ပန်းမြို့တော်သို့ ခြေလှမ်းသုံးဆယ် - Day 1 (မနက်ပိုင်း)

ပြည်ချစ်ဘုရား၊ ပိတ်ချင်းမြောင်၊ ဒီဇင်ဘာခြံ

မနက် ၆ နာရီခွဲခန့် ဟိုတယ်ကို check-in ၀င်ပြီးပြီးချင်း နေရမယ့် ဘန်ဂလို အခန်းကို ဧည့်ကြိုကောင်လေးများက လိုက်ပို့ပေးတယ်။ ဒီဟိုတယ်က ၀န်ထမ်းတွေက တော်တော်လေး ချိုချိုသာသာ ဖော်ဖေ်ာရွေရွေ ရှိကြပါတယ်။ ကိုယ့်ကို ၀န်ဆောင်မှုပေးတာ မဟုတ်တဲ့ တခြားဝန်ထမ်းတွေကတောင် လမ်းမှာ ရှောင်သွားရင်း ပြုံးပြနုတ်ဆက်တတ်ကြပါတယ်။ ဘန်ဂလိုက ဘေးကပ်ရက် ၂ လုံးပဲ ရှိပြီး တိတ်တိတ်ဆိတ်ဆိတ် ရှိလှပါတယ်။  အခန်းက သပ်သပ်ရပ်ရပ်နဲ့ တော်တော်ကောင်းပါတယ်။ Bathtub လည်းပါတယ်၊ ရေပူရေအေးလည်း ကောင်းပါတယ်။ ရေနွေးတည်တဲ့ အိုးအပြင် ရေနွေးဓာတ်ဗူးပါ ချပေးထားပါတယ်။ လက်ဘက်ခြောက်ထုပ်ကလေးပါ ထားထားတာ တွေ့ရတော့ ရေလည်သဘောတွေကျသွားတယ်။ အခန်းထဲမှာ အဲကွန်းမရှိပါဘူး။ ဒါပေမယ့် အဲဒိမနက် အပူချိန်က ၈ ဒီဂရီလောက် ရှိတာဆိုတော့ အခန်းထဲမှာ နေရင်းကို ချမ်းစိမ့်နေတာပါပဲ။ အခန်းက အစစအရာရာ အဆင်ပြေပေမယ့် သူ့ အားနည်းချက်လေး နှစ်ခု ရှိပါတယ်။ တစ်ခုက ရေချိုးခန်း တံခါးပါ၊ ပိတ်ရင်ဖွင့်ရင် ကျွီကျွီနဲ့ မြည်ပါတယ်။ နောက်တစ်ခုက အ၀တ်ဗီရိုတံခါးပါ။ သူက ပိုဆိုးပါတယ်။ ဖွင့်လိုက် ပိတ်လိုက်တိုင်း ကျွီကျွီနဲ့ မြည်သံက တော်တော်ကျယ်ပြီး တော်တော်စိတ်အနှောက်အယှက်ပေးပါတယ်။ ဗီရိုကိုတော့ မသုံးတော့ဘဲ နေခဲ့ပေမယ့် ရေချိုးခန်းတံခါးကတော့ ရှောင်လွှဲလို့မရလို့ သည်းခံလိုက်ပါတယ်။

ကိုယ်က အခန်းစစ်နေတုန်း အမျိုးသားက ကားငှားဖို့ လုပ်ပါတယ်။ တစ်နေကုန်လည်ရင် (မနက် ၈ နာရီကနေ ညနေ ၆ နာရီထိ) ကို ၄ သောင်း နဲ့ ကားတစ်စီးဟိုတယ်ကို လာကြိုခိုင်းလိုက်ပါတယ်။ ကားသမားကို မနက်စာစားဖို့ ရှမ်းခေါက်ဆွဲရတဲ့ ဆိုင်တစ်ဆိုင် ပို့ပေးဖို့ ပြောပြီး ပြင်ဦးလွင်ရဲ့  ပထမဆုံး မနက်စာကို သူ့လက်ထဲ အပ်လိုက်ပါတယ်။ ကားသမားက စကားတော်တော်နည်းပါတယ်။ အေးတဲ့ပုံပါပဲ။ ဘာကောင်းတယ်၊ ဘာဆိုးတယ်ဆိုတာလည်း တစ်လုံးတစ်ပါဒမျှ ၀င်ရောက်ပြောဆိုခြင်း မပြုပါဘူး။

သူပို့တဲ့ဆိုင်လေးက အေးအေးဆေးဆေး သပ်သပ်ရပ်ရပ်လေးပါ။ ဒေသခံတွေ ဟင်းချိုထဲကို ၀က်ခေါက်ကြော်ထုပ်ကို ဖောက်ထည့်ပြီးမှ ဟင်းချိုသောက်တာ တွေ့ခဲ့ရတယ်။ ကိုယ်တွေလည်း လိုက်စားကြည့်တော့ ကောင်းသားပဲ ဖြစ်သွားတယ်။ ပထမဆုံး မှတ်မှတ်ရရ စားဖြစ်တဲ့ ဆန်စီး စားစားချင်း ကြိုက်သွားလို့ နောက်နေ့တွေလည်း အစီး၊ အစီး နဲ့ကို ဖြစ်သွားမိတာပါပဲ။ အစားမက်တဲ့ ကိုယ့်ကို ဆန်စီး အရည်ဖျော်တစ်ပွဲနဲ့ပဲ ပြင်ဦးလွင်က သူ့ဘက်ဆွဲခေါ်သွားနိုင်ပါပြီ။

ရှမ်းခေါက်ဆွဲ (အစီး) အရည်ဖျော် (တစ်ပွဲ ၁၀၀၀ ကျပ်)

မုန့်တီသုပ် (တစ်ပွဲ ၁၀၀၀ ကျပ်)

မဟာ အံ့ထူးကံသာဘုရား

ဗိုက်ပြည့်သွားတော့ ဘုရားဖူးကြပါတယ်။ ပြင်ဦးလွင်ရဲ့ နာမည်ကျော် မဟာအံ့ထူးကံသာဘုရား (ပြည်ချစ်) ဘုရားပါ။ နောက်မှာ ဘုရားရာဇ၀င်လေး ရေးထားတာတွေ့တယ်။ သေသေချာချာတော့ ဖတ်ခဲ့တာပါပဲ။ အခုပြန်မေးရင် တစ်လုံးမှ အစမဖော်နိုင်တော့ပါဘူး။ ကိုယ်မှတ်ညဏ်တွေ တစ်နေ့တစ်ခြားလျော့လာတာ သိသာလွန်းနေပါပြီ။

