ကိုရီးယားခရီးစဉ် Day 3

ဒယ်ဂူးမြို့။ ၂၃ ဖေဖော်ဝါရီ ၂၀၁၄။

ဂျယ်ဂျူးမှ ဒယ်ဂူးသို့
နံနက်စာစားပြီးတာနဲ့ ဂျယ်ဂျူးလေဆိပ်ကိုဆင်းပါတယ်။ ဒယ်ဂူးကို ၁ နာရီကြာ ပြည်တွင်းလေယာဉ်စီးဖို့ပါ။


ဂိုက်က  group check-in လုပ်ပေးနေတုန်း.. ဟိုသွားဒီသွား ဟိုရိုက်ဒီရိုက်။

လေဆိပ်ကနေ လေယာဉ်ဆီကို ဘက်စ် စီးရပါတယ်။ ရန်ကုန်ကနေ စင်ကာပူကိုလာတဲ့ ပထမဆုံး လေယာဉ်စီးအတွေ့အကြုံကိုတောင် သတိရချင်ချင်ဖြစ်မိသေး။

အေးအေးချမ်းချမ်းလေးလှနေတဲ့ ဂျယ်ဂျူးကို နုတ်ဆက်လိုက်ပါတယ်။ သွားတော့မယ်ဂျယ်ဂျူးရေ။

ဒယ်ဂူးကို လေယာဉ်ပေါ်မှမြင်ရစဉ်။

Daegu Donghwasa Temple
ဒယ်ဂူးရောက်ရောက်ချင်း ပထမဆုံးသွားတာက Donghwasa Temple ပါ။ အောက်ကပုံက မုဒ်ဦးအ၀င်ဝပါ။ အထဲကို လမ်းတော်တော်လျှောက်ရပါတယ်။ အနည်းဆုံး မိနစ် ၂၀ လောက်ရျိမလားမသိ။

ဒီလမ်းအတိုင်း လျှောက်ကြပါတယ်။ ဘေးမှာ တောတောင်နဲ့ ဆိုတော့ နေထွက်နေပေမယ့် သိပ်မပူပါဘူး။ 
ဒါကလမ်းတစ်ဝက်မှာရှိတဲ့ စခန်းပါ။ ဘုန်းကြီးကျောင်းတွေ ရှိပါတယ်။ 


အဲဒိစခန်းကမှ ဆက်သွားရပါတယ်။ သွားနေတဲ့လမ်းတစ်လျှောက်မှာ ဒီလို လမ်းညွန်ထားပါတယ်။
 

ဒီလှေကားအတိုင်း တက်ရပါသေးတယ်။ ဒါက ပြန်အဆင်းမှာ ရိုက်ထားတာပါ။

လမ်းမှာ ဘုန်းကြီးတွေလည်း တွေ့ရပါတယ်။ တရုတ်ဘုန်းကြီးနဲ့ ဆင်ပါတယ်။လှေကားပေါင်းများစွာ တော်တော်လေးတက်အပြီးမှာ ဘုရားဆီရောက်ပါပြီ။


ဘုရားဖူး၊ အမှတ်တရ ဓာတ်ပုံရိုက်ပြီး ရှုခင်းကြည့်ကြပါတယ်။ ပြီး လာရာလမ်းအတိုင်းပြန်ဆင်းပြီး ခုန ဖြတ်ခဲ့တဲ့ စခန်းမှာ ခဏနားကြပါတယ်။ အောက်ကပုံကတော့ အဲဒိစခန်းက စမ်းရေပါ။ ခွက်ကလေးတွေနဲ့ ခပ်သောက်နေကြတာမြင်တော့ ကိုယ်တို့လည်း သောက်ကြပါတယ်။ ရင်ထဲကို အေးမြသွားတာတော့ အမှန်ပါ။

ဘုရားကျောင်းရှေ့မှာ မိန်းမကြီးတွေ ကန်စွန်းဥဖုတ်နေကြပါတယ်။ မီးသွေးထည့်ဖုတ်လို့ရတဲ့ စက်ကလေးနဲ့ပါ။ ဘုရားအတွက် အလှူငွေထည့်ရင် ကန်စွန်းဥပြန်ကျွေးပါတယ်။ အလှူငွေထည့်ပြီး ကန်စွန်းဥစားဖို့ စီနေတဲ့ အတန်းထဲဝင်လိုက်တာ ကိုယ့်အလှည့်ကျမှ ပထမအသုတ်ဖုတ်ထားတဲ့ ကန်စွန်းဥတွေ ကုန်သွားလို့ နောက်တစ်သုတ်ဖုတ်တာကို အကြာကြီးစောင့်ရပါတယ်။ ကိုယ်ကလည်း အလှူငွေလည်းထည့်ထား၊ သူများစားတာကို အနံ့ကလည်း ရထားဆိုတော့ မစားဘဲ မပြန်နိုင်ပါဘူး။ အစအဆုံးဖုတ်တာကို ထိုင်ကြည့်ပြီး စောင့်တာပါပဲ။ ဂိုက်ကလည်း အေးအေးဆေးဆေး တစ်နေရာကနေ စောင့်ပါတယ်။ မစားတဲ့သူတွေနဲ့ စကားလက်ဆုံကျရင်းပေါ့။ ပြောရရင် တိုးဂိုက် ကီကီက တော်တော်စိတ်ရှည်ပါတယ်။ ဘယ်တော့မှ မလောပါဘူး။ တစ်ခါတစ်လေ သူ့ အင်္ဂလိပ်စကားကို နားမလည်တာက လွဲရင်ပေါ့။

Daegu City Centre - မြေအောက်ဈေးမှာ ဈေးဝယ်ကြမယ်
ဘုရားကအပြန်တော့ မြေအောက်ဈေးကိုပို့ပါတယ်။ ထုံးစံအတိုင်း ဆိုးလ်ရောက်မှ ဈေးဝယ်မယ်စဉ်းစားထားတော့ ဟိုကြည့်ဒီကြည့်နဲ့ လမ်းမပေါ်ပြန်တက်ပြီး လျှောက်ကြည့်ကြပါတယ်။





ဒါက သွားတဲ့အဖွဲ့ပါ။ ရှေ့ဆုံးကထိုင်နေတဲ့ ဂျာကင်အညိုနဲ့က ကီကီပါ။


ကိုရီးယားခရီးစဉ် နိဒါန်း
ကိုရီးယား ဗီဇာ
ကိုရီးယားခရီးစဉ် Day 1
ကိုရီးယားခရီးစဉ် Day 2
ကိုရီးယားခရီးစဉ် Day 3
ကိုရီးယားခရီးစဉ် Day 4
ကိုရီးယားခရီးစဉ် Day 5
ကိုရီးယားခရီးစဉ် Day 6 
ကိုရီးယား အလှကုန်များ

No comments:

Post a Comment

ဆန်းဆန်းတင့် (၁) ၊ ကြွက်ကလေးနဲ့ ကိုယ်

ကိုယ်ဟာ ဆန်းဆန်းတင့်သူတစ်ယောက်ပါ။ အဲဒိအကြောင်းနဲ့ ပတ်သတ်လို့ အရင်ကတော့ ပေါ့ပေါ့ဆဆပါပဲ။ တဖြည်းဖြည်း ပျော်ရွှင်မှုတွေ နည်းနည်းလာတာက...