ။ သုံးတာကြာရင် အဲဒါလေးတွေမှာလည်း ချေးလေးတွေ တက်လာပြီး မောက်စ်ရဲ့ ရွေ့လျားမှုကို အနှောက်အယှက်ဖြစ်စေနိုင်တာပဲ။ ကိုယ်ကတော့ အခုချိန်ထိ အဲဒါလေးတွေ သတိထား သုတ်နေတုန်း။  မရယ်နဲ့လေ။ အစကတည်းက ပြောထားသားပဲ။ ကိုယ်ဟာ ဆန်းဆန်းးတင့်သူ တစ်ယောက်ပါလို့။ 

ခုနက မင်းပြောတာ ကိုယ် ထောက်ခံပါတယ်။ အသက်တွေကြီးလာပြီ၊ ဆန်းဆန်းတင့်တာတွေ လျှော့မှ လောကကြီးက နေပျော်မယ်ဆိုတာကို ကိုယ်လည်း သတိထားမိတာပေါ့။ မောက်စ်အပေါ်မှာ ဆန်းဆန်းတင့်နေတာ ကို လျှော့ချသင့်တယ်လို့ ကိုယ့်ကိုယ်ကို သတိပေးပြီး နောက်ဆုံးအကြိမ် ကွန်ပျူတာဝယ်တော့ touch screen ပါတဲ့ ကွန်ပျူတာ ၀ယ်လိုက်တယ်လေ။ မောက်စ်နဲ့ လုပ်ရမယ့် အလုပ်မှန်သမျှကို မော်နီတာပေါ်မှာ လက်ညှိုးတစ်ချောင်းနဲ့ လုပ်ကြည့်တာပေါ့။ ဒါပေမယ့် ကွန်ပျူတာ ဆိုတဲ့အရာဟာ မောက်စ်မပါရင် ဆံပင်မရှိတဲ့ မိန်းမပျိုလေးလို တင့်တယ်မှုမရှိတာ အဲဒိကျမှ သိတော့တာပဲ။ ကိုယ့်ကိုယ်ပိုင်လက်ကို မောက်စ်ဆိုတဲ့ လုံးလုံးခုံးခုံး အရာဝတ္ထုလေးလောက် ယုံကြည်မှုမရှိတော့ဘူးလေ။ နောက်ဆုံးတော့ ခပ်မြန်မြန် မောက်စ်တစ်လုံး ၀ယ်လိုက်ရတာပဲဟေ့။ 

ကဲ ကွာ၊ နောက်တော့ ကိုယ်ဆန်းဆန်းတင့်တဲ့ တခြားအကြောင်းအရာတွေ ထပ်ပြောပြပါဦးမယ်။ ခုတော့ မောက်စ်ကလေး သန့်ရှင်းရေးလုပ်လိုက်ဦးမယ်ကွာ။

ကိုယ်ဟာ ဆန်းဆန်းတင့်သူတစ်ယောက်ပါ။

ငြိမ်းမိန်းကလေး
၂၇-၀၂-၂၀၁၈

1 comment:

  1. ငြိမ်းပိုစ့်ဖတ်ပြီး မောက်စ်ကလေးကိုလှန်ကြည့်မိသေးတယ်...။ ငယ်ငယ်တုန်းက တို့လည်း မောက်စ် သန့်ရှင်းရေးလုပ်နေကျ ။

    ReplyDelete

ဆန်းဆန်းတင့် (၁) ၊ ကြွက်ကလေးနဲ့ ကိုယ်

ကိုယ်ဟာ ဆန်းဆန်းတင့်သူတစ်ယောက်ပါ။ အဲဒိအကြောင်းနဲ့ ပတ်သတ်လို့ အရင်ကတော့ ပေါ့ပေါ့ဆဆပါပဲ။ တဖြည်းဖြည်း ပျော်ရွှင်မှုတွေ နည်းနည်းလာတာက...