ဘုရားဖူးကြပါဦး

ဘုရားကုန်းပေါ်ကနေ လှမ်းမြင်ရတဲ့ လွင်ပြင်

ပြည်ချစ်ဘုရားကနေ ပိတ်ချင်းမြှောင်ဂူသွားတာတော့ နဲနဲ အချိန်ကြာပါတယ်။ လမ်းတစ်လျှောက် နေကြာရိုင်း ၀ါဝါလေးတွေက ဆင်းပြီးကို ခူးချင်စရာ ကောင်းပါတယ်။ ကားသမားက ကြိုးတံတားလေးကို ပတ်ကွေ့ ပြီး ဘုရားရှေ့ ကားပတ်ကင်ထိသွားရပ်ပါတယ်။ ဘယ်ရမလဲ အပြန်ကျ ကားသမားကို ကြိုးတံတားလေး လျှောက်ချင်လို့ ဟိုဘက် က စောင့်ပေးပါလို့ တောင်းဆိုခဲ့တယ်။

ပိတ်ချင်းမြောင် ဆိုင်းဘုတ်နဲ့ (လူပုံကိုတော့ သည်းခံကြည့်ကြပါကုန်)

လှိုဏ်ဂူ ၀င်းအတွင်း အ၀င်ဝ ကြိုးတံတား

ဒီရေပေါ်မှာ ကြိုးတံတားဆောက်ထားတာ

ပိတ်ချင်းမြောင် လှိုဏ်ဂူ 

လှိုဏ်ဂူ အ၀နားရှိ ဂေါတမမြတ်စွာဘုရား သုမေဓာရှင်ရသေ့ဘ၀ ဘုရားဆုပန်ပုံ ရုပ်တု

ပိတ်ချင်းမြောင် လှိုဏ်ဂူတွင်း တစ်နေရာ

ပိတ်ချင်းမြောင် လှိုဏ်ဂူတွင်း တစ်နေရာ

ပိတ်ချင်းမြောင် လှိုဏ်ဂူတွင်း တစ်နေရာ

ပိတ်ချင်းမြောင် လှိုဏ်ဂူတွင်း တစ်နေရာ

ပိတ်ချင်းမြောင် လှိုဏ်ဂူတွင်း တစ်နေရာ

ပိတ်ချင်းမြောင် လှိုဏ်ဂူတွင်း တစ်နေရာ

ပိတ်ချင်းမြောင် လှိုဏ်ဂူတွင်း မှ ကျောက်ပန်းဆွဲများ 

(တကယ်ဆို ကိုယ်အဲဒိပုံကို ကြည့်တိုင်း ဘာမှန်းမသိ အသဲယားပြီး နေလို့မကောင်းပါ၊ အမှတ်တရမို့သာ တင်လိုက်ခြင်းဖြစ်ပါတယ်။)

နေ့လည်စာကို ပိတ်ချင်းမြောင်က အပြန် ပွဲကောက်ရေတံခွန်မရောက်ခင် လမ်းမှာ ရှိတဲ့ ဒီဇင်ဘာ စားဥယျာဉ်မှာ ၀င်စားခဲ့ပါတယ်။ ဘာစားခဲ့သလဲ မမေးပါနဲ့။ အစမှာကတည်းက ဆန်စီးနဲ့ သံယောဇဉ်တွေ စခဲ့ပြီမဟုတ်လား။ အဲဒိခြံက နွားနို့လည်း ကောင်းပါတယ်။ နေ့လည်ခင်းဆိုတော့ ပိုကြိုက်မိတာက စတော်ဘယ်ရီ ဒိန်ချဉ်ပါ။

ဒီဇင်ဘာခြံအ၀င်ဝ

ဒီဇင်ဘာခြံထဲက စိုက်ခင်း

ဒီဇင်ဘာခြံ စားသောက်ဆိုင်

ဒီဇင်ဘာခြံထဲမှ နွားမွေးမြူရေး

ဒီဇင်ဘာခြံ စားဥယျဉ်

ဒီဇင်ဘာခြံမှ စတော်ဘယ်ရီ ဒိန်ချဉ် 

ပန်းမြို့တော်သို့ ခြေလှမ်းသုံးဆယ် - နိဒါန်း
ပန်းမြို့တော်သို့ ခြေလှမ်းသုံးဆယ် - Day 1 (မနက်ပိုင်း)
ပန်းမြို့တော်သို့ ခြေလှမ်းသုံးဆယ် - Day 1 (နေ့လည်ပိုင်း)
ပန်းမြို့တော်သို့ ခြေလှမ်းသုံးဆယ် - Day 2
ပန်းမြို့တော်သို့ ခြေလှမ်းသုံးဆယ် - Day 3

ပန်းမြို့တော်သို့ ခြေလှမ်းသုံးဆယ် - နိဒါန်း

မေမြို့ ၊ ပန်းမြို့တော်၊ တောင်လှေကားမြို့၊ ပြင်ဦးလွင်။

ဘယ်လိုတွေခေါ်ခေါ် နွေရာသီမှာ သွားရောက်အနားယူစရာ မြို့လို့ သိထားကြတဲ့ မြို့လေး။

မရောက်တာ ကြာလို့ သွားမယ်ဆိုတော့ စင်ကာပူကတည်းက ဟိုတယ် ဘွတ်ကင်လှမ်းလုပ်ပါတယ်။

HOTEL

ဟိုတယ်က ရွိုင်ရယ်လ် ဂရင်း (Royal Green) ဟိုတယ်။  ဟိုတယ်က ခပ်သေးသေးပါ။ ရှေ့မှာ reception ပါရှိတဲ့ နှစ်ထပ်တိုက်တစ်လုံးနဲ့ ခြံနောက်မှာ ဘန်ဂလို နှစ်လုံးတွဲလျက်ပဲ ရှိတာပါ။ စုစုပေါင်းအခန်း ၂၀ ရှိတယ်လို့ သိရပါတယ်။ နှစ်ထပ်တိုက်ပေါ်က အခန်းတွေက နှစ်ယောက်ခန်းတစ်ခန်း တစ်ရက်ကို ၃သောင်းခွဲလို့ သိရပြီး ဘန်ဂလိုကတော့ တစ်ခန်းကို ၄ သောင်းခွဲပါ။ မနက်စာ ကျွေးတယ်။ ၀ိုင်ဖိုင်လည်း ရှိပါတယ်။ ဘန်ဂလိုကိုပဲ နှစ်ရက်စာ ဖုန်းဆက်ပြီး ဘွတ်ကင် လှမ်းလုပ်တာ စရန်ငွေတောင် မပေးရပါဘူး။ ဟိုတယ်က 3 stars လို့သိရပါတယ်။

ဟိုတယ်ဝင်ပေါက်

ကိုယ်တွေ နေခဲ့တဲ့ ၂ ရက် (ဒီဇင်ဘာ ၂၂ နှင့် ၂၃၊  ၂၀၁၅) အတွေ့အကြုံအရဆို တော်တော်ကောင်းပါတယ်။ သန့်ရှင်းတယ်၊ ၀န်ထမ်းတွေ အမြဲ တက်တက်ကြွကြွ ပြုံးပြုံးရွှင်ရွှင်နဲ့ ဘာလိုသလဲ တစ်ချိန်လုံးမေးကြပါတယ်။ မနက်စာ ဘူဖေးကျွေးတယ်။ အမျိုးအမယ်တွေ အများကြီးတော့ မဟုတ်ပါဘူး။ ထုံးစံ ကော်ဖီ၊ ပေါင်မုန့်ထောပတ်သုပ်၊ ထမင်းကြော်၊ ကော်ပြန့်ကြော်၊ ကြက်ဥကြော် စသည်တို့ပါ။ ပြင်ဦးလွင်ကိုရောက်သွားတာ မနက် ၆ နာရီခန့်ကို တစ်ခါတည်း check-in ပေးဝင်ပါတယ်။ အခန်းက အရင်လူမရှိလို့လည်း နေမှာပါ။

ဟိုတယ်ကနေ တက်စီ၊ တုတ်တုတ်၊ ဆိုင်ကယ် ငှားချင်ရင် reception မှာ မေးပြီး ငှားနိုင်ပါတယ်။ လာတဲ့နေ့က ကားဂိတ်ကနေ ဟိုတယ်ကို တက်စီနဲ့ လာကြိုဖို့ ဘွတ်ကင်လုပ်ကတည်းက ကြိုပြောထားခဲ့ပါတယ်။ ကားကြီးဝင်းကနေ ဟိုတယ်ကို ၅ ထောင်ကျပ် ကျပါတယ်။ လမ်းမှာပဲ အဲဒိ တက်စီသမားကို ကားငှားလည်တဲ့ဈေးနှုန်းမေးပြီး လည်နိုင်ပတ်နိုင်ပါတယ်။ ဆိုင်ကယ်ကတော့ တစ်နာရီကို ၃၀၀၀ ကျပ်၊ နှစ်နာရီကို ၅၀၀၀ နဲ့ နှစ်နာရီငှားပြီး လျှောက်လည်ခဲ့ပါတယ်။ အပြန် ဟိုတယ်ကနေ ကားကြီးဝင်းကို တုတ်တုတ် ငှားတာ ၃၀၀၀ ကျပ် ကျပါတယ်။

ဟိုတယ်က ပြင်ဦးလွင်ဈေးကြီးကနေ လမ်းလျှောက်ရင် ၁၅ မိနစ်ခန့်ကြာပါတယ်။ နှစ်ညနေလုံး ညဈေးကနေ ဟိုတယ်ကို လမ်းလျှောက်ပြန်ခဲ့ပါတယ်။ ဟိုတယ်ကနေ ကန်တော်ကြီးကို လမ်းလျှောက်ရင် ၄၅ မိနစ်ခန့် ကြာပါတယ်။ တစ်ခုပါပဲ ပြင်ဦးလွင်မှာ ညနေ ၆ နာရီဟာ တော်တော်ကို မှောင်နေပါပြီ။ ဆောင်းတွင်းနေ၀င်စောတာကြောင့်လည်း ဖြစ်နိုင်ပါတယ်။

ပြန်မယ့်နေ့ကို အနီးစခန်း ရေတံခွန်သွားလည်မှာ ဘယ်အချိန် ပြန်ရောက်မယ် မမှန်းတတ်လို့ တစ်ခါတည်း မနက်အစောကြီးကတည်းက ချက်အောက် (check-out) လုပ်ခဲ့ပါတယ်။ ပစ္စည်းတွေကို ဟိုတယ် reception မှာ အပ်ခဲ့ပြီး နေ့လည် စောစောပြန်ရောက်လာတော့ ကားကြီးဝင်းမသွားခင် ဟိုတယ် lobby မှာပဲ အေးအေးဆေးဆေး ထိုင်စောင့်နေခဲ့ပါတယ်။

reception 

reception 

ဟိုတယ်လိပ်စာ

ရွိုင်ရယ်လ် ဂရင်းဟိုတယ်
အမှတ် ၁၇၊ ဇီဝကလမ်း (ပြည်တော်သာ ၁ လမ်းထိပ်) ၊ ပြင်ဦးလွင်၊ မြန်မာ
ဖုန်း +၉၅ ၈၅၂၈ ၄၁၁

Royal Green Hotel
No. 17, Corner of Ziwaka Road and Pyitawthar 1st street, Pyin Oo Lwin 11722, Myanmar (Burma)
Phone +95 85 28 411

Customer Service : 5 / 5
Food  : 3.5 / 5
Location  : 4 / 5
Price  : 4 / 5
Room  : 3.5 / 5


EXPRESS BUS

ရန်ကုန်-ပြင်ဦးလွင်  ကားလက်မှတ်ကိုလည်း ရန်ကုန်အိမ်က သွားစုံစမ်း၊ ၀ယ်ပေးထားပါတယ်။ ထူးခြားတာက ၁ ပတ်လာက်ကြိုဝယ်တာ လက်မခံပါဘူး။ ၃ ရက်လောက်နေမှ လာခဲ့ပါဆိုပဲ။ ကားမသေချာသေးလို့လားတော့မသိ။ အောင်ဆန်းကွင်းက ခိုင်မန္တလေးကားဂိတ်မှာ ၀ယ်တာပါ။ လူတစ်ယောက်ကို အသွား ၂သောင်း ၃ ထောင် (၂၃၀၀၀) ကျပ်၊ အပြန် ၂၃၀၀၀ ကျပ် ကျပါတယ်။ မြောက်ဥက္ကလာ အောင်မင်္ဂလာကားကြီးဝင်းမှာ သွားစီးရပါတယ်။ ညနေ ၈ နာရီထွက်တာ ပြင်ဦးလွင်ကို နောက်နေ့ မနက် ၆ နာရီခန့်မှာ ရောက်ပါတယ်။

ကားက ကောင်းပါတယ်။ ၃ ယောက်တစ်တန်းဖြစ်ပြီး နှစ်ယောက်ခုံ တစ်ခြမ်း တစ်ယောက်ခုံ တစ်ခြမ်းပါ။ တစ်ယောက်ကို တီဗွီတစ်လုံးစီနဲ့ နားကြပ်ပေးထားပြီး မြန်မာရုပ်ရှင်၊ အင်္ဂလိပ်ရုပ်ရှင် မြန်မာစာတန်းထိုး အင်္ဂလိပ်စာတန်းထိုး၊ သီချင်း၊ သတင်း စုံလင်စွာ ထည့်ထားပါတယ်။ ကားထဲက အဲကွန်းက စစချင်း သိပ်မအေးပေမယ့် ကြာလာလေ အေးလာလေဖြစ်ပြီး သူတို့ပေးထားတဲ့ ဂွမ်းစောင်အောက်မှာ ကွေးနေရပါတယ်။ ရေသန့်ဗူးတစ်ဗူး၊ ကိတ်မုန့်၂ ခုပါ ဗူးတစ်ဗူး၊ ရေစိုတစ်ရှူး လိုက်ဝေပါတယ်။ အပေါ့အပါးသွားဖို့ လမ်း နှစ်နေရာမှာ ရပ်ပါတယ် ။

အသွားကားက အစစအရာရာ အဆင်ပြေမယ့် အပြန် ကားကတော့ အများကြီး အဆင်မပြေခဲ့ပါဘူး။ ကားသမားကားမောင်းတာ နဲနဲ ရမ်းပါတယ်။ ကိုယ်က ကားကြီးဖြစ်တာတောင် လမ်းမှာ ကားတော်တော်များများကို လိုက်ကျော်ပါတယ်။ အပြန်ကားက လူမပြည့်ပါဘူး။ ၁၀ ယောက်တောင် မပြည့်ဘူး ထင်ပါတယ်။ ကားပေါ်ရောက်ရောက်ချင်း တီဗွီက ဖွင့်လို့ရပေမယ့် ပထမတစ်ခါ နားနေစခန်းရပ်အပြီး ပြန်အတက်မှာ တီဗွီက မီးမလာတော့ပါဘူး။ ဒါပေမယ့် တစ်ကားလုံးမှာ ဒီတီဗွီကြည့်နေတာ ကိုယ်တို့နှစ်ယောက်တည်းရှိပြီး ကျန်တဲ့သူတွေ အကုန် အိပ်နေကြတာမို့ မပြောခဲ့တော့ပါဘူး။ ပြင်ဦးလွင်က ညနေ ၆ နာရီခွဲထွက်တာ ရန်ကုန် အောင်မင်္ဂလာကားကြီးဝင်းကို နောက်နေ့မနက် ၆ နာရီခန့်မှာ ရောက်ပါတယ်။

ခိုင်မန္တလေး အမြန်ကား လက်မှတ်ဝယ်ရန်
အောင်ဆန်းကွင်းတောင်ဘက်တန်း၊ဘူတာကြီးရှေ့ 
ဖုန်း - ၀၉- ၂၀၁၁၂၅၁ ၊၀၉ -၂၀၅၄၂၉၄

မြောက်ဥက္ကလာပ၊ အောင်မင်္ဂလာကားကွင်း ၊မကွေးလမ်း
ဖုန်း - ၀၉ - ၄၇၀ ၇၉၄၆၆ ၊၀၉ - ၆၈၀ ၅၁၇၉

(မှတ်ချက်။   ။ အထက်ပါ review သည် ကိုယ်ပိုင်ခံစားချက် ဖြစ်ပါသည်။ ဟိုတယ်နှင့်သော်၎င်း ကားလိုင်းနှင့်သော်၎င်း ဆက်စပ်ပတ်သတ်မှု လုံးဝမရှိပါ။)

ခရီးစဉ် Day 1 Day 2 Day 3 မနက်ပိုင်း မနက်စာ မနက်စာ (ဟိုတယ်) မနက်စာ (မောဓနု) မဟာအံထူးကံသာ ဘုရား ဂုတ်ထိပ်တံတား ဓာတ်တော်ချိုင့် ရေတံခွန် ပိတ်ချင်းမြှောင်ဂူ The View  နေ့လည် နေ့လည်စာ (ဒီဇင်ဘာခြံ) နေ့လည်စာ (ရထားပေါ်၊ ဂုတ်ထိပ်ဆိုင်) ပြင်ဦးလွင် ဈေးကြီး ပွဲကောက်ရေတံခွန် နေ့လည်စာ (ဟိုတယ်အနီး) ပြင်ဦးလွင်ဘူတာ ညနေ ကန်တော်ကြီး လမ်းလျှောက် (ဘူတာမှ ဟိုတယ်) ဆိုင်ကယ်စီး ဘုံကျောင်း ညစာ (ဟိုတယ်) ကားကြီးဝင်း ညစာ ( ည ဈေးတန်း ) ညစာ (feel)

ပန်းမြို့တော်သို့ ခြေလှမ်းသုံးဆယ် - နိဒါန်း
ပန်းမြို့တော်သို့ ခြေလှမ်းသုံးဆယ် - Day 1 (မနက်ပိုင်း)
ပန်းမြို့တော်သို့ ခြေလှမ်းသုံးဆယ် - Day 1 (နေ့လည်ပိုင်း)
ပန်းမြို့တော်သို့ ခြေလှမ်းသုံးဆယ် - Day 2
ပန်းမြို့တော်သို့ ခြေလှမ်းသုံးဆယ် - Day 3

3D2N Cameron Highlands Trip - Day 2

Day 2 မှာတော့ ဟိုတယ် မှာ ဘွတ်ကင်လုပ်ထားတဲ့ တိုးက မနက်ပိုင်းလာခေါ်မှာမို့ မနက်စာစားပြီးစောင့်ကြပါတယ်။ ကားက မီနီဗန်လေးပါ။ တခြားဟိုတယ်တစ်ခုကိုလည်း လူသွားခေါ်ရပါသေးတယ်။ အဲဒီဟိုတယ်မှာ အဖွဲ့သုံးဖွဲ့တက်ပါတယ်။ နှစ်ဖွဲ့က အဆင်သင့်စောင့်နေကြတော့ အဆင်ပြေပေမယ့် ကျန်တစ်ဖွဲ့က လေးဆယ့်ငါးမိနစ်ခန့် စောင့်ရပါတယ်။ ၁၅ မိနစ်အကြာမှာ တစ်ဖွဲ့က စုံတွဲက ကွန်ပလိန်းတက်ပေမယ့် ကားသမားကတော့ တောင်းပန်တာအပြင် ပိုမလုပ်ပေးနိုင်ပါဘူး။ နောက်ဆုံး အဖွဲ့လိုက်ထွက်လာကြတော့ တရုတ်လူငယ် မိန်းကလေး၊ ယောက်ျားလေး ၆ ယောက်ပါ။ မိန်းကလေးတွေရော ယောက်ျားလေးတွေရော ခပ်ချောချော ခပ်မိုက်မိုက်တွေပါ။ ဟေးဟေးဟားဟားနဲ့ ကားပေါ်ကို တက်လာကြပါတယ်။ သူတို့နောက်ကျတဲ့အတွက် ဘယ်သူကမှ မတောင်းပန်ပါဘူး။ ကားသမားက ကသောကမျော သူ့ထိုင်ခုံပေါ်တက်တဲ့အချိန် ခုန ကွန်ပလိန်းတက်ထားတဲ့ အတွဲက အမျိုးသားက ထပ်ပြောတဲ့အခါ တရုတ် အုပ်စုထဲက ကောင်လေးတစ်ယောက်က ဆောရီးလို့ တောင်းပန်ပြီး ကျန်တဲ့သူတွေက ဘာလဲဆိုပြီး အဲဒိအမျိုးသားကို ၀ိုင်းကြည့်ကြပါတယ်။ ဒါပေမယ့် ကားပေါ်တက်ခါစကလို အများကြီး ပွက်လောရိုက်မနေတော့ဘဲ ပုံမှန်( ဆူဆူညံညံ) နဲ့ပဲ သူတို့ဘာသူတို့ စကားဆက်ပြောနေကြပါတယ်။ သူတို့အချင်းချင်း တရုတ်လိုရော ၊ အင်္ဂလိပ်လိုရော ပြောကြပါတယ်။ ဒီလိုကိစ္စမျိုးတွေကတော့ လူအများနဲ့ ခရီးသွားတိုင်း တစ်နေရာရာ ကြုံရစမြဲပါ။

cameron highlands လက်ဖက်ခင်း

ပထမဆုံးသွားတာက BOH လက်ဖက်ခင်းတွေပါ။ တောင်ပေါ်ကို အနည်းငယ်တက်ရပါတယ်။ ဒီခရီးကို လာချင်တဲ့အကြောင်းနှစ်ခုမှာ ဒါ တစ်ခုပါ။ တစ်ခုကတော့ လဗန်ဒါရူးဆိုတော့ လဗန်ဒါ ပန်းခင်းပေါ့။ တစ်မျှော်တစ်ခေါ်ကြီး ကတ္တီပါ အစိမ်းကြီးခင်းထားသလို စိမ်းနေတဲ့ လက်ဖက်ခင်းတွေက မျက်စိအေးစေပါတယ်။ တိုးဂိုက်တစ်ဖြစ်လဲ ကားသမားကပဲ လက်ဖက်ပင်တွေအကြောင်း ရှင်းပြပါတယ်။ ကင်မရွန်းဟိုင်လန်းမှာ လက်ဖက်ခင်းတွေအများကြီး မျက်စိတစ်ဆုံးဆိုပေမယ့် တကယ်တန်း အများဆုံး ပိုင်တာက ပိုင်ရှင်နှစ်ယောက်ပဲ ရှိပါတယ်။ တစ်ယောက်က BOH လက်ဖက်စိုက်ခင်းကို ပိုင်ပြီး နောက်တစ်ယောက်က Cameron Valley စိုက်ခင်း ပိုင်ရှင်ပါ။ BOH လက်ဖက်စိုက်ခင်း က ပိုကြီးပြီး စုစုပေါင်း ဧက ၈၀၀၀ ရှိပါတယ်။ လက်ဖက်ပင်က မြေသြဇာလည်း ကျွေးဖို့မလို၊ ရေလည်း လောင်းဖို့မလိုပါဘူး။ တောင်ပေါ်ဒေသရဲ့ သဘာဝမြေ၊ အေးမြတဲ့ ရာသီဥတုက လက်ဖက်ပင်တွေကို အလိုအလျောက် ရှင်သန်စေပါတယ်။ ဒါဆို လက်ဖက်ပင် ရှင်သန်ဖို့ ဘာလုပ်ပေးရလဲဆိုတော့ လက်ဖက်ပင်တွေကို အမြင့်ကြီးဖြစ်မလာအောင် ညှပ်ပေးရတာပါ။ တကယ်လို့ မညှပ်ပေးခဲ့ဘူးဆိုရင် လက်ဖက်ပင်ဟာ ကုက္ကိုပင်လို အပင်ကြီးတစ်ပင်အဖြစ် ကြီးထွားလာပါလိမ့်မယ်။ ဒါကြောင့် လက်ဖက်ပင်တွေကို ၃ ပေခန့်အမြင့် ချုံပင်လို့ ထင်ရစေပါတယ်။ လက်ဖက်ခူးနေတဲ့ အလုပ်သမားတွေက အများအားဖြင့် ဘင်္ဂလားဒေ့်ရ်ှက လို့ သိရပါတယ်။

ကြည့်လေရာရာ လက်ဖက်ပင်များ

အဲဒိ ညှပ်နဲ့ ထိပ်ကလေးတွေကို ခူးပြီး နောက်က တောင်းထဲ ထည့်ကြတယ်

ခူးပြီးသား လက်ဖက် အိတ်

လက်ဖက်ခင်းမှ အလုပ်သမားများ

ဒီလမ်းလေးတွေကနေ ကားက ဟိုဘက်ကွေ့လိုက် ဒီဘက်ကွေ့လိုက် မြင်မြင်သမျှ လက်ဖက်ခင်းတွေချည်းပဲ

BOH လက်ဖက်ခြောက် ဘယ်လို ထုတ်လုပ်သလဲဆိုတာကို အဆင့်ဆင့် BOH စက်ရုံမှာ လေ့လာနိုင်ပါတယ်။ (မှတ်ချက်.. စက်ရုံက တနင်္လာနေ့တိုင်း ပိတ်ပါတယ်)။ ပြီးရင် စက်ရုံ ကပ်လျက်မှာ ရှိတဲံ BOH စားသောက်ဆိုင်မှာ လက်ဘက်ရည်အမျိုးမျိုး မြည်း၊ မုန့်စားရင်း ပတ်ဝန်းကျင်ရဲ့ အလှအပကို ခံစားနိုင်ပါတယ်။ ဆိုင်က လူတန်းကတော့  တကယ်ကို ရှည်ပါတယ်။ ရိုးရိုး လက်ဖက်ရည်က ရင်းရစ် ၃.၇၀ ပေးရပြီး အနံ့တွေနဲ့ လက်ဖက်ရည်ကတော့ ရင်းဂစ် ၆ ကနေ ၈.၅၀ ထိ ရှိပါတယ်။

လက်ဖက်ခြောက်ထုတ်လုပ်ပုံထဲမှ အဆင့်တစ်ခု

BOH မှ ရေနွေးကြမ်း

BOH tea shop မှ လှမ်းမြင်ရသော မြင်ကွင်း

အဲဒိနောက် တောင်ရဲ့ အမြင့်ဆုံးနေရာထိကားနဲ့ ဆက်တက်ပြီး ကားသမားက လမ်းလျှောက်ဖို့နေရာ နှစ်နေရာ ရွေးခိုင်းပါတယ်။ တစ်နေရာက ရေညှိတော (mossy forest) လမ်းနဲနဲကြမ်းမယ်၊ ရွံ့နဲနဲပေမယ်၊ တက်ရဆင်းရတာတွေ များမယ်။ နောက်တစ်နေရာက သစ်သားတံတား အတိုင်းလမ်းလျှောက်ပြီး ရေကန်ရှိမယ်လို့ ပြောပြီး လူခွဲပါတယ်။ သူကတော့ ခက်ခဲတဲ့ ရေညှိတောကို လမ်းပြအနေနဲ့ လိုက်ပြီး သစ်သားတံတား လျှောက်မယ့်သူတွေကိုတော့ စလျှောက်ရမယ့် နေရာပြပြီး ပြန်စုရမယ့်အချိန်ပြောပါတယ်။ 

Mossy Forest

ကိုယ်တို့အဖွဲ့တစ်ဖွဲ့ပဲ ရေညှိတောကိုရွေးပြီး ကျန်တဲ့သူတွေအားလုံးက သစ်သားတံတားကို ရွေးပါတယ်။
တောတစ်တောလုံး သစ်ပင်တွေမှာ ရေညှိပင်တွေ ပေါက်နေပြီး မြေကြီးလို့ မရှိတော့ဘဲ  သစ်မြစ်တွေမှာကပ်နေတဲ့ ရေညှိတွေကို နင်းသွားရတယ်။ နင်းတိုင်း အိအိသွားပြီး တစ်ချို့နေရာတွေမှာ ရွံ့တွေ စိမ့်ထွက်လာပါတယ်။ လူသွားပါများလို့ လမ်းဖြစ်ပေမယ့် လမ်းက အဖြောင့်တော့လည်းမဟုတ်။ ဒီသစ်ကိုင်းခွကျော်၊ ဟို သစ်ကိုင်းခုန်ကူးနဲ့ အပေါ်တက် အောက်ဆင်း သွားရတာပါ။

Pitcher Plant (ရေတကောင်းပင်)

ငယ်ငယ်တုန်းက စာထဲသင်ရတဲ့ ရေတကောင်းပင် (pitcher plant) တွေလည်းတွေ့ရပါတယ်။ လက်ထည့်ကြီးရင် အဖုံးပိတ်သွားမလားဆိုပြီး ထည့်ကြည့်လိုက်သေးတယ်။ ပြန်ဆင်းတဲ့လမ်းက တော်တော်မတ်ပါတယ်။ အေးမြတဲ့ရာသီဥတုမှာ နေရိပ်မထိုးတဲ့ တောအုပ်ထဲ လမ်းလျှောက်ရင်းချွေးတွေတောင် စို့လာပါတယ်။ဘာအားကစားမှ လုပ်လေ့ရှိသူမဟုတ်တော့ မောလည်းအတော်မောပါတယ်။

ဒီလို တက်ရင်းလည်း ဓာတ်ပုံရိုက်လိုက်သေးတယ်

သစ်ပင်တွေကြားထဲ ခေါင်းငုံ့ပြီးသွားရတာ ကစားနေရတာကျနေတာပဲ

ရေညှိတော တစ်နေရာ

ဒီလမ်းအတိုင်းပြန်ဆင်းခဲ့ရတယ်

တောင်ပေါ်ကဆင်းလာပြီး လိပ်ပြာဥယျာဉ်ကို သွားကြပါတယ်။ သံဇကာတွေ ကာထားတဲ့ ပန်းခင်းထဲမှာ လိပ်ပြာရောင်စုံ အရွယ်စုံကို ထည့်ထားတာပါ။ ၀င်ဝင်ချင်း လိပ်ပြာလေးတွေ အများကြီးတွေ့ရပြီး ပန်းတွေပေါ်မှာ နားနေတဲ့ သူတို့နားကို ကပ်သွားတာတောင် ထမပျံလို့ ၀မ်းသာသွားပေမယ့်၊ ခဏအကြာ သတိထားမိတာက သူတို့ကို လက်နဲ့ထိတာတောင် ပျံမသွားဘဲ ဒီပန်းပေါ်မှာမှာ တွယ်ကပ်နေကြတာပါ။ စိတ်အထင်တော့ ပန်းပေါ်မှာ သူတို့ စွဲလန်းစေတဲ့ တစ်ခုခု ထည့်ထားတယ်လို့ ထင်မိပါတယ်။ တစ်ချို့ လိပ်ပြာတွေကတော့ လွတ်လွတ်လပ်လပ် ပျံသန်းနေပြီး လူအနားကပ်မခံပါဘူး။ အဲဒါမှ ပုံမှန်လို့ ထင်ပါတယ်။ 

ပန်းနဲ့လိပ်ပြာ

ဘာလိပ်ပြာခေါ်လဲမသိ

ဒီလိပ်ပြာကတော့ အလှပြနေသလားမှတ်ရတယ်။ အနားဘယ်လောက်ကပ်ကပ် သူမမှု

ဒါကတော့ သူရိုက်ထားတဲ့ အကြိုက်ဆုံးပုံထဲက တစ်ပုံ

ဒါက နောက်တစ်ပုံ

အဲဒိနောက် ဟိုတယ်ကို ပြန်ပို့ပေးပါတယ် ။ ပိုက်ဆံနဲနဲလိုနေတာနဲ့ အနားက money changer မှာ ထပ်လဲရပါသေးတယ်။ နေ့လည်စာကိုတော့ ဟိုတယ်နားက ဆိုင်တစ်ဆိုင်မှာပဲ အိန္ဒိယစာစားခဲ့ပါတယ်။ ဟိုတယ်မှာ တရေးတမော ပြန်အိပ်ပြီး ညနေမှာ တက်စီနဲ့ ညဈေးကိုသွားပါတယ်။ ကံဆိုးစွာပဲ မိုးဖွဲဖွဲကနေ ညဈေးအရောက်မှာ မိုးစိပ်စိပ်ဖြစ်လာပါတယ်။ ထီးလည်းမပါကြတာနဲ့ သုပ်သုပ်သွား၊ သုပ်သုပ်ကြည့်၊ သုပ်သုပ်ဝယ်ပြီး ပြန်ဖို့ ပြင်ရပါတယ်။ အဲဒိက ပျားရည်ဝယ်ခဲ့ပါသေးတယ်။ ညစာစားဖို့ကို ညဈေးတန်းနားက ဆိုင်တွေထက် လမ်းမှာတွေ့ခဲ့ရတဲ့ မီးတွေထိန်လင်းတဲ့ ဆိုင်အကြီးကြီးကို မျက်စိကျကြပါတယ်။ တက်စီငှားပြီး အဲဒိဆိုင်ကို ပို့ခိုင်းပြီး ညစာကို steamboat ကြပြန်ပါတယ်။ ဆိုင်ကကြီးပြီး စားပွဲထိုးက နည်းတော့ ဆိုင်ရောက်ပြီး အတော်ကြာတာတောင် မှာလို့မရပါဘူး၊ စားပွဲပေါ် စားစရာ ရောက်လာဖို့ကို စုစုပေါင်း နာရီဝက်လောက်စောင့်လိုက်ရပါတယ်။

လူ ၃ ယောက်စာ မှာတာ အဲလို အရေအတွက်နဲ့ လာချပေးတာပါ (ပုစွန် ၃ ကောင်၊ ကြက်ဥ ၃ လုံး)

အရွက်တွေ လတ်ဆတ်တာတော့ ကြိုက်ပါတယ်။ အဲဒိ အသားလုံးတွေ အသားပြားတွေ မကြိုက်။ 

နောက်နေ့တော့ မနက် ၉ နာရီခန့် တာနာရာတ ဘက်စကားဝင်းထဲကနေ အီပိုး၊ အီပိုးကတဆင့် စင်ကာပူကို ပြန်ခဲ့ကြပါတယ်။ 

3D2N Cameron Highlands Trip - နိဒါန်း
3D2N Cameron Highlands Trip - Day 1

3D2N Cameron Highlands Trip - Day 2

3D2N Cameron Highlands Trip - Day 1

( အလုပ်တွေ ရှုပ်နေတာရော၊ အရှုပ်တွေ လုပ်နေတာရော၊ အပျင်းကြီးနေတာရော၊ ကျန်းမာရေး မကောင်းနေတာရော အားလုံးပေါင်းပြီး ဒီပို့စ်က နှစ်လကျော်ကြာသွားပါတယ်။ )

အီပိုးကနေ စီးလာတဲ့ကားက တောင်ပေါ်လမ်းကို ကွေ့ကာဝိုက်ကာနှင့် ဘရစ်ချန် မြို့ကို ဖြတ်ပြီးမှ တာနာရာတ (Tanah Rata) က ကားဂိတ်မှာ ဂိတ်ဆုံးပါတယ်။ ကားပေါ်က ဆင်းဆင်းချင်းပဲ အဲဒိကားဂိတ်ကနေ အပြန်အတွက် လက်မှတ်ဝယ်ထားလိုက်ပါတယ်။ ကားဂိတ်နဲ့ ဟိုတယ်က နီးနီးလေးပါ။ ၅ မိနစ်ခန့် လမ်းလျှောက်ရင် ရောက်ပါတယ်။

(Tanah Rata bus interchange)

ကားဝင်းထဲက ထွက်ထွက်ချင်း ဟိုတယ်ကို ချက်အင် မ၀င်သေးဘဲ နေ့လည်စာစားဖို့ လျှောက်ကြည့်ကြပါတယ်။ တာနာရာတရဲ့ တစ်ခုတည်းသော လမ်းလေးဝဲယာမှာ ဆိုင်လေးတွေရှိပါတယ်။ အများစုက မလေးအစားအသောက်တွေရောင်းချတဲ့ဆိုင်များဖြစ်ပြီး အိန္ဒိယ အစားအသောက်ဆိုင်များလည်းတွေ့ရပါတယ်။ စတားဘက် (starbucks) နှင့် မေရီဘရောင်း (Mary Browns) တို့လည်း ရှိပါတယ်။ တရုတ်အစားအစာဆိုင်တစ်ဆိုင်နှင့် ထိုင်းအစားအစာဆိုင်တစ်ဆိုင်လည်း ရှိပေမယ့် အဲဒိဆိုင်တွေမှာ လူတော်တော်ပါးပါတယ်။မြို့လေးကိုက လူလည်းမများလှဘဲ တိတ်ဆိတ် အေးချမ်းလွန်းလှပါတယ်။ မလေးလူမျိုးထက် တရုတ်၊ အိန္ဒိယလူမျိုးများကို သာ အများစု တွေ့ရပါတယ်။ နောက်ဆုံးတော့ အိန္ဒိယ အစားအသောက်ပဲ စားဖြစ်ပါတယ်။ လက်ဘက်ရည်အရမ်းကောင်းပြီး ကျန်တဲ့ အစားအသောက်တွေလည်း စားကောင်းပေမယ့် သူတို့ အစားအသောက်ထားတဲ့ စင်ပေါ်မှာ ယင်ကောင်တစ်ချို့ ပျံဝဲနေတာကြည့်ပြီး စားမဖြောင့်ပါဘူး။ 

ဟိုတယ်ကို လမ်းလျှောက်အသွား

ဟိုတယ်ကို ချက်အင်ဝင်ရင်း နေ့လည် လည်ဖို့ အတွက် တက်စီကို မှာထားလိုက်ပါတယ်။ တစ်နာရီ ရင်းဂစ် ၃၀ ပါ။ နေရမယ့်အခန်းက သန့်သန်ရှင်းရှင်းရှိပါတယ်။ ကိုယ်အခန်းရွေးရင် အဓိကအချက် က ပြတင်းပေါက်ပါတာပါပဲ။ အခု အခန်းကတော့ ပြတင်းပေါက်ဆိုတာထက် ပိုပါတယ်။ ခန်းလုံးပြည့်မှန်တံခါးကို လိုက်ကာ နှစ်ထပ် ကာထားပါတယ်။ မှန်တံခါးဖွင့်ဖွင့်ချင်း လေအေးများက အခန်းထဲကို ရုတ်ခနဲ ၀င်လာပါတယ်။ အမျိုးသားက ဖွင့်ထားရင် ညဘက် အေးနေမယ် လို့ သတိပေးပေမယ့် ဒီလိုလေကို ခံစားချင်လို့ပဲ ဒီကိုလာခဲ့တယ် မဟုတ်လားလို့ ဆင်ခြေပေးရင်း ဆက်ဖွင့်ထားလိုက်ပါတယ်။ မြင်ရတဲ့ ရှုခင်းကလည်း တောင်ကုန်းဆိုတော့ ဖွင့်ထားလည်း လွတ်လွတ်လပ်လပ်နေနိုင်ပါတယ်။

(ဟိုတယ်အခန်း မှန်တံခါး)

အခန်းထဲ ခဏနား၊ ရေချိုးပြီး နေ့လည် ၂ နာရီခန့်မှာ စလည်ပတ်ပါတယ်။ တက်စီ မောင်းသမားက အိန္ဒိယ လူမျိုးပါ။ သူက လွန်ခဲ့တဲ့ နှစ်ကမှ မြန်မာပြည်ကို ၃ ပတ်အလည်သွားခဲ့သူဆိုတော့ သူသိခဲ့တဲ့ မြန်မာပြည် အကြောင်း အာပေါင်ရင်းသန်သန် ပြောတော့တာပါပဲ။ 

ပထမဆုံး သွားတာက Rose Valley ပါ။ နှင်းဆီတောင်ကြားလို့ နာမည်တပ်ထားပေမယ့် နှင်းဆီတွေချည်းပဲ ရှိတာတော့ မဟုတ်ပါဘူး။ ပန်းပေါင်းစုံ ရှိတာပါ။ နှင်းဆီအမျိုးအနွယ်တွေကတော့ ပိုများတာပေါ့လေ။လွန်ခဲ့တဲ့ ၆ နှစ်လောက်က တစ်ခေါက်ရောက်ဖူးတာမို့ အသစ်အဆန်း တော့ မဖြစ်ပါဘူး။ အရင်တုန်းက အတူတူသွားခဲ့တဲ့ သူငယ်ချင်းတွေကို သတိတရ အရမ်းရှိမိပါတယ်။ အဲဒိတုန်းကတော့ ပန်းတစ်မျိုးချင်းစီနဲ့ ဓာတ်ပုံတွေ အလုအယက်ရိုက်ခဲ့ပေမယ့် အခုတော့ ပန်းတွေကိုသာ ဓာတ်ပုံ ရိုက်မိပါတယ်။ အသက်ကြီးလာခြင်းရဲ့ လက္ခဏာတစ်ရပ် ဖြစ်မယ်ထင်ပါတယ်။ ဒါကြောင့်လည်း ငယ်တုန်းရွယ်တုန်း ခရီးသွားဖို့ တိုက်တွန်းကြတာ ဖြစ်ပါလိမ့်မယ်။ 

(ပွင့်အာလု နှင်းဆီ)

(ပွင့်အာပြီး နှင်းဆီ)

အ၀ါရောင်ပန်းကလေး

အနီရောင်

ဒီပန်းကိုကြည့်ပြီး ကိုယ်တို့ငယ်ငယ်တုန်းက အိမ်မှာ ရှိတဲ့ ဖယောင်းပန်းကို သတိရမိတယ်

ပန်းခြုံပုတ်

ပန်းခင်းအလယ်က decoration

ဓာတ်ပုံတွေ ရိုက်ခဲ့လား မမေးပါနဲ့။ ထိုင်နေရင်း အချင်းချင်းတောင် ဒီလိုရိုက်တာ။

နောက်တစ်ခုသွားတာက Lavender Garden ပါ။ ၂၀၁၃ က မှဖွင့်တာဆိုတော့ နေရာအသစ်လို့ ဆိုနိုင်ပါတယ်။ ဂျူး ၀တ္ထု ဖတ်ပြီးကတည်းက ရူးခဲ့ရတဲ့ လဗန်ဒါ ပန်းတွေကို ပြင်သစ်အထိ သွားမကြည့်နိုင်ပေမယ့် ဒီနေရာ ဒီမှာရှိတယ် သိကတည်းက သွားချင်ခဲ့တဲ့ နေရာတစ်ခုပါ။ လဗင်ဒါ ပန်းခြံလို့ နာမည်တပ်ထားပေမယ့် ထုံးစံအတိုင်း တခြားပန်းတွေလည်း စိုက်ထားပါတယ်။ မနေနိုင်လို့ လဗန်ဒါပန်းတွကို ငုံ့နမ်းမိတဲ့အခါ ရတဲ့ရနံ့က ကိုယ်တို့ သုံးစွဲနေကြ လဗင်ဒါ အနံ့ပါဝင်တဲ့ ရေချိုးဆပ်ပြာတို့ ရေမွှေးတို့ လိုးရှင်းတို့လို အနံ့သီးသန့်မဟုတ်ဘဲ အဲဒါတွေထက် အနည်းငယ် ပိုပြင်းတဲ့ အနံ့ကို အရွက်လတ်လတ်ဆတ်ဆတ်အနံ့နဲ့ ပေါင်းထားတဲ့ နှစ်သက်ဖွယ်ရာ အနံ့ရပါတယ်။

(ချစ်သော လဗန်ဒါ) တစ်နေ့တော့ ပြင်သစ်က တကယ့် လဗန်ဒါပန်းခင်းကြီးဆီ သွားမည်။

တကယ်တော့ လဗန်ဒါက မြက်မျိုးနွယ်ပါ။ အမျိုးအစားတွေလည်း အများကြီး ရှိပါတယ်။ 

ရောင်စုံပန်းခင်းကြီး

one of their decors

ကိုယ်ပြန်ခြဲ့ပီ လမ်းကလေး.....

လဗန်ဒါ ပန်းခြံထဲမှာပဲ ဘေးမှာ စတော်ဘယ်ရီ အခင်းလေးရှိပါတယ်။ အဲဒိဘက် အကူးမှာ မိုးခပ်စိပ်စိပ်ရွာလာပါတယ်။ ပန်းခင်းတွေကတော့ အပေါ်က အမိုးတွေရှိတဲ့အတွက် အေးအေးဆေးဆေး ကြည့်လို့ရပါတယ်။ စတော်ဘယ်ရီတစ်ချို့ ၀ယ်ဖြစ်ပါတယ်။ လတ်လတ်ဆတ်ဆတ်ရှိပြီး ချိုပါတယ်။

စတော်ဘယ်ရီ ခူးကြမလား

စတော်ဘယ်ရီ ပင်အောင် ချိန်းတွေ့လို့ရပြီ

စတော်ဘယ်ရီ ချောကလက်နှစ်ရင်...  (ချိုချိုချဉ်ချဉ် အရမ်းစားကောင်းတယ်)

အဲဒိက အပြန် တက်စီသမားကို ကန္တာရ အပင်လေးတွေရှိရာ ပို့ခိုင်းလိုက်ပါတယ်။ အဲဒိတော့ သူလိုက်ပို့တဲ့နေရာက Cactus Valley။ အရင်တစ်ခေါက်လာတုန်းက သွားတဲ့နေရာက Cactus Point။ ဆိုတော့ မရောက်ဖူးတဲ့ နေရာအသစ်ပဲပေါ့။ ဒါပေမယ့် အထဲမှာကတော့ အတူတူပါပဲ။ ကန္တာရ အပင်မျိုးစုံကို မြင်တွေ့ရပြီး အိုးသေးသေးလေးတွေကို ရောင်းတဲ့နေရာလည်း ရှိပါတယ်။ မ၀ယ်ဘူး တင်းထားပေမယ့် အပင်သေးသေးလေး ၆ ပင်တော့ ပါလာခဲ့ပြန်ပါတယ်။ကိုယ့်ရဲ့ စိတ်ရှည်လက်ရှည် ပြုစုမှုအောက်မှာ ဘယ်နှစ်ရက်ခံမလဲမသိ။

ကပ်တီး ကပ်တပ် အပင်များ

ဒီလိုလေးတွေ အများကြီး စိုက်ချင်တာ

ညစာစားချိန်ရောက်လာတော့ တက်စီသမားကို ဘရစ်ချန်မြို့က ဟော့ပေါ့ဆိုင်တစ်ဆိုင်ကို ပို့ခိုင်းလိုက်ပါတယ်။ ဟော့ပေါ့ဆိုင်ရောက်တော့ မိုးက တိတ်နေပါပြီ။ မိုးရွာပြီးခါစ တောင်ပေါ်မြို့လေးရဲ့ အေးစိမ့်နေတဲ့ ရာသီဥတုမှာ ဟော့ပေါ့စားရတာ တကယ်ကို နွေးထွေးပြီး စားမြိန်စေပါတယ်။

စားကြပါဦး ဟော့ပေါ့

ဆိုင်တန်းတွေနားမှာ တက်စီတွေ ရှိပါတယ်။ အပြန်ကို တက်စီငှားကြမယ်ဆို ကြည့်ကြတော့ နေ့လည်က သွားခဲ့တဲ့ တက်စီဦးလေးကြီးကိုပြန်တွေ့တာနဲ့ သူ့တက်စီကိုပဲ ငှားပြီး ဟိုတယ် ပြန်ခဲ့ကြပါတယ်။ 

3D2N Cameron Highlands Trip - နိဒါန်း
3D2N Cameron Highlands Trip - Day 1

3D2N Cameron Highlands Trip - Day 